Stjarnan
1
1
FH
0-1 Emil Pálsson '39
Hilmar Árni Halldórsson '87 1-1
23.05.2016  -  20:00
Samsung völlurinn
Pepsi-deild karla 2016
Aðstæður: Svolítið rok en teppið flott að venju.
Dómari: Þorvaldur Árnason
Áhorfendur: 1936
Byrjunarlið:
1. Duwayne Kerr (m)
2. Heiðar Ægisson
2. Brynjar Gauti Guðjónsson
5. Grétar Sigfinnur Sigurðarson
6. Þorri Geir Rúnarsson
7. Guðjón Baldvinsson
8. Halldór Orri Björnsson ('75)
8. Baldur Sigurðsson
14. Hörður Árnason
16. Ævar Ingi Jóhannesson ('58)
19. Jeppe Hansen ('75)

Varamenn:
25. Hörður Fannar Björgvinsson (m)
4. Jóhann Laxdal
9. Daníel Laxdal
10. Hilmar Árni Halldórsson ('75)
11. Arnar Már Björgvinsson ('58)
20. Eyjólfur Héðinsson

Liðsstjórn:
Veigar Páll Gunnarsson

Gul spjöld:
Þorri Geir Rúnarsson ('33)
Guðjón Baldvinsson ('90)

Rauð spjöld:
Leik lokið!
Heilt yfir frekar jafn leikur. Stjarnan ennþá eina taplausa liðið í deildinni.

Viðtöl og annað sniðugt á leiðinni. Takk fyrir mig.
90. mín Gult spjald: Guðjón Baldvinsson (Stjarnan)
Brýtur á Davíð. Uppsafnað segir Þorvaldur.
90. mín
Kristján Flóki á skot utan teigs sem fer beint í fangið á Kerr.

90. mín
Inn:Brynjar Ásgeir Guðmundsson (FH) Út:Bjarni Þór Viðarsson (FH)

87. mín MARK!
Hilmar Árni Halldórsson (Stjarnan)
Stoðsending: Baldur Sigurðsson
MAAAAAAAAAAAAAAAAAAAARK!!!

Heiðar Ægisson á fyrirgjöf sem Baldur tekur við með ROSALEGRI hælspyrnu sem endar á Hilmari sem kom á ferðinni og kláraði í bláhornið. Fallegt mark.

Rosalega góðar skiptingar Rúnars í sumar. Það skorar bara alltaf einhver sem hann skiptir inná.

84. mín
Stjarnan að sækjast eftir jöfnunarmarkinu. Guðjón Baldvins stekkur hæst í hornspyrnu Hilmars en nær ekki að hitta markið úr fínu færi.
83. mín Gult spjald: Bjarni Þór Viðarsson (FH)
Brýtur á Þorra sem var að sækja hratt. Augljóst spjald.
82. mín
Bjarni Þór á skot í stöngina, nánast frá engu færi en sem betur fer fyrir hann, þá var búið að flagga rangstæðu.
81. mín
Enn heldur Þorri áfram að brjóta af sér. Þriðja eða fjórða brotið hans eftir hann var færður til bókar.
79. mín Gult spjald: Kristján Flóki Finnbogason (FH)
Varamaðurinn stimplar sig inn. Kom í veg fyrir að heimamenn gátu sótt hratt.
78. mín
Hörður brýtur á Atla Guðna og FH-ingar fá aukaspyrnu sem hægt er að gera góða fyrirgjöf úr. Heppinn að fá ekki spjald þarna.
76. mín
Inn:Kristján Flóki Finnbogason (FH) Út:Steven Lennon (FH)
Lennon búinn að berjast vel allan leikinn en ekki fengið alvöru færi.
75. mín
Inn:Hilmar Árni Halldórsson (Stjarnan) Út:Halldór Orri Björnsson (Stjarnan)
75. mín
Inn:Veigar Páll Gunnarsson (Stjarnan) Út:Jeppe Hansen (Stjarnan)
Loksins! Ekki alveg besti dagur danska jeppans.
73. mín
Hornspyrna FH-inga endar hjá Doumbia sem reynir skot sem fer í varnarmann og boltinn dettur fyrir Bjarna Þór en Kerr lokar vel á hann og ver.
69. mín
Silfurskeiðin er byrjuð að syngja um Veigar Pál. Hlýtur að styttast í að hann komi inná.
66. mín
Varnarleikur í lagi!

Guðjón Baldvins var í góðri stöðu innan teigs og nær föstu skoti sem Bergsveinn nær að kasta sér fyrir. Þarna bjargaði Beggi klárlega marki.
66. mín
Steven Lennon var kominn í góða stöðu og ætlaði að leggja boltann á Atla Guðna sem var aleinn í teignum en Grétar Sigfinnur varðist því virkilega vel og bjargaði.
63. mín
Atli Guðna fær boltann úti á kanti, fer inn að marki og reynir skot sem fer beint í fangið á Kerr.
59. mín
Það er í lagi með Doumbia og er hann kominn inná.
58. mín
Kassim Doumbia liggur eftir en hann fór niður í eigin teig þegar boltinn var hvergi nærri.
58. mín
Inn:Arnar Már Björgvinsson (Stjarnan) Út:Ævar Ingi Jóhannesson (Stjarnan)

53. mín
ÞVÍLÍK MARKVARSLA!!

Heiðar Ægisson á virkilega góða fyrirgjöf, beint á kollinn á Jeppe sem var á markteig, náði fínum skalla en þessi markvarsla var ótrúleg.
51. mín
Kassim Doumbia ákvað bara að klobba Þorra Geir sem síðan braut af honum. Þorri verður að passa sig, er á gulu spjaldi.
49. mín
Böddi löpp er eitthvað meiddur. Fór í tæklingu á Ævar Inga, vann boltann en fór illa úr því einvígi.
47. mín
Steven Lennon á fyrstu tilraun seinni hálfleiks. Tekur skot utan teigs sem Kerr á ekki í teljandi vandræðum með.
46. mín
Seinni hálfleikur er kominn af stað.

Búinn með kaffibollann og tilbúinn að skrifa um seinni hálfleikinn.
45. mín
Hálfleikur
Jafn leikur framan að en FH varð betra eftir því sem leið á leikinn og komst verðskuldað yfir.
43. mín Gult spjald: Böðvar Böðvarsson (FH)
Reyndi sitt allra besta til að stoppa snögga sókn. Það tókst ekki en sóknin rann út í sandinn og Böðvar var bókaður eftir á.
40. mín
FH-ingar búnir að vera töluvert betra liðið síðustu mínútur og kom markið því ekki sérstaklega á óvart.
39. mín MARK!
Emil Pálsson (FH)
Stoðsending: Jonathan Hendrickx
MAAAAAAAAAAAAAAARK!!

Hendrickx með hornspyrnu sem Stjörnumenn ná ekki að koma í burtu og boltinn berst á Emil sem klárar virkilega vel í bláhornið innan teigs. Hörkuskot sem Kerr átti ekki nokkurn möguleika í.
38. mín
FH SVO NÁLÆGT ÞVÍ AÐ KOMAST YFIR!

Þórarinn Ingi með fyrirgjöf á Steven Lennon sem er með boltann rétt utan teigs og nær góðu skoti en Kerr ver alveg rooooosalega vel í horn. Vel spilað og virkilega vel varið.
37. mín
VÁ!!

Bjarni Þór skallar fyrirgjöf frá Böðvari beint á Bergsvein sem er í svona líka góðu færi en varnarmaðurinn potar boltanum hársbreidd framhjá frá markteig. Næsta sem við höfum komist að marki í kvöld.
36. mín
Davíð Þór með hörkuskot eftir laglegt samspil við Lennon. Skotið nokkuð beint á Kerr sem ver þó með tilþrifum í horn.
33. mín Gult spjald: Þorri Geir Rúnarsson (Stjarnan)
Sparkaði í Þórarinn Inga sem var á undan honum í skoppandi bolta. Þorri fór með löppina og Þórarinn með höfuðið.

30. mín
Það verður að segjast að leikurinn er búinn að vera ákveðin vonbrigði fyrsta hálftímann. Vantar meira fjör í þetta. Þó Stjarnan hafi vissulega búið sér til gott færi rétt í þessu.
29. mín
Jeppe Hansen í færi!!

Besta færið hingað til, kominn einn gegn Gunnari en í þröngu færi og Færeyingurinn lokar vel á hann og ver í horn.
25. mín
Halldór Orri kominn í góða stöðu í teig FH-inga þegar Atli Guðna kemur á ferðinni og bjargar. Vel farist hjá sóknarmanninum.

21. mín
Lennon tekur skot utan teigs, á lofti en rosalega mikið yfir. Engin stórhætta búin að skapast í leiknum hingað til.
19. mín Gult spjald: Emil Pálsson (FH)
Braut á Brynjari Gauta á vallarhelmingi Stjörnunnar. Voðalega liggur Þorvaldi á að spjalda þarna. Alls ekki alvarlegt brot og með fyrstu brotum leiksins.
18. mín
Fyrsta alvöru tilraun FH-inga. Þórarinn Ingi tekur fast utanfótarskot utan teigs en rétt framhjá. Kerr virtist vera með þetta alveg á hreinu og lét boltann fara.

12. mín
Ævar Ingi fer niður í teignum eftir samstuð við Gunnar. Stjarnan vill fá víti en Þorvaldur lætur leikinn halda áfram. Púað vel og innilega á Gunnar eftir þetta.
9. mín
Stjarnan meira með boltann í upphafi en skotið hjá Halldóri ennþá eina tilraunin. Ekki hægt að kalla það meira en hálf færi.
5. mín
Halldór Orri með fyrstu tilraun leiksins. Fær boltann frá Guðjóni og reynir skot sem fer naumlega framhjá. Fór í varnarmann og Stjarnan fær horn.
1. mín
20 sekúndur liðnar og Stjarnan er búið að ná sér í hornspyrnu.
1. mín
Leikur hafinn
Partýið er byrjað. Heimamenn byrja með boltann.
Fyrir leik
Liðin eru komin á völlinn. Duwayne Kerr er skærbroandi að þakka stuðningsmönnum Stjörnunnar fyrir góða stemningu. Gunnar Nielsen eitthvað minna glaður.
Fyrir leik
Fimm mínútur í leik og spennan nær heldur betur upp í blaðamannastúkuna. Svolítið hvasst í Garðabæ.
Fyrir leik
Fyrstu stuðningsmenn Stjörnunnar voru mættir um klukkutíma fyrir leik og hafa þeir sungið stanslaust síðan þá. Alvöru!
Fyrir leik
Stuðningsmaður FH í Storm Trooper búning að syngja Star Wars lagið. Vel gert.
Fyrir leik
Strax komnið slatti af stuðningsmönnum Stjörnunnar. Júdas, Júdas, Júdas er kallað á Gunnar Nielsen sem labbar inn á völlinn. Hann brosir og veifar til þeirra.
Fyrir leik
Stjarnan gerir tvær breytingar á liðinu sem gerði jafntefli á móti KR í síðasta leik. Þorri Geir Rúnarsson og Jeppe Hansen eru komnir í byrjunarliðið á meðan Eyjórlfur Héðinsson og Daníel Laxdal fara á bekkinn.
Fyrir leik
Athygli vekur að Pétur Viðarsson er kominn í hópinn hjá FH en hann hefur verið að stunda nám í Ástralíu upp á síðkastið. Sonni Ragnar Nattestad er einnig í hópnum en hann var kominn langleiðina til Færeyja þar sem hann átti að fara á lán í sumar. Það hefur eitthvað klikkað og er hann í hóp í kvöld.
Fyrir leik
Hér mætast auðvitað íslandsmeistarar síðustu tveggja ára en Stjarnan varð íslandsmeistari árið 2014 eftir ótrúlega baráttu við FH sem réðist ekki fyrr en á síðustu sekúndum mótsins.
Fyrir leik
Við fengum Fanndísi Friðriksdóttur, leikmann Breiðabliks og landsliðsins til að spá fyrir um leikinn.

Þetta er stórleikur umferðarinnar. Bæði lið með góðan hóp og flottan mannskap. Beggi kemur FH í 1-0 en Stjarnan jafnar fljótt. Leikurinn endar síðan með jafntefli, 2-2."

Elvar Geir Magnússon
Fyrir leik
Eins og við var að búast hafa bæði lið farið vel af stað í ár. Stjarnan hefur ekki tapað leik og aðeins misst stig gegn KR í 1-1 jafntefli liðanna en Stjarnan er eina liðið sem hefur ekki tapað leik hingað til.

FH hafa unnið alla sína leiki nema gegn KR en liðin gerðu 1-1 jafntefli í þar síðustu umferð.
Fyrir leik
Liðin gerðu 1-1 jafntefli í þessari viðureign á síðasta ári. Ólafur Karl Finsen kom þá Stjörnunni yfir áður en Kassim Doumbia jafnaði fyrir FH.
Fyrir leik
Góðan dag og velkomin í RISA Pepsi slag. Hér verður bein lýsing frá leik Stjörnunnar og FH en leikið er í Garðabæ.
Byrjunarlið:
1. Gunnar Nielsen (m)
Davíð Þór Viðarsson
Bjarni Þór Viðarsson ('90)
5. Bergsveinn Ólafsson
7. Steven Lennon ('76)
8. Emil Pálsson
11. Atli Guðnason
20. Kassim Doumbia
21. Böðvar Böðvarsson
23. Þórarinn Ingi Valdimarsson
26. Jonathan Hendrickx

Varamenn:
12. Kristján Finnbogi Finnbogason (m)
4. Pétur Viðarsson
16. Sonni Ragnar Nattestad
18. Kristján Flóki Finnbogason ('76)
21. Grétar Snær Gunnarsson
22. Jeremy Serwy
23. Brynjar Ásgeir Guðmundsson ('90)

Liðsstjórn:

Gul spjöld:
Emil Pálsson ('19)
Böðvar Böðvarsson ('43)
Kristján Flóki Finnbogason ('79)
Bjarni Þór Viðarsson ('83)

Rauð spjöld: