Malen, Maguire, Rashford, Greenwood, Yoro, Eriksen og fleiri góðir í slúðri dagsins
Stjarnan
1
3
Breiðablik
0-1 Daniel Bamberg '72
0-2 Atli Sigurjónsson '80
Arnar Már Björgvinsson '82 1-2
1-3 Arnþór Ari Atlason '91
30.05.2016  -  20:00
Samsung völlurinn
Pepsi-deild karla 2016
Dómari: Vilhjálmur Alvar Þórarinsson
Byrjunarlið:
25. Hörður Fannar Björgvinsson (m)
Veigar Páll Gunnarsson ('70)
2. Heiðar Ægisson
2. Brynjar Gauti Guðjónsson
5. Grétar Sigfinnur Sigurðarson
6. Þorri Geir Rúnarsson
7. Guðjón Baldvinsson
8. Halldór Orri Björnsson
8. Baldur Sigurðsson ('43)
14. Hörður Árnason
16. Ævar Ingi Jóhannesson ('69)

Varamenn:
4. Jóhann Laxdal
9. Daníel Laxdal
10. Hilmar Árni Halldórsson ('43)
11. Arnar Már Björgvinsson ('69)
19. Jeppe Hansen ('70)
20. Eyjólfur Héðinsson

Liðsstjórn:
Fjalar Þorgeirsson

Gul spjöld:
Halldór Orri Björnsson ('74)

Rauð spjöld:
Leik lokið!
Breiðablik sækir einn þungavigtar sigur í Garðabæinn. Frábær leikur heilt yfir.

Viðtöl og skýrsla á leiðinni.
91. mín MARK!
Arnþór Ari Atlason (Breiðablik)
Stoðsending: Guðmundur Atli Steinþórsson
Arnþór Ari gerir útum leikinn!!

Guðmundur Atli með frábæran sprett upp vinstri vænginn og laumar boltanum á fjærstöngina þar sem Arnþór kemur á siglingunni og klárar dæmið.

Game over og rothöggið eiga Blikar.
89. mín
Þorri Geir með frábært skot rétt fyrir utan D-bogann sem Gunnleifur ver stórkostlega!! Þorri búinn að vera gjörsamlega yfirburðar bestur í þessu Stjörnuliði, stýrir miðjunni eins og kóngur.
87. mín
FRÁBÆR fyrirgjöf frá Hilmari Árna sem fer óáreitt í gegnum allan pakkan, ótrúlegt.

82. mín MARK!
Arnar Már Björgvinsson (Stjarnan)
VIÐ ERUM MEÐ LEIK!

Eftir darraðadans í teignum og mikið klafs þá berst boltinn út í frákast í teignum sem Arnar Már hirðir og HAMRAR honum í fjærhornið.

GAME ON.
80. mín MARK!
Atli Sigurjónsson (Breiðablik)
Akureyringurinn er að fara langleiðina með þetta fyrir Breiðablik!!!!

Á frábæran sprett upp hægri vænginn og klárar svo vel í fjærhornið, spurning hvort Hörður hafi ekki bara átt að verja þetta.
76. mín
Inn:Guðmundur Atli Steinþórsson (Breiðablik) Út:Jonathan Glenn (Breiðablik)
Glenn verið virkilega dapur í dag. Sjáum hvort Gatli geti sett mark sitt á leikinn.
76. mín
Inn:Ellert Hreinsson (Breiðablik) Út:Daniel Bamberg (Breiðablik)
74. mín Gult spjald: Halldór Orri Björnsson (Stjarnan)
Fyrir brot á Andra Yeoman.
72. mín MARK!
Daniel Bamberg (Breiðablik)
Stoðsending: Damir Muminovic
BRASSA SVÍINN, SÆNSKI BRASILÍUMAÐURINN, SVÍA BRASSINN, SÆNSK ÆTTAÐI BRASILÍUMAÐURINN, BRASILÍSK-ÆTTAÐI SVÍINN... ER KOMINN Á BLAÐ!

Fyrirgjöf úr aukaspyrnu vel utan af velli, Glenn stígur vel yfir hann, sá ekki hvort hann snerti boltann eða ekki, skiptir ekki máli, boltinn berst á Bamberg sem klárar vel í fjærhornið! Blikar komnir yfir!!
70. mín
Inn:Jeppe Hansen (Stjarnan) Út:Veigar Páll Gunnarsson (Stjarnan)
Ekki besti leikur sem Veigar hefur átt á ferlinum.
69. mín
Inn:Arnar Már Björgvinsson (Stjarnan) Út:Ævar Ingi Jóhannesson (Stjarnan)
68. mín
Ævar reynir stungusendingu inn á Guðjón sem er hársbreidd frá því að heppnast, þegar hann er nýbúinn að senda er hann tekinn niður af Damir. Vilhjálmur bíður aðeins og dæmir svo, vel gert hjá honum, oft sem svona hlutum er sleppt.
66. mín
Lítið að frétta svosem. Gulli Gull verið stórkostlegur.
60. mín
Hörður ískaldur í markinu, langt spark frá Gulla yfir allan völlinn, Arnþór er að elta boltann en þá kemur Hörður út úr markinu og klippir boltann útaf.
59. mín Gult spjald: Höskuldur Gunnlaugsson (Breiðablik)
Boltinn í höndina á honum.
56. mín
Gjörsamlega sturlaður undirbúningur og sending frá Þorra Geir sem setur boltann inn fyrir á Guðjón Baldvinsson sem er einn á auðum sjó gegn Gulla Gull, Guðjón með fínasta skot en á einhvern ótrúlegan hátt ver Gulli. Boltinn berst svo útfyrir teiginn, fyrirgjöf frá Heiðari á fjærstöngina þar sem Veigar Páll skallar beint í nær en þar er Gulli líka mættur. Ótrúlegt að þessi sókn hafi ekki endað með marki.
53. mín
Hætta fyrir framan mark Breiðabliks, fyrirgjöf frá vinstri sem skoppar á fjærstöngina þar sem Halldór Orri lúrir en Davíð Kristján kemst í boltann og skallar útaf í horn.
52. mín
Inn:Atli Sigurjónsson (Breiðablik) Út:Oliver Sigurjónsson (Breiðablik)
Svona, einkennileg skipting svo ekki sé meira sagt. Spurning hvort Oliver sé eitthvað tæpur.
50. mín
Heiðar tapar boltanum rosalega klaufalega í slæmri stöðu úti á kantinum, Höskuldur keyrir hratt á Stjörnuvörnina, gefur boltann svo inn á Glenn sem hefði getað fleytt honum strax yfir á aleinan Arnþór en ákveður í staðin að keyra á vörnina og missa boltann, klaufalegt hjá Glenn.
48. mín
Seinni hálfleikur er byrjaður fyrir smá síðan. Kom á seinni bylgjunni, afsakið það.
45. mín
Hálfleikur
Bæði lið átt sín færi og vel spilaður leikur svosem. Fyrir hinn almenna stuðningsmann í stúkunni eru það þó mörkin sem telja þegar kemur að skemmtanagildi, pöntum nokkur svoleiðis í seinni hálfleikunum takk.

Fáum okkur kaffi og kruðerí.

45. mín
Tvö hættulegustu færi leiksins komið með stuttu millibili hérna. Fyrst Höskuldur og svo Guðjón.
44. mín
Þorri Geir með gjörsamlega GEEGGJAÐA sendingu innfyrir vörn Breiðabliks á Guðjón sem tekur skotið í fyrsta úr þröngu færi vinstra megin í teignum, reynir að setja hann innanfótar í fjær en boltinn rétt yfir.
43. mín
Inn:Hilmar Árni Halldórsson (Stjarnan) Út:Baldur Sigurðsson (Stjarnan)
Baldur útaf meiddur. Halldór Orri færir sig inn á miðjuna og Hilmar fer út á vinstri.
42. mín
Jonathan Glenn með frábæra sendingu, þræðir nálina í gegnum vörn Breiðabliks og Höskuldur á gott hlaup á boltann og hamrar honum beint í Hörð sem gerði vel, kom út á móti og þrengdi færið mikið.
41. mín
Skipting í vændum, Baldur Sigurðsson er á leiðinni útaf. Ætli Daníel Laxdal fari ekki á miðjuna.
40. mín
Oliver með afleita sendingu inn á miðjunni, Halldór Orri stelur boltanum, kemur honum á Veigar sem á fast skot í bakið á Damir og boltinn hátt upp í loftið, lendir svo í höndunum á Gulla. Fín skyndisókn hjá Stjörnunni.
38. mín
Stjarnan meira með boltann þessa stundina og aðallega á vallarhelming Blika, eru samt ekki að ná að klára þessa úrslitasendingu, en leikstöðurnar sem þeir hafa komist í klárlega heilt yfir betri en þær sem Breiðablik hafa komst í í fyrri hálfleiknum.
35. mín
Flott sókn hjá Stjörnunni, Veigar með sendingu út á hægri kantinn og Heiðar Ægisson keyrir beint inn í teiginn og ætlar sér of mikið, Guðjón ekki sáttur með hann, vildi fá fyrirgjöf.
28. mín
Fimmta hornspyrna Stjörnunnar að fara líta dagsins ljós.

23. mín
Kæmi mér lítið á óvart ef þjálfararnir yrðu vel stífir í öxlum eftir þennan leik, sólin skín beint á þá, jahh eða allir nema Kristófer aðstoðarþjálfari Breiðabliks, sem hafði vit á því að taka með sér sólgleraugun, þau eru af dýrari gerðinni þessi.
21. mín
Þorri Geir að vinna enn einn boltann á miðsvæðinu, keyrir svo hratt á Damir og Ella Helga og er með möguleika á sendingu hægra megin og vinstra megin við þá, sendir á Gauja vinstra megin en sendingin lesin, Elli Helga þrengir færið mikið og skotið á endanum beint í krumlurnar á Gulla.
20. mín
Höskuldur með flotta tæklingu og vinnur boltann af Heiðari fyrir utan vítateig Breiðabliks, sendir svo ágætis sendingu upp völlinn en Hörður vel á verði í markinu kemur langt út og setur boltann útaf.
18. mín
Fráááááábææær hornspyrna frá Veigari Páli, Brynjar Gauti kemur á hvínandi siglingu og stangar boltann rétt framhjá.
17. mín
Varamenn Breiðabliks láta ekki sólina stoppa sig í að horfa á leikinn, eru búnir að breiða úlpurnar sínar yfir varamannaskýlið svo sólin fari ekki í andlitið á þeim.
15. mín
Tveir efnilegustu djúpu miðjumenn landsins mætast hérna í dag Þorri Geir hjá Stjörnunni og Oliver hjá Breiðablik. Byrja báðir mjög vel og stoppa sóknir hægri vinstri og eru að ná að dreifa boltanum vel inná miðsvæðinu.
14. mín
Davíð Kristján með skot langt utan af velli. Blikar mikið að gluðra honum en hæfa rammann lítið, það á greinilega að reyna á markmanninn unga.
11. mín
Oliver með góða sendingu fram völlinn teiknaða á Glenn sem keyrir inn í teiginn með boltann og skýtur svo ágætis skoti, en vel framhjá fór það.
10. mín
Arnþór Ari með fyrsta alvöru skot Blika, en það fer vel framhjá.
9. mín
Liðin skiptast á að eiga hálffæri, komnar þrjár hornspyrnur í leikinn en lítið að frétta úr þeim. Fer nokkuð rólega af stað.
3. mín
Heiðar Ægis með flotta fyrirgjöf sem fer í gegnum smá þvögu í teignum og berst á Halldór Orra sem á fínt skot en Gulli snöggur niður og ver.
1. mín
Stjörnumenn í sínum bláu búningum sækja í átt að Hagkaup í Garðabæ, Breiðablik sækir í hina áttina í varabúningunum sínum sem eru hvítir.
1. mín
Leikur hafinn
Byrjum þetta partý!
Mælum með því að nota #fotboltinet ef þið ætlið á annað borð að tjá ykkur um leikinn á Twitter. Þá verður þetta svona eins og Hagkaup, allt á einum stað.

Fyrir leik
30 mínútur tæplega í leik. Silfurskeiðin og Kópacabana stuðningssveitir liðanna byrjaðar að styðja vel við sín lið. Þetta verður stemmings leikur.
Fyrir leik
Veigar Páll Gunnarsson kemur inn í byrjunarlið Stjörnunnar fyrir Jeppe Hansen síðan í leiknum gegn FH.

Hinn 18 ára gamli Hörður Fannar Björgvinsson er í marki Stjörnunnar en Duwanye Kerr er ekki með þar sem hann er á leið í Copa America með landsliði Jamaíka.

Blikar eru með sama lið og gerði 1-1 jafntefli við KR í síðustu viku.
Magnús Már Einarsson
Fyrir leik
Stjarnan fór í vítaspyrnukeppni gegn Víkingi Ólafsvík síðastliðinn fimmtudag á meðan Blikar unnu Kríu 3-0.
Magnús Már Einarsson

Magnús Már Einarsson
Fyrir leik
Stjarnan hafði betur þegar þessi lið mættust á þessum velli í fyrra. Jonathan Glenn skoraði eina markið þar.
Magnús Már Einarsson
Fyrir leik
Stjarnan mun líka sakna Sigga Dúllu í kvöld. Hann er með íslenska landsliðinu í Noregi. Talandi um Sigga Dúllu. Jóhann Berg Guðmundsson talaði um hann í spá sinni fyrir leikinn.

Stjarnan 0 - 1 Breiðablik
Ég verð að segja að Breiðablik vinni og ég vona það innilega svo ég geti pirrað Dúlluna. 1-0 og Gulli Gull heldur hreinu.
Magnús Már Einarsson
Fyrir leik
Duwayne Kerr, markvörður Stjörnunnar, verður fjarri góðu gamni í kvöld en hann er að fara með landsliði Jamaíka á Copa America.

Hinn 18 ára gamli Hörður Fannar Björgvinsson stendur væntanlega vaktina eins og í bikarleiknum gegn Víkingi Ólafvik þar sem hann varði tvær vítaspyrnur í vítaspyrnukeppninni.
Magnús Már Einarsson
Fyrir leik
Kvöldið!

Hér verður fylgst með leik Stjörnunnar og Breiðabliks í 6. umferðinni í Pepsi-deild karla.

Stjarnan er á toppi deildarinnar með ellefu stig fyrir leiki kvöldsins en Blikar eru í 7. sætinu með níu stig. Hvað gerist í kvöld?
Magnús Már Einarsson
Byrjunarlið:
Gunnleifur Gunnleifsson
Höskuldur Gunnlaugsson
3. Oliver Sigurjónsson ('52)
4. Damir Muminovic
5. Elfar Freyr Helgason
8. Arnþór Ari Atlason
15. Davíð Kristján Ólafsson
17. Jonathan Glenn ('76)
23. Daniel Bamberg ('76)
26. Alfons Sampsted
30. Andri Rafn Yeoman

Varamenn:
24. Aron Snær Friðriksson (m)
5. Arnór Sveinn Aðalsteinsson
10. Atli Sigurjónsson ('52)
18. Guðmundur Atli Steinþórsson ('76)
21. Viktor Örn Margeirsson
22. Ellert Hreinsson ('76)
22. Ágúst Eðvald Hlynsson

Liðsstjórn:

Gul spjöld:
Höskuldur Gunnlaugsson ('59)

Rauð spjöld: