Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
Þróttur R.
4
0
Grótta
Brynjar Jónasson '15 1-0
Dean Lance Morgan Plues '58 2-0
Brynjar Jónasson '64 3-0
Kabongo Tshimanga '93 4-0
08.06.2016  -  19:15
Þróttarvöllur
Borgunarbikar karla 2016
Aðstæður: Klassískt íslenskt sumarveður. Skýjað, smá gola, ekki heitt en ekki kalt.
Dómari: Hjalti Þór Halldórsson
Byrjunarlið:
Hallur Hallsson
Arnar Darri Pétursson
2. Callum Brittain
8. Aron Þórður Albertsson
10. Brynjar Jónasson ('74)
11. Dion Acoff ('61)
14. Sebastian Steve Cann-Svärd
15. Davíð Þór Ásbjörnsson
18. Dean Lance Morgan Plues
21. Tonny Mawejje ('54)
23. Aron Lloyd Green

Varamenn:
30. Trausti Sigurbjörnsson (m)
4. Hreinn Ingi Örnólfsson
6. Vilhjálmur Pálmason ('61)
8. Hilmar Ástþórsson
25. Kabongo Tshimanga ('74)
27. Thiago Pinto Borges ('54)

Liðsstjórn:
Aron Dagur Heiðarsson

Gul spjöld:
Davíð Þór Ásbjörnsson ('47)

Rauð spjöld:
Leik lokið!
Leik lokið með mjög verðskulduðum sigri Þróttara. Voru með yfirhöndina í þessum leik alveg frá A-Ö.

Viðtöl og skýrsla á leiðinni.
93. mín MARK!
Kabongo Tshimanga (Þróttur R.)
Stoðsending: Vilhjálmur Pálmason
Varamennirnir með þetta mark. Vilhjálmur stingur þreytta leikmenn Gróttu af og leggur hann fyrir Kabongo sem potar honum auðveldlega í nær.
90. mín
4 mínútum bætt við leikinn.
90. mín
Þróttarar fá horn eftir flottan sprett frá Vilhjálmi upp kantinn. Þeir taka hornið stutt og boltin fer alla leið heim til Arnars Darra í markinu.
87. mín
Aron Lloyd og Pétur lenda saman í loftinu og liggja eftir. Báðir fá aðhlynningu en ekkert alvarlegt virðist hafa gerst.
84. mín Gult spjald: Enok Eiðsson (Grótta)
Soft gult á Enok. Rennir sér í Thiago sem dettur niður.
83. mín
Thiago með Brassatakta þarna. Leikur á tvo leikmenn Gróttu í einu og uppsker fögnuð stúkunnar fyrir.
81. mín
Gott skot frá Markúsi Andra. Fær boltann skoppandi til sín og tekur hann bara í fyrsta og hittir á rammann en Arnar Darri traustur sem fyrr í þessum leik og ver þetta vel.
77. mín
Glæsileg vörn hjá Sebastian Svard. Nær að pota boltanum í burtu frá Kristófer Scheving sem var alveg við það að sleppa í gegn. Grótta vill að það sé dæmt á þetta en það væri bara vitleysa.
76. mín
Inn:Gunnar Birgisson (Grótta) Út:Viktor Smári Segatta (Grótta)
Viktor verið hættulegastur fram á við í liði Gróttu í dag.
74. mín
Inn:Kabongo Tshimanga (Þróttur R.) Út:Brynjar Jónasson (Þróttur R.)
Brynjar verið mjög góður í dag. Kabongo Tshimanga leysir hann af hólmi.
70. mín
Viktor Segatta nálægt því að pota boltanum inn en hann náði ekki alveg að teygja sig nægilega langt.
69. mín
Inn:Markús Andri Sigurðsson (Grótta) Út:Sigurvin Reynisson (Grótta)
65. mín
Mjög góð skipting hjá Gregg að setja Thiago inn fyrir Tony. Sóknarleikur Þróttara er allt annar og 2 mörk bæst við.
64. mín MARK!
Brynjar Jónasson (Þróttur R.)
Stoðsending: Callum Brittain
Callum Brittain fiskar Stefán Ara út úr markinu, gefur boltann á Brynjar sem er einn og óvaldaður fyrir framan autt markið og klárar að sjálfsögðu.
62. mín
Vilhjálmur Pálmason ekki lengi að stimpla sig inn. Hann lúðrar aukaspyrnunni á markið en inn fer hann ekki.
61. mín
Inn:Vilhjálmur Pálmason (Þróttur R.) Út:Dion Acoff (Þróttur R.)
Hrein skipting. Kantmaður inn, kantmaður út.
61. mín
Enok Eiðsson brýtur á Brynjari Jónassyni og Þróttarar fá aukaspyrnu á fínum stað.
58. mín MARK!
Dean Lance Morgan Plues (Þróttur R.)
Stoðsending: Aron Þórður Albertsson
MARK!
Aron Þórður með enn eitt gott hlaup upp vinstri kantinn. Dean Morgan öskrar á boltann, Aron hlustar og gefur hann á Dean sem klárar snyrtilega í fyrsta í fjær.
56. mín
Efnileg sókn hjá Gróttu.
Sigurvin Reynisson á glæsilega utanfótar sendingu á Viktor Segatta sem sprettir upp kantinn og kemur honum fyrir markið á Kristófer Scheving. Kristófer á ekki gott fyrsta touch og Þróttarar ná að hreinsa.
54. mín
Inn:Thiago Pinto Borges (Þróttur R.) Út:Tonny Mawejje (Þróttur R.)
Tony ekki alveg fundið taktinn í þessum leik. Sóknarsinnuð skipting hjá Þrótturum.
53. mín Gult spjald: Agnar Guðjónsson (Grótta)
Tosar Aron Lloyd niður og fær réttilega gult spjald.
49. mín
Gróttumenn vilja meina að það hafi Þróttari fengið boltann í hendina eftir hornið. Ég sá þetta ekki nægilega vel en Hjalti dæmir ekkert á þetta.
48. mín
Kristófer Scheving með flotta aukaspyrnu sem Arnar Darri ver í horn.
47. mín Gult spjald: Davíð Þór Ásbjörnsson (Þróttur R.)
Rífur aftan í Viktor Segatta sem er við það að sleppa í gegn.
47. mín
Grótta mætir hér af mikilli ákefð til seinni hálfleiks.
46. mín
Leikurinn byrjar hér aftur og eru það leikmenn Gróttu sem hefja síðari hálfleikinn.
46. mín
Inn:Kristófer Scheving (Grótta) Út:Ásgrímur Gunnarsson (Grótta)
Grótta greinilega að breyta til í seinni hálfleik
45. mín
Hálfleikur
Þróttarar fá horn á síðustu andartökum fyrri hálfleiks. Boltinn endar í höndum Stefáns Ara og Hjalti Þór Halldórsson dómari flautar til hálfleiks.
45. mín
Einni mínútu bætt við.
43. mín
Leikurinn er orðinn svolítið physical ef ég leyfi mér að sletta. Alvöru baráttuleikur.
37. mín
Viktor Segatta skýtur í Svard og aftur fyrir markið. Grótta fær horn sem að Arnar Darri grípur vel þrátt fyrir margar mis löglegar blokkeringar.
35. mín
Fín sókn hjá Gróttu.
Viktor Segatta stingur boltanum inn á Agnar Guðjónsson en Svard kemst á milli. Boltinn berst svo til Pétur Theodór sem á slakt skot sem Arnar Darri ver auðveldlega.
31. mín
Stefán Ari fer hér út í bolta sem hann á aldrei séns í. Dion skýtur honum yfir Stefán og á markið en varnarmaður Gróttu skallar hann frá. Stefán má telja sig heppinn að hafa ekki kostað Gróttu annað mark þarna.
29. mín
Grótta fær aukaspyrnu á vallarhelmingi Þróttara. Beint á Arnar Darra.
27. mín
Slakt horn sem Stefán Ari grípur.
26. mín
Glæsileg sókn og enn glæsilegri markvarsla.
Þróttarar spila upp vinstri kantinn eins og oft áður í þessum leik. Aron Lloyd gefur boltann fyrir markið þar sem að Dion Acoff rís manna hæðst og á fastan skalla á markið sem Stefán Ari ver frábærlega í horn.
25. mín
Viktor Segatta fær boltann í teignum og skýtur en boltinn fer beint á Arnar Darra sem grípur hann.
24. mín
Aron Þórður með annað gott skot. Kemur inn af vinstri kantinum og skýtur með hægri rétt framhjá markinu.
23. mín
Þróttarar búnir að vera allt í öllu hingað til. Miklu meira með boltann og miklu hættulegri
21. mín
Dion og Enok mætast í loftinu og Enok liggur eftir með hendurnar á andlitinu. Grótta biður um brot en dómarinn segir bara áfram.
18. mín
Boltinn berst á Aron Þórð eftir hornspyrnu sem hann tók sjálfur. Hann tekur skærin og skýtur svo í átt að marki en skotið nær ekki lengra en í varnarmann Gróttu.
15. mín MARK!
Brynjar Jónasson (Þróttur R.)
Stoðsending: Aron Lloyd Green
Og Þróttarar skora úr þessari aukaspyrnu.
Aron Lloyd með góða spyrnu beint á kollinn á Brynjari sem setur hann yfir Stefán Ara sem kom öskrandi út á eftir boltanum. 1-0 Þróttur.
14. mín Gult spjald: Guðmundur Marteinn Hannesson (Grótta)
Brýtur á Dion rétt fyrir utan teig. Aukaspyrna á hættulegum stað.
10. mín
Aron Þórður leikur hér á tvo menn áður en hann er tekinn niður. Þróttarar eiga aukaspyrnu á 25-30 metra færi. Davíð Þór Ásbjörnsson tekur spyrnuna og setur hann hátt yfir markið.
7. mín
Grótta með fyrstu tilraun á markið. Aukaspyrna rétt fyrir framan miðju ratar beint á kollinn á Guðmundi Marteini sem skallar hann beint á Arnar Darra.
6. mín
Þróttur eins og við mátti búast meira með boltann fyrstu mínútur leiksins.
1. mín
Leikur hafinn
Þróttarar hefja leik.
Fyrir leik
Jæja þá ganga liðin til vallar og mæta mjög tómlegri stúku.
Fyrir leik
Arnar Darri heldur að sjálfsögðu sæti sínu í liðinu eftir glæsilega framistöðu í 0-1 sigri Þróttara á Skaganum.
Fyrir leik
Bæði lið gera nokkrar breytingar á sínum liðum frá síðasta leik.
Fyrirliði Þróttar Karl Brynjar Björnsson er hvíldur. Davíð Ábjörnsson kemur inn í liðið í hans stað. Grótta gerir þrjár breytingar og má nefna að Pétur Theodór Árnason kemur inn í liðið.
Minni á að það er hægt að taka þátt í umræðunni um leikinn á Twitter undir kassamerkinu fotboltinet.

#Fotboltinet
Fyrir leik
Gregg Ryder, þjálfari Þróttar
,,Við erum ánægðir með að hafa fengið heimaleik, drátturinn verður að teljast góður því það eru mörg lið úr Pepsi-deildinni að spila við hvort annað. Grótta verður erfiðari andstæðingur en Völsungur, þeir hafa verið að standa sig vel."
Fyrir leik
Bæði lið komust frekar auðveldlega áfram úr 32 liða úrslitunum. Þróttarar unnu Völsung 3-1 og Grótta vann 6-1 sigur á Augnablik.
Fyrir leik
Á pappír er talsverður getumunur á liðunum. Þróttarar eru með 7 stig í 10. sæti í Pepsi-deildinni en Grótta er í 2. sæti í 2. deildinni með 12 stig.
En eins og við vitum öll þá getur nánast hvað sem er gerst í fótbolta svo við gætum alveg séð eitthvað ævintýralegt gerast hér í kvöld.
Fyrir leik
Verið velkomin í Laugardalinn þar sem að heimamenn í Þrótti taka á móti Gróttu í 16 liða úrslitum Borgunarbikarsins.
Byrjunarlið:
1. Stefán Ari Björnsson (m)
Guðmundur Marteinn Hannesson
Pétur Theódór Árnason
Dagur Guðjónsson
Halldór Kristján Baldursson
3. Brynjar Steinþórsson
6. Sigurvin Reynisson (f) ('69)
10. Enok Eiðsson
17. Agnar Guðjónsson
21. Ásgrímur Gunnarsson ('46)
22. Viktor Smári Segatta ('76)

Varamenn:
12. Gunnar Smári Agnarsson (m)
8. Markús Andri Sigurðsson ('69)
9. Jóhannes Hilmarsson
16. Kristófer Scheving ('46)
23. Snorri Páll Blöndal

Liðsstjórn:
Gunnar Birgisson

Gul spjöld:
Guðmundur Marteinn Hannesson ('14)
Agnar Guðjónsson ('53)
Enok Eiðsson ('84)

Rauð spjöld: