Malen, Maguire, Rashford, Greenwood, Yoro, Eriksen og fleiri góðir í slúðri dagsins
ÍBV
1
0
KR
Bjarni Gunnarsson '86 1-0
04.06.2016  -  16:00
Hásteinsvöllur
Pepsi-deild karla 2016
Aðstæður: Svolítil austanátt og svalt í veðri. Völlurinn orðinn iðagrænn
Dómari: Ívar Orri Kristjánsson
Áhorfendur: 747
Maður leiksins: Bjarni Gunnarsson
Byrjunarlið:
22. Derby Rafael Carrilloberduo (m)
Andri Ólafsson ('38)
4. Hafsteinn Briem
5. Jón Ingason (f)
6. Pablo Punyed
7. Aron Bjarnason
9. Mikkel Maigaard
11. Sigurður Grétar Benónýsson ('90)
11. Sindri Snær Magnússon
14. Jonathan Patrick Barden
33. Charles Vernam ('77)

Varamenn:
21. Halldór Páll Geirsson (m)
3. Felix Örn Friðriksson
5. Avni Pepa ('38)
17. Bjarni Gunnarsson ('77)
19. Simon Kollerud Smidt
20. Mees Junior Siers
27. Elvar Ingi Vignisson ('90)

Liðsstjórn:

Gul spjöld:
Jonathan Patrick Barden ('29)
Jón Ingason ('58)
Hafsteinn Briem ('75)

Rauð spjöld:
Leik lokið!
Ívar Orri Kristjánsson flautar til leiksloka! Frábær sigur Eyjamanna á KR í fyrsta skipti í langan tíma sem fara á toppinn. Svekkjandi hinsvegar fyrir KR sem fara tómhentir heim.
90. mín
Þarna fór síðasti séns KR-inga held ég. Morten Beck með skalla á Derby sem grípur.
90. mín
Inn:Elvar Ingi Vignisson (ÍBV) Út:Sigurður Grétar Benónýsson (ÍBV)
Flottur leikur eins og alltaf hjá Sigurði Grétari. Elvar Ingi eða Uxinn eins og hann er gjarnan kallaður kemur inn á í hans stað.
90. mín
Derby hendir sér á boltann þegar han berst til hans og er ekkert að flýta sér við að koma honum aftur í leik.
90. mín
Fjórar mínútur eru í uppbótartíma.
89. mín
KR-ingar sækja núna án afláts en ekki mikil hætta sem stafar af þeim.
88. mín
Eru Eyjamenn að fara á toppinn með þessu marki? Aðeins nokkrar mínútur sem lifa leiks.
86. mín MARK!
Bjarni Gunnarsson (ÍBV)
Stoðsending: Mikkel Maigaard
JÁJÁJÁJÁ ÞARNA KOM MARKIÐ LOKSINS! Varamaðurinn setur hann! KR-ingar fámennir í vörninni, þegar boltanum er spyrnt fram, Mikkel hefur nægan tíma úti á kantinum, hleypur inn á teiginn rennir honum út á Bjarna Gunn sem er einn og óvaldaður og hann rennir boltanum bara í fjærhornið!
82. mín
Sigurður Grétar fær boltann einn á auðum sjóð en aðstoðardómarinn lyftir flagginu.
80. mín
Eyjamenn eru æfir! Togað í Bjarna inni í vítateig og hann fellur. Ívar Orri lætur þetta afskiptalaust við litla hrifningu áhorfenda og leikmanna.
77. mín
Inn:Bjarni Gunnarsson (ÍBV) Út:Charles Vernam (ÍBV)
Charles hefur átt slakan leik. Bjarni gæti lífgað upp á sóknarleikinn.
76. mín Gult spjald: Morten Beck Guldsmed (KR)
Allt að sjóða upp úr. Morten virtist fara aftan í Avni Pepa og Eyjamenn eru ekki sáttir. Derby ýtir við honum og menn aðeins að kýtast.
75. mín
Laust skot og Derby á ekki í vandræðum með það.
75. mín Gult spjald: Hafsteinn Briem (ÍBV)
Brot rétt fyrir utan vítateig. Aukaspyrna á hættulegum stað.
75. mín
Jafntefli yrði slæm úrslit fyrir bæði lið og því er líklegt að þau ætla að gefa allt í þetta síðustu mínútur leiksins.
72. mín Gult spjald: Finnur Orri Margeirsson (KR)
71. mín
Inn:Hólmbert Aron Friðjónsson (KR) Út:Kennie Chopart (KR)
Hólmbert er enn að leita að sínu fyrsta marki á tímabilinu. Kemur það á Hásteinsvelli?
63. mín
VÁAAA! Léleg sending, Aron fær boltann, Sigurður Grétar er í svæði, fær boltann á vítateigspunktinum snýr vel á Skúla og innanfótarskot með vinstri strýkur stöngina og framhjá! Ég hélt að þessi ætlaði að læðast inn.
61. mín
Ágæt sókn hjá ÍBV. Charles Vernam lék sér að vörninni. Að lokum fyrirgjöf frá hægri en Stefán Logi handsamar boltann.
59. mín
Ekki mikið að moða úr fyrir liðin. Vonandi fer að færast fjör í leikinn, eitt mark væri ekki slæmt.
58. mín Gult spjald: Jón Ingason (ÍBV)
Jón fer heldur hátt upp með löppina.
51. mín
Löng sending fram á Sigurð Grétar sem tekur vel við honum, kemur boltanum yfir á vinstri og reynir skot en með verri fætinum hittir hann ekki á markið.
46. mín
Áhorfendur eru 747 á Hásteinsvelli. Ansi slakt það verður að segjast.
46. mín
Derby er heppinn þarna! Er ansi kaldur með boltann og skýtur svo beint í Morten Andersen sem var kominn í pressuna. Sem betur fer fyrir Derby endar hann í markspyrnu.
46. mín
Alveg klárt mál að ÍBV ætlaði að nýta sér vindinn í fyrri hálfleik en náðu ekki að skora. Leikurinn er hafinn að nýju og KR-ingar eru með vindi í seinni hálfleik.
45. mín
Hálfleikur
Það væri ekkert ósanngjarnt ef Eyjamenn væru yfir í hálfleik en KR-ingar hafa einnig átt fínar sóknir.
45. mín
Uppbótartími er ein mínúta.
44. mín
Spyrnan beint aftur fyrir.
43. mín
Önnur hornspyrna. Eyjamenn halda áfram að þjarma að KRingum.
42. mín
Ég segi ekki að mark liggi í loftinu en ef eitthvað lið er að fara að lauma inn marki rétt fyrir hálfleik þá eru það Eyjamenn. Hér fá þeir hornspyrnu sem ekkert verður úr.
41. mín
KR-ingar með aukaspyrnu utan af velli. Pálmi ætlar að setja þennan fyrir.
39. mín
Önnur sókn hjá ÍBV. Sending fyrir og Pablo þurfti bara að ná snertingu með höfðinu en það tekst ekki! Vinstra megin fær Jón Ingason boltann setur hann aftur fyrir og skallinn frá Hafsteini er rétt yfir! Fór af varnarmanni og hornspyrna.
38. mín
Stórhættuleg sókn Eyjamanna! Aftur sending frá Derby fram völlinn, Mikkel fer inn á teiginn og skýtur í varnarmann, hefði getað gefið út á Aron.
38. mín
Inn:Avni Pepa (ÍBV) Út:Andri Ólafsson (ÍBV)
Avni Pepa kemur inn fyrir hinn meidda Andra Ólafsson.
36. mín
Siggi sprettir á eftir boltanum, Indriði reynir að stíga hann út en sýndist Eyjamenn eiga að fá hornspyrnu en dómarinn dæmir að boltinn hafi farið út fyrir hliðarlínu áður.
33. mín
Pablo kastar langt inn á teiginn, boltinn skallaður út úr teignum þar sem Aron Bjarnason beið en innanfótar skot hans er framhjá fjærhorninu.
32. mín
Aukaspyrna hjá ÍBV rétt utan teigs vinstra megin. Góð fyrirgjafastða en boltinn er skallaður út í innkast.
31. mín
Líklega hefur Falagic ætlað að setja boltann fyrir en hann nær ekki að snúa boltanum nema hæst yfir markið.
29. mín Gult spjald: Jonathan Patrick Barden (ÍBV)
Óskar Örn fer illa með Barden, tekur Bergkamp snúninginn á hann og Barden stöðvar hann. Spurning með gul spjaldið þar sem Ívar Orri hefur ekki spjaldað fyrir önnur svona tilfelli.
28. mín
Fazlagic með skot úr þröngu færi sem Derby þarf að verja. Morten Beck Andersen á síðan skot en hittir ekki á markið. Átti að gera betur.
27. mín
ÍBV fær hornspyrnu. Pablo spyrnir fyrir en skallað frá. Andri nær frákastinu og reynir skalla á markið en ekki mikill kraftur né nákæmni.
26. mín
Eyjamenn eru búnir að eiga þrjár góðar sóknir en það er eins og það vanti ákefð hjá leikmönnunum auk þess sem þeir þurfa að klára sóknirnar með skoti. Miðað við hvað er í húfi ætti ekki að vanta viljann í liðið.
24. mín
Derby Carillo tekur létta sendingu fram allan völl, hittir beint í svæðið sem Charles hljóp í, engin rangstaða en Stefán Logi kemur út og bjargar. Þá reyndi Sigurður Grétar að vippa boltanum í kjölfarið en skotið lélegt og fer aftur fyrir.
23. mín
Skot frá Óskari Erni fer af Andra og í fangið á Derby í markinu.
20. mín
Hár bolti berst á Pálma Rafn sem skallar framhjá.
18. mín
Frábær fyrirgjöf! Sigurður Grétar stendur áhlaup Indriða Sig af sér og kemst í fyrigjafarstöðu. Lítil samskipti milli markvarðar og varnarmanns, boltinn rennur á milli þeirra og þarna vantaði bara mann á fjærstöngina hjá Eyjamönnum!
15. mín
Fazlagic er eldfljótur og Jón Inga á í fullu fangi við að hann. Endar með því að brotið er á Jóni.
14. mín
Hornspyrnan frá Óskari Erni endar í fanginu á Derby Carrillo.
13. mín
Jón Ingason gerir vel, les hvert Denis Fazlagic er að fara og tæklar boltann í hornspyrnu.
12. mín
ÍBV hefur átt nokkrar álitlega sóknir en eiga enn eftir að fá alvöru færi.
10. mín
Aftur tvö skot í varnarmenn hjá KR. Óskar Örn spilaði sig vel í gegn og þrumar síðan í Andra Ólafsson. Seinna skotið frá Finni Orra fer svo beint í varnarmann.
9. mín
Indriði fær tiltal eftir að hafa stöðvað skyndisókn Eyjamanna við miðjulínu. Ekkert spjald hinsvegar.
8. mín
ÍBV er að pressa hátt á KR-inga. Þeir hafa náð að leysa undan þeirri pressu ágætlega fyrstu mínúturnar.
7. mín
Tvö skot í varnarmann frá KR-ingum. Fyrst gerði Andri vel að renna sér fyrir og Hafsteinn einnig í seinna skiptið.
6. mín
Óskar Örn Hauksson lætur vaða af vítateigslínunni en hittir boltann illa og hann flýgur yfir.
5. mín
Fyrsta skot leiksins er Eyjamanna. Jonathan Barden reyndi fyrir sér af löngu færi og Stefán Logi grípur boltann.
4. mín
Sigurður Grétar fer í tæklingu á Skúla og dæmd aukaspyrna. KR-ingar vildu fá eitthvað meira.
1. mín
Leikur hafinn
Hafsteinn vinnur uppkastið og liðin skipta um vallarhelming þannig að Eyjamenn byrja með vindi. KR hefur leikinn og sækja í átt að Týsvellinum.
Fyrir leik
Liðin eru mætt út á völlinn. Áhorfendur eru líka mættir snemma í dag sem er gott að sjá. Fyrirliðarnir takast í hendur.
Fyrir leik
Sólin er farin að skína á Hásteinsvöll og ekki nema örfáar mínútur til leiks.
Fyrir leik
Eins og áður hefur komið fram er mikið í húfi í dag fyrir liðin og hafa leikirnir á milli liðanna ávallt verið fjörugir. Vonandi fáum við þannig í dag.
Fyrir leik
Búast má við fjölmenni á völlinn í dag í tilefni sjómannadagshelgarinnar í Eyjum þar sem leikurinn er liður í dagskránni.
Fyrir leik
Þar sem þetta er eini leikurinn í dag geta bæði lið með sigri (KR með tveggja marka sigri) skotist á toppinn í einn dag að minnsta kosti.
Fyrir leik
Byrjunarliðin eru klár. Hjá ÍBV eru tvær breytingar en Simon Smidt og Avni Pepa eru á bekknum í dag og er talið að Pepa gæti verið smávægilega meiddur. Jonathan Barden kemur því aftur inn í liðið ásamt Andra Ólafssyni.

KR-ingar gera engar breytingar á sínu liði.
Fyrir leik
Góðan dag, lesendur góðir. Hér mun fara fram leikur ÍBV og KR í 7. umferð Pepsi-deildar karla.
Byrjunarlið:
1. Stefán Logi Magnússon (m)
Pálmi Rafn Pálmason
2. Morten Beck
6. Gunnar Þór Gunnarsson
7. Skúli Jón Friðgeirsson
8. Finnur Orri Margeirsson
11. Kennie Chopart (f) ('71)
11. Morten Beck Guldsmed
16. Indriði Sigurðsson
20. Denis Fazlagic
22. Óskar Örn Hauksson (f)

Varamenn:
13. Sindri Snær Jensson (m)
4. Michael Præst
9. Hólmbert Aron Friðjónsson ('71)
18. Aron Bjarki Jósepsson
21. Bjarki Leósson
29. Óliver Dagur Thorlacius

Liðsstjórn:

Gul spjöld:
Finnur Orri Margeirsson ('72)
Morten Beck Guldsmed ('76)

Rauð spjöld: