Malen, Maguire, Rashford, Greenwood, Yoro, Eriksen og fleiri góðir í slúðri dagsins
Fylkir
1
3
ÍBV
0-1 Rebekah Bass '8
0-2 Natasha Anasi '25
0-3 Lisa-Marie Woods '47
Berglind Björg Þorvaldsdóttir '59 1-3
18.05.2016  -  18:00
Floridana völlurinn
Pepsi-deild kvenna 2016
Aðstæður: Kalt í veðri. Logn og dökkt yfir.
Dómari: Kristinn Friðrik Hrafnsson
Byrjunarlið:
1. Eva Ýr Helgadóttir (m)
Tinna Bjarndís Bergþórsdóttir
6. Hulda Sigurðardóttir
7. Rut Kristjánsdóttir
8. Hulda Hrund Arnarsdóttir ('69)
10. Ruth Þórðar Þórðardóttir ('65)
15. Lovísa Sólveig Erlingsdóttir
19. Kristín Erna Sigurlásdóttir
23. Berglind Björg Þorvaldsdóttir
24. Eva Núra Abrahamsdóttir ('65)
27. Sandra Sif Magnúsdóttir

Varamenn:
25. Audrey Rose Baldwin (m)
4. Elma Lára Auðunsdóttir ('69)
5. Freyja Viðarsdóttir
14. Kristín Dís Árnadóttir ('65)
22. Shu-o Tseng ('65)
23. Hrafnhildur Hekla Eiríksdóttir
29. Man Ting Lin

Liðsstjórn:

Gul spjöld:
Rut Kristjánsdóttir ('64)

Rauð spjöld:
Leik lokið!
Leik lokið!

Kristinn Friðrik hefur flautað til leiksloka!

3-1 sigur ÍBV gegn Fylki staðreynd og fyrstu stig ÍBV þá komin í hús.

Viðtöl og skýrslan kemur inn seinna í kvöld. Eigið góðar stundir.
90. mín
Inn:Ásta María Harðardóttir (ÍBV) Út:Lisa-Marie Woods (ÍBV)
Síðasta skipting leiksins.
87. mín
Þetta er að fjara út hérna á Fylkisvellinum. Gestirnir eru að fara heim með þrjú stig!
83. mín
Inn:Sesselja Líf Valgeirsdóttir (ÍBV) Út:Rebekah Bass (ÍBV)
Rebekah var virkilega öflug í fyrri hálfleik. Aðeins farið minna fyrir henni í þeim seinni.
80. mín
Leikurinn getur loksins farið aftur af stað. Eva Ýr staðin upp og tekur óbeina aukaspyrnu.
77. mín
Eva Ýr liggur eftir! Hún fór út í háan bolta en lenti á leikmanni ÍBV og féll við. Fékk að mér sýnist höfuðhögg!
73. mín
Leonie Pankratz bjargar á línu!!!

Eftir hornspyrnu frá Söndru Sif bjargar sú þýska á línunni! Þetta hefði getað orðið að alvöru leik hérna, með marki!
71. mín
Berglind Björg í upplögðu marktækifæri en skot hennar varið af varnarmanni og aftur fyrir. Fínn undirbúningur fyrir Kristínu Ernu.
70. mín
Cloe Lacasse við það að sleppa í gegn fyrir ÍBV en missir boltann of langt frá sér og beint í hendurnar á Evu Ýr sem var komin út á móti.
69. mín
Inn:Elma Lára Auðunsdóttir (Fylkir) Út:Hulda Hrund Arnarsdóttir (Fylkir)
Síðasta skipting Fylkis í leiknum.

Fyrsti leikur Elmu Láru fyrir Fylki, hún gekk í raðir Fylkis frá HK/Víking 20 mínútum fyrir lok félagaskiptagluggans.
67. mín
Inn:Júlíana Sveinsdóttir (ÍBV) Út:Sara Rós Einarsdóttir (ÍBV)
65. mín
Inn:Shu-o Tseng (Fylkir) Út:Eva Núra Abrahamsdóttir (Fylkir)
65. mín
Inn:Kristín Dís Árnadóttir (Fylkir) Út:Ruth Þórðar Þórðardóttir (Fylkir)
64. mín Gult spjald: Cloe Lacasse (ÍBV)
64. mín Gult spjald: Rut Kristjánsdóttir (Fylkir)
59. mín MARK!
Berglind Björg Þorvaldsdóttir (Fylkir)
Stoðsending: Rut Kristjánsdóttir
ÞVÍLÍKT MARK!!!

Rut Kristjánsdóttir með góða fyrirgjöf frá hægri kantinum, Berglind Björg tók síðan eina góða bakfallsspyrnu sem Bryndís Lára réði ekki við í markinu!

Vel gert Berglind Björg, svona sér maður ekki á hverjum degi!!!
53. mín
Fylkisstelpur keyra upp í skyndisókn, Kristín Erna reynir að finna Berglindi Björgu sem gengur ekki, endar síðan með slöku skoti frá Huldu Hrund og Natasha Anasi bjargar ÍBV liðinu.
49. mín
Kristín Erna með fyrirgjöf frá hægri ætlaða Berglindi Björgu en Bryndís Lára var fyrr til í boltann og handsamaði hann.
48. mín
Eyjastelpurnar eru ekkert hættar, hafa átt tvær marktilraunir eftir þriðja markið sem hafa endað beint á Evu Ýr!
47. mín MARK!
Lisa-Marie Woods (ÍBV)
Uppúr gjörsamlega engu er Lisa-Marie Woods skyndilega komin ein í gegn og leggur boltann framhjá Evu Ýr í fjærhornið.

Hræðileg byrjun fyrir Fylkisstelpur! ÍBV að gera nánast útum þennan leik hér í upphafi seinni hálfleiks!

Sá því miður ekki, hver lagði upp markið á Woods.
46. mín
Seinni hálfleikurinn er byrjaður!
45. mín
Kristín Erna hefur ekki fundið taktinn enn í leiknum en hún gekk í raðir Fylkis í vetur frá ÍBV.
45. mín
Hálfleikur
Kristinn Friðrik hefur flautað til hálfleiks!

Það verður að segjast alveg eins og er, að 2-0 forysta ÍBV er sanngjörn. Þær hafa átt fullt af skotfærum og Fylkisliðið stálheppið að hafa ekki fengið fleiri mörk á sig.

Það má þó ekki gleyma því að Fylkisliðið hefur líklega verið nálægt því að skora en ekki enn tekist það.
42. mín
Cloe Lacasse með sendingu innfyrir á Rebekah Bass sem reynir að vippa yfir Evu Ýr í markinu en hún lætur ekki plata sig svona auðveldlega og grípur boltann auðveldlega.
41. mín
Cloe Lacasse með skot utan teigs sem endar ofan á þverslánni og yfir markið.

Þvílík skemmtun sem verið er að bjóða upp á hérna! Marktilraunirnar hafa verið fjölmargar hingað til.
40. mín
Gestirnir hafa sótt síðustu mínútur.

Rebekah Bass átti rétt í þessu skot rétt framhjá markinu innan vítateigs.
37. mín
Hulda Hrund með skot utan teigs en framhjá fer boltinn, laglegur undirbúningur hjá Berglindi Björgu. Hún og Hulda Hrund hafa verið líflegar í sóknarlínu Fylkis.
34. mín
Hulda Hrund reynir fyrirgjöf en Arianna Romero gerir vel og tæklar boltann í horn. Enn eitt hornið í þessum leik.
31. mín
Tinna Bjarndís með skalla eftir hornspyrnu frá Söndru Sif, en boltinn nokkuð framhjá markinu.
30. mín
STANGARSKOT!!!

Lisa-Marie Woods með óvenjulegt skot innan teigs sem endar í fjærstönginni og að lokum nær Fylkir að hreinsa frá! Eyjastelpur óheppnar og að sama skapi Fylkisstelpur stálheppnar!
25. mín MARK!
Natasha Anasi (ÍBV)
MAAAAAARK!!!

Anasi fær boltan fyrir utan teig, leikur á tvær Fylkisstelpur og lætur síðan vaða fyrir utan teig og boltinn syngur í markinu!

Þvílík byrjun Eyjastelpna í þessum leik!
25. mín
ÍBV fær hornspyrnu, Lisa-Marie Woods tekur spyrnuna sem Ruth Þórðar skallar í burtu.
22. mín
Hulda Hrund er nú komin á vinstri kantinn og Kristín Erna á þann hægri.
21. mín
Fylkisstelpur eru heldur betur að hressast!

Kristín Erna átti í rétt í þessu fyrirgjöf sem Berglind Björg náði ekki almennilega til, hinsvegar lúrði Hulda Hrund á fjærstönginni en skot hennar í hliðarnetið.
19. mín
Svakalegt skot!

Berglind Björg tók frábærlega við boltanum, eftir sendingu frá Huldu Sig., Berglind sneri sér að markinu rétt við vítateig ÍBV og lét síðan vaða en Bryndís Lára varði meistaralega í horn.

Arianna Romero bakvörður ÍBV hreinsaði síðan eftir hornið.
17. mín
Hulda Hrund á fyrstu skot tilraun Fylkis í leiknum en Bryndís Lára vel á verði í marki ÍBV. Fínt að hún fái einn og einn bolta til að halda sér hita á vellinum.
17. mín
Endaði reyndar með því að Sandra Sif tók spyrnuna, en hún var auðveldlega skölluð frá.
16. mín
Hulda Hrund þarf aðhlynningu. Fylkisstelpur fá aukaspyrnu nokkra metra fyrir framan vítateig ÍBV. Kristín Erna ætlar að taka spyrnuna.
14. mín
Lisa-Marie Woods með fyrirgjöf af vinstri kantinum sem Tinna Bjarndís hreinar í innkast. Hún vinnur síðan boltann eftir innkastið og Fylkisstelpur geysast upp í sókn sem Sabrína Lind stöðvar.
13. mín
Lagleg samspil milli Cloe og Rebekuh Bass en Rut Kristjánsdóttir stöðvar sókn ÍBV á síðustu stundu og af Bass fer boltinn aftur fyrir.
10. mín
Laglega klárað hjá Bass og fín sending frá Cloe, en við skrifum þetta mark alfarið á Evu Ýr í markinu. Þvílík hörmung!
8. mín MARK!
Rebekah Bass (ÍBV)
Stoðsending: Cloe Lacasse
MAAAAAARK!!!!

Eftir hörmuleg markspyrna frá Evu Ýr, reyndi Sandra Sif að bjarga málunum en það gekk ekki betur en svo að Cloe Lacasse vann boltann, komst inn í vítateiginn og lagði boltann síðan til hliðar á Rebekah Bass sem skoraði í autt markið.
5. mín
Hjá Fylki er Lovísa Sólveig og Tinna Bjarndís í miðvörðunum. Sandra Sif í hægri bakverði og Hulda Sigurðar í vinstri.

Rut Kristjáns. Eva Núra og Ruth Þ. Þórðar eru á miðjunni.

Kristín Erna úti á vinstri kanti, Hulda Hrund á hægri og Berglind Björg fremst.

4-3-3.
5. mín
Anasi og Sabrína Lind mynda miðvarðarpar ÍBV. Arianna Romero er í hægri bakverði og Sóley Guðmundsdóttir í þeim vinstri.

Sigríður Lára og Sara Rós eru á mðjunni og Lisa-Marie Woods er fyrir framn þær.. Leonie Pankratz er á vinstri vængnum og Rebekah Bass á hægri. Cloe Lacasse er síðan fremst.

Einhverskonar 4-3-3.

3. mín
Spyrnan afspyrnuslök og beint í hliðarnetið.
3. mín
ÍBV fær sína fyrstu hornspyrnu. Sóley undirbýr sig til að taka hana.
2. mín
Leikurinn byrjar fjörlega. Cloe Lacasse með stórhættulega fyrirgjöf frá hægri sem fer í gegnum allan pakkann og ekkert verður úr sókn ÍBV.
1. mín
Fylkir fær hornspyrnu útfrá miðjunni.

Löng spyrna upp hægri kantinn og þar vinnur Hukda Hrund horn.
1. mín
Leikur hafinn
Leikur hafinn.
Fyrir leik
Liðin ganga út á völlinn. Leikurinn byrjar líklega 1-2 mínútum of seint. Það verður að hafa það.
Fyrir leik
Framherinn öflugi hjá ÍBV, Shaneka Gordon er að glíma við meiðsli og verður því ekki með ÍBV liðinu í dag og líklega næstu leiki. Mikið áfall fyrir Eyjaliðið.
Fyrir leik
Það verður að segjast, að það er ansi döpur mæting hér á Floridana-völlinn þremur mínútum fyrir upphafsspyrnuna.


Fyrir leik
Það gæti rignt á leikmennina í dag. Það er þungskýjað og nokkrir dropar létu sjá sig á leið minni á völlinn.

Síðan er hitastigið ekkert sérlega hátt. Kuldalegt yfir hér í Árbænum.
Fyrir leik
Leonie Pankratz kemur inn í lið ÍBV frá síðasta leik í stað Sesselju Valgeirsdóttur.

Pankratz kom til liðs við ÍBV stuttu fyrir mót frá Hoffenheim í Þýskalandi.
Fyrir leik
Eiður Benedikt þjálfari Fylkis gerir eina breytingu á sínu liði frá síðasta leik. Hulda Hrund kemur inn í byrjunarliðið í stað Kristínar D. Árnadóttur.

Hulda Hrund kom vel inn í síðasta leik og var til að mynda í úrvalsliði 1. umferðar.
Fyrir leik
Byrjunarliðin eru komin í hús!
Fyrir leik
Fylkir gerði 2-2 jafntefli í fyrstu umferðinni gegn Val á heimavelli.

Eyjastelpur töpuðu gegn Selfossi 0-1 í Eyjum.
Fyrir leik
Leikurinn hefst klukkan 18:00.

Klukkan 19:15 hefjast síðan fjórir aðrir leikir í Pepsi-deildinni, þannig framundan er algjör veisla fyrir aðdáendur kvennaknattspyrnunnar á Íslandi!
Fyrir leik
Verið velkomin í beina textalýsingu frá leik Fylkis og ÍBV í 2. umferð Pepsi-deildar kvenna!
Byrjunarlið:
12. Bryndís Lára Hrafnkelsdóttir (m)
Sabrína Lind Adolfsdóttir
2. Sóley Guðmundsdóttir (f)
5. Natasha Anasi
6. Sara Rós Einarsdóttir ('67)
9. Rebekah Bass ('83)
10. Leonie Pankratz
11. Sigríður Lára Garðarsdóttir
11. Lisa-Marie Woods ('90)
20. Cloe Lacasse
22. Arianna Jeanette Romero

Varamenn:
3. Júlíana Sveinsdóttir ('67)
6. Sesselja Líf Valgeirsdóttir ('83)
7. Díana Dögg Magnúsdóttir
14. Díana Helga Guðjónsdóttir
15. Ásta María Harðardóttir ('90)

Liðsstjórn:
Sigríður Sæland Óðinsdóttir
Sóldís Eva Gylfadóttir

Gul spjöld:
Cloe Lacasse ('64)

Rauð spjöld: