Er ennþá að bíða eftir að mér verði boðið extra tyggjó enda fjölnismenn styrktir af Extra. Ennþá ekkert komið.

Jæja þettaq er að fara byrja. Sjónvarpstökumennirnir eru tilbúnir, áhorfendur eru samt ekki tilbúnir enda einungis ca 30 manns í stúkunni. Ætli kuldaboli og Kári séu ekki að hafa einhver smá áhrif.

Það er byrjað að blása ágætlega í Grafarvoginum, sýnist áttin vera beint í áttina að Egilshöllinni og golfvellinum á Korpu, skemmtilegur völlur mæli með að fólk kíki í 18 holur þar.

Stuðningsmenn liðanna byrjaðir að fjölmenna á völlinn, komnir 14 áhorfendur 20 mín fyrir leik. Drífa sig á völlinn, þetta er alvöru leikur að fara í gang.

Pétri löggu til aðstoðar í dag eru Gylfi Sigurðsson, ekki Þór heldur Már og Andri Vigfússon. Hitti Andra einmitt í gær, hann var þá varadómari á Breiðablik - Þór/KA í pepsi kvenna.

Þá má til gamans geta að móðir mín á afmæli í dag, óska henni til hamingju með það en ég auðvita steingleymdi því og átti að vera staddur í mat hjá henni en er á Fjölnisvelli. Vel gert.

Eftir smá spjall við Nökkva Fjalar úr áttunni sem verður vallarkynnir í kvöld segist hann ætla taka fram skónna og kíkja á æfingu hjá Vængjum Júpiters. Nökkvi var eitt sinn afar efnilegur sóknarmaður.

Byrjunarlið liðanna eru komin í hús. Bæði lið eru að taka litla sénsa en tvær breytingar eru á báðum liðum frá seinasta leik. Hans Viktor Guðmundsson og Birnir Snær Ingason koma inní liðið hjá Fjölni en Rolf Toft og Sindri Björnsson inn hjá Val. Sé núna Ægir Jarl Jónasson kemur líka inn. Skýrslunni breytt á seinustu stundu

Rikki Gé sér væntanlega um að lýsa leiknum á stöð tvö sport en hann er rölltandi yfir völlinn í svörtum frakka, í skyrtu og með bindi, afar smekklegt hjá Rikka.

Dómari leiksins í kvöld er annar ágætis félagi minn, lögreglumaðurinn Pétur Guðmundsson en við spiluðum saman með Ými og Álftanesi í 3.deildinni fyrir einhverjum árum síðan.

Ég gat ekki fundið neina innbyrðisviðureign þessara liða í bikarkeppninni þrátt fyrir mikla leit. En frá árinu 2008 hafa liðin mæst tuttugu sinnum. Valsmenn haft betur í 14 af þeim, 4 þeirra fóru jafntefli og aðeins tveir Fjölnissigrar en annar þeirra kom í fyrstu umferð pepsi deildarinnar í ár en hinn árið 2009 í Pepsi deildinni. Gunnar Már Guðmundsson og Bjarni Ólafur Eiríksson þeir einu sem spiluðu þann leik sem eru enn í liðunum. Reyndar var Þórður Ingason á bekknum ásamt Þóri Guðjónssyni sem var þá í röðum Valsmanna.

Góða kvöldið kæru lesendur fótbolta.net sem heilsar frá Extravellinum í Grafarvogi þar sem heimamenn í Fjölni mæta liði Vals.

Þessi lið mættust i fyrstu umferð Pepsi deildarinnar á Valsvellinum þar sem Fjölnismenn sigruðu 1-2 þar sem Tóti Turbo, Þórir Guðjónsson skoraði bæði mörk Fjölnis en æskuvinur minn Guðjón Pétur Lýðsson skoraði mark Valsmanna.