Það eru 10mín í leikinn hjá okkur og fólk aðeins byrjað að týnast völlinn. Vil hvetja fólk til að mæta í blíðunni. Ekki skemmir fyrir að það er frítt á völlinn í dag.

Fyrstu tveimur leikjum dagsins í deildinni er lokið. Valur vann góðan 2-0 sigur á Stjörnunni á heimavelli. Annað tap Stjörnunnar í röð staðreynd. Í Ólafsvík unnu svo heimamenn í Víkingi 1-0 sigur á lánlausum Fylkismönnum með sigurmarki á 92.mín. Víkingur Ó. fer því á toppinn í bili alla vega.

Ekki hægt að kvarta yfir aðstæðum á Skaganum í dag. Um 12 stiga hiti, skýjað og smá gola.

Tæpur hálftími í leik á Akranesi og bæði lið að hita upp.

Byrjunarliðin eru klár fyrir þennan botnslag. Athygli vekur að Arnar Darri byrjar í markinu hjá Þrótti og hjá Skagamönnum byrjar hinn ungi Tryggvi Hrafn Haraldsson en þetta er fyrsti leikur hans í sumar.

Dómari leiksins er Valdimar Pálsson og honum til halds og trausts eru þeir Adolf Þorberg Andersen og Gylfi Tryggvason. Eftirlitsmaður á leiknum er svo Jóhann Gunnarsson

Vil minna lesendur á að nota kassamerkið #fotboltinet á Twitter yfir leikjum dagsins. Aldrei að vita nema valdar færslur rati inn í lýsinguna.

Sagan er ekki beint með Þrótti í þessum leik. Liðin hafa mæst 28 sinnum í efstu deild frá árinu 1954. Af þeim hefur ÍA unnið 19 en Þróttur einungis 2 og markatalan er 75-25 ÍA í hag. En sagan ræður ekki úrslitum.

Janus Daði Smárason úr Hauka liðinu í handbolta spáði í leiki umferðarinnar fyrir okkur og hann spáir 0-0 jafntefli í bragðdaufum leik.

Bæði lið töpuðu í síðustu umferð. ÍA tapaði fyrir Víkingi R. 3-2 á Víkingsvelli í býsna fjörugum leik á meðan Þróttur tapaði heima fyrir ÍBV 0-1

Liðin sitja í 10. og 11. sæti deildarinnar og eru bæði með 4 stig eftir 6 umferðir og bæði liðin hafa fengið á sig alltof mikið af mörkum, ÍA hefur fengið á sig 13 mörk en Þróttur 16.

Það má eiginlega tala um 6 stiga leik hérna í dag en bæði lið hafa verið í basli það sem af er deildinni.

Komið þið sæl og verið velkominn í beina textalýsingu frá leik ÍA og Þróttar R. á Norðurálsvellinum.