Malen, Maguire, Rashford, Greenwood, Yoro, Eriksen og fleiri góðir í slúðri dagsins
Þróttur R.
0
1
ÍBV
Hallur Hallsson '38
0-1 Mikkel Maigaard '55
29.05.2016  -  17:00
Þróttarvöllur
Pepsi-deild karla 2016
Aðstæður: Fínar. Milt veður og gervigrasið fínt
Dómari: Þóroddur Hjaltalín
Maður leiksins: Avni Pepa
Byrjunarlið:
30. Trausti Sigurbjörnsson (m)
Hallur Hallsson
2. Callum Brittain
6. Vilhjálmur Pálmason ('45)
10. Brynjar Jónasson ('74)
11. Dion Acoff
14. Sebastian Steve Cann-Svärd
17. Ragnar Pétursson
19. Karl Brynjar Björnsson (f)
23. Aron Lloyd Green ('75)
27. Thiago Pinto Borges

Varamenn:
8. Aron Þórður Albertsson
15. Davíð Þór Ásbjörnsson ('75)
18. Dean Lance Morgan Plues ('74)
20. Viktor Unnar Illugason
21. Tonny Mawejje ('45)
25. Kabongo Tshimanga

Liðsstjórn:
Arnar Darri Pétursson

Gul spjöld:
Karl Brynjar Björnsson ('42)
Ragnar Pétursson ('61)
Aron Lloyd Green ('68)
Tonny Mawejje ('85)

Rauð spjöld:
Hallur Hallsson ('38)
Leik lokið!
Eyjamenn landa stigunum þremur þó að spennan hafi verið í leiknum allt til leiksloka. Rauða spjaldið hjá Halli var dýrkeypt fyrir Þróttara. Viðtöl og skýrsla innan tíðar.
94. mín
Síðasti séns Þróttara líklega. Dion fær skotfæri en skotið er laust og beint á Derby.
92. mín
Eyjamenn komast í mjög góða stöðu 2 á 2. Elvar Ingi getur sent Pablo einan í gegn en reynir þess í stað að fara sjálfur. Ekkert kemur út úr þessu.
90. mín
Þróttarar leggja allt kapp á að jafna. 4 mínútur í viðbótartíma.
89. mín
Inn:Elvar Ingi Vignisson (ÍBV) Út:Sigurður Grétar Benónýsson (ÍBV)
Uxinn úr Mosfellsbæ kemur inn á. Fyrsti leikur hans í Pepsi-deildinni. Verið meiddur.
86. mín
Þróttarar lengi að skila sér til baka undanfarnar mínútur en Eyjamenn eru að fara illa með skyndisóknirnar.
85. mín Gult spjald: Tonny Mawejje (Þróttur R.)
83. mín Gult spjald: Sindri Snær Magnússon (ÍBV)
Stöðvar Dion á sprettinum.
82. mín
Bjarni Gunnarsson fær boltann í ákjósalegri stöðu inni á teig en ákveður að gefa boltann út í stað þess að skjóta. ,,Bjarni, skjóttu!" öskrar nafni hans Bjarni Jóhannsson á bekknum.
80. mín
Ragnar Pétursson með hörkutæklingu á Bjarna Gunnarsson. Stálheppinn að sleppa án þess að fá sitt annað gula spjald.
77. mín
Inn:Felix Örn Friðriksson (ÍBV) Út:Charles Vernam (ÍBV)
Felix er ennþá á yngsta árið í 2. flokki. Fæddur árið 1999.
76. mín
Dean Morgan tekur boltann á kassann og á skot úr teignum en Derby ver auðveldlega.
75. mín
Inn:Davíð Þór Ásbjörnsson (Þróttur R.) Út:Aron Lloyd Green (Þróttur R.)
74. mín
Inn:Dean Lance Morgan Plues (Þróttur R.) Út:Brynjar Jónasson (Þróttur R.)
Senter út, senter inn.
73. mín
Vernham með þrumuskot fyrir utan teig en boltinn rétt framhjá.
72. mín
Aukaspyrna inn á teiginn og Karl Brynjar fellur eftir baráttu við Hafstein. Þróttarar vilja víti en fá ekki. Varamannabekkur Þróttar lætur vel í sér heyra.
71. mín Gult spjald: Hafsteinn Briem (ÍBV)
Brýtur á Brynjari.
68. mín Gult spjald: Aron Lloyd Green (Þróttur R.)
65. mín
Karl Brynjar tapar boltanum á slæmum stað. Eyjamenn komast í mjög vænlega stöðu sem þeir fara illa með og færið rennur út í sandinn.
64. mín
Inn:Bjarni Gunnarsson (ÍBV) Út:Simon Kollerud Smidt (ÍBV)
61. mín Gult spjald: Ragnar Pétursson (Þróttur R.)
Fyrir kjaft.
61. mín
Þróttarar vilja víti. Dion Acoff á hörkusprett inn á teig og hann fellur eftir baráttu við Jón Ingason. Þóroddur dæmir ekkert. Líklega rétt, öxl í öxl eins og menn segja.

59. mín
Charles Vernham með þrumuskot úr aukaspyrnu af 25 metrunum en Trausti ver vel í horn.
55. mín MARK!
Mikkel Maigaard (ÍBV)
Stoðsending: Pablo Punyed
Mikkel kemur Eyjamönnum yfir. Daninn tekur stutta hornspyrnu og fær boltann aftur úti á kanti. Mikkel á þaðan fyrirgjöf sem siglir framhjá öllum leikmönnum inni á teignum og í fjærhornið. Heppnisstimpill en þetta telur! Trausti leit ekki vel út i markinu þarna.
55. mín
Snörp skyndisókn Eyjamanna endar með skoti fyrir utan vítateig frá Simon Smidt. Skotið er beint á Trausta sem slær boltann í horn.
49. mín
Eftir hornspyrnu á Charles Vernham skot sem fer í varnarmann og rétt framhjá.

46. mín
Síðari hálfleikurinn er hafinn!

45. mín
Hálfleikur
Markalaust í hálfleik. Langstærsta atvikið er rauða spjaldið á Hall. Virtist ekki slá fast í punginn á Mikkel en dómararnir ákváðu að senda hann í sturtu.

Óskum eftir mörkum í seinni hálfleiknum.
45. mín
Meira um rauða spjaldið. Eftir stutt rifrildi við Mikkel sló Hallur Danann laust í punginn og var sendur í sturtu.

Fjórði dómarinn Hjalti Þór Halldórsson eða aðstoðardómararnir Oddur Helgi Guðmundsson og Eðvarð Eðvarsson hafa líklega átt dóminn þar sem Þóroddur virtist ekki sjá atvikið sjálfur. Talsverð reikistefna var áður en rauða spaldið fór á loft og mikil læti við varamannaskýlið þar sem þjálfarar beggja liða létu í sér heyra. Verður spennandi að heyra hvað þeir segja eftir leik.
45. mín
Inn:Tonny Mawejje (Þróttur R.) Út:Vilhjálmur Pálmason (Þróttur R.)
Taktísk skipting hjá Þrótti. Thiago fer á kantinn og Tonny inn á miðjuna með Ragnari.

43. mín
Simon Smidt tekur aukaspyrnuna og þrumar hátt yfir. Illa farið með góðan séns.
42. mín Gult spjald: Karl Brynjar Björnsson (Þróttur R.)
Karl Brynjar brýtur á Mikkel við vítateigsbogann. Aukaspyrna á hættulegum stað.
40. mín
Thiago með skot úr teignum en boltinn rétt framhjá!
38. mín Rautt spjald: Hallur Hallsson (Þróttur R.)
Fyrirliði Þróttara er sendur í sturtu! Allt varð vitlaust hjá varamannabekkjum liðanna og það endaði á því að Hallur var rekinn út af.

Fyrstu fréttir segja að hann hafi kýlt Eyjamann í punginn.
35. mín
Það er að lifna yfir þessu. Jón Ingason, vinstri bakvörður ÍBV, leikur inn á teiginn og þrumar framhjá úr þröngu færi.
33. mín
Simon Smidt leikur af hægri kantinum og inn á miðjuna. Á skot af 30 færi sem er nær því að hitta bíl á bílastæðinu heldur en markið.
32. mín
Dion með fínan sprett og hættulega fyrirgjöf en enginn Þróttari nær að reka endahnútinn

30. mín
Þessi fyrsti hálftími verður ekkert gefinn út á DVD. Afskaplega tíðindalítið hingað til.
23. mín
Sótt á báða bóga hér í Laugardalnum. Ekki hægt að segja annað liðið sé líklegra en hitt.
17. mín
Þjálfararnir duglegir að láta í sér heyra á hliðarlínunni. Barátta inni á vellinum en lítið um færi.
13. mín
Thiago Pinto Borges í darraðadans á miðjunni en nær að koma boltanum á Ragnar Pétursson. Austanmaðurinn þrumar á markið af 25 metrunum en boltinn fer framhjá.
12. mín
Mikkel Maigaard nær að koma boltanum í netið en búið að dæma háskaleik á hann. Fór hátt með fótinn á móti Svard. Líklega réttur dómur.
7. mín
Brynjar Jónasson fær fyrsta færi leiksins. Hefur betur í baráttu við varnarmenn ÍBV en skýtur framhjá með vinstri.

Brynjar skoraði tvö gegn Völsungi í Borgunarbikarnum í vikunni og fær tækifæri frammi í dag. Brynjar aðallega spilað á kantinum hjá Þrótti síðan hann kom frá Fjarðabyggð í vetur en meiðsli Emils Atlasonar opna möguleika fyrir hann frammi.
2. mín
Aron Bjarnason er að mæta sínum gömlu félögum í Þrótti í dag. Kantmaðurinn spilar í nýrri stöðu sem hægri bakvörður í dag. Hann prófaði það þó aðeins á undirbúningstímabilinu með ÍBV í vetur.

Hægri bakvörðurinn Jonthan Barnden hefur verið frá keppni og Mees Siers leysti hægri bakvörðinn í síðasta leik. Mees var í basli en hann er ekki með í dag.
1. mín
Leikurinn er hafinn!
Fyrir leik
Eyjamenn eru í bláum varabúningum sínum í dag.
Fyrir leik
Liðin eru mætt inn á völl. Fámennt í stúkunni ennþá. Koma svo, allir að drífa sig á völlinn!
Fyrir leik
Jóhann Berg Guðmundsson, landsliðsmaður, spáði í leiki umferðarinnar á .net. Hann spáir Eyjamönnum sigri í dag.

Þróttur 1 - 2 ÍBV
Þróttur hefur verið að ströggla svolítið á meðan ÍBV hefur byrjað ágætlega. Viktor Unnar Illugason skorar fyrir Þrótt.
Fyrir leik
Callum Brittain er að spila sinn fyrsta leik í Pepsi-deildinni með Þrótti í dag. Callum, sem er lánsmaður frá MK Dons, spilaði í sigrinum á Völsungi í bikarnum í vikunni.
Fyrir leik
Gregg Ryder, þjálfari Þróttar, hristir heldur betur upp í byrjunarliðinu fyrir leik liðsins gegn ÍBV í Pepsi-deildinni í dag klukkan 17:00. Gregg gerir sjö breytingar á liðinu síðan í 4-1 tapinu gegn Val fyrir viku.

Callum Brittain, Hallur Hallsson, Vilhjálmur Pálmason, Brynjar Jónasson, Ragnar Pétursson, Sebastain Svard og Aaron Lloyd Green koma allir inn í liðið.

Trausti Sigurbjörnsson, Dion Acoff, Karl Brynjar Björnsson og Thiago Pinto Borges eru einu leikmennirnir sem halda sæti sínu í liðinu frá því gegn Val.

Bjarni Jóhannsson, þjálfari ÍBV, er rólegri í breytingunum á sínu liði. Eina breytingin hjá ÍBV frá því í 3-0 tapinu gegn Víkingi R. er að Simon Kollerud Smidt kemur inn fyrir Mees Siers sem er ekki í hóp í dag.
Fyrir leik
Þróttarar hafa fengið öll sín stig á heimavelli í sumar. Leikurinn í dag er sjá fjórði í Laugardalnum í Pepsi-deildinni í ár.

Leikirnir hingað til
Þróttur 0 - 3 FH
Þróttur 2 - 2 KR
Þróttur 2 - 0 Breiðablik
Fyrir leik
Gregg Ryder, þjálfari Þróttar, starfaði áður hjá ÍBV.

"Ég var þar í þrjú ár og mig hlakkar til að spila við þá. Við erum á heimavelli og við höfum staðið okkur vel á heimavelli í sumar."
Fyrir leik
Góðan daginn!
Hér verður bein textalýsing frá leik Þróttar og ÍBV í 6. umferð Pepsi-deildarinnar.

Þróttarar eru með fjögur stig fyrir leikinn í dag á meðan Eyjamenn eru með sjö.
Byrjunarlið:
22. Derby Rafael Carrilloberduo (m)
4. Hafsteinn Briem
5. Jón Ingason (f)
5. Avni Pepa
6. Pablo Punyed
7. Aron Bjarnason
9. Mikkel Maigaard
11. Sigurður Grétar Benónýsson ('89)
11. Sindri Snær Magnússon
19. Simon Kollerud Smidt ('64)
33. Charles Vernam ('77)

Varamenn:
21. Halldór Páll Geirsson (m)
3. Felix Örn Friðriksson ('77)
14. Jonathan Patrick Barden
17. Bjarni Gunnarsson ('64)
23. Benedikt Októ Bjarnason
27. Elvar Ingi Vignisson ('89)

Liðsstjórn:
Andri Ólafsson (Þ)

Gul spjöld:
Hafsteinn Briem ('71)
Sindri Snær Magnússon ('83)

Rauð spjöld: