Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
Selfoss
4
3
Víðir
Richard Sæþór Sigurðsson '30 1-0
Richard Sæþór Sigurðsson '49 2-0
2-1 Aleksandar Stojkovic '61
2-2 Björn Bergmann Vilhjálmsson '78
Arnór Gauti Ragnarsson '79 3-2
3-3 Aleksandar Stojkovic '87
Andy Pew '104 4-3
09.06.2016  -  19:15
JÁVERK-völlurinn
Borgunarbikar karla 2016
Aðstæður: Góðar aðstæður. Smá gola, fínt hitastig og allir í stuði. Hann ætlar að haldast þurr.
Dómari: Sigurður Óli Þorleifsson
Maður leiksins: Richard Sæþór
Byrjunarlið:
1. Vignir Jóhannesson (m)
Þorsteinn Daníel Þorsteinsson
4. Andy Pew (f)
5. Jose Teodoro Tirado Garcia ('67)
7. Svavar Berg Jóhannsson
8. Ivan Martinez Gutierrez ('82)
12. Giordano Pantano
13. Richard Sæþór Sigurðsson
16. James Mack
17. Haukur Ingi Gunnarsson ('67)
21. Stefán Ragnar Guðlaugsson (f)

Varamenn:
28. Daniel James Hatfield (m)
18. Arnar Logi Sveinsson ('82)
19. Arnór Gauti Ragnarsson ('67)
22. Ingþór Björgvinsson

Liðsstjórn:
Sigurður Eyberg Guðlaugsson
Ingi Rafn Ingibergsson
Óttar Guðlaugsson

Gul spjöld:
Svavar Berg Jóhannsson ('72)
Andy Pew ('78)
Þorsteinn Daníel Þorsteinsson ('105)
Vignir Jóhannesson ('111)

Rauð spjöld:
Leik lokið!
Þetta er búið!!!

SELFYSSINGAR ERU KOMNIR Í 8 LIÐA ÚRSLIT BORGUNARBIKARSINS EFTIR ROSALEGAN LEIK!

Takk fyrir mig í kvöld. Skýrsla og viðtöl væntanleg.
120. mín
Leiktíminn liðinn. Einhver uppbótartími geri ég ráð fyrir eftir meiðslin hjá Gio.
120. mín
Selfyssingar eru hreinlega í nauðvörn þessa stundina. Víðir með fáránlega pressu og Selfyssingar einum færri!

Gio Pantano fór meiddur útaf og virðist ekkert koma aftur inn.
119. mín
STÖNGIN!

Selfyssingar komast í skyndisókn. Arnór Gauti sendir hann á Richard sem leggur hann út á Inga Rafn sem kemur í hlaupinu og hamrar boltanum í stöngina!
117. mín
Víðismenn liggja heldur betur á Selfyssingum þessa stundina og láta Vigni markmann Selfyssinga hafa fyrir hlutunum.

Þvílík dramatík!
115. mín
Aleksandar Stojkovic tekur aukaspyrnuna en hún fer í vegginn og Selfyssingar ná boltanum.
114. mín
Gio Pantano liggur eftir þetta úthlaup Vignis. Er fluttur burt á börum héðan. Lítur út fyrir að Selfyssingar spili einum færri það sem eftir lifir.
111. mín Gult spjald: Vignir Jóhannesson (Selfoss)
AUKASPYRNA Á STÓRHÆTTULEGUM STAÐ!

Löng og há sending innfyrir vörn Selfyssinga og Vignir keyrir út, Dejan Stamenkovic ætlar að reyna að taka á móti boltanum en Vignir nær til hans, tekur hins vegar Dejan og Gio samherja sinn niður líka og Sigurður dæmir aukaspyrnu og gefur Vigni gult spjald.
110. mín
Leikmenn að keyra á sínum allra síðustu dropum þessa stundina.
106. mín
Seinni hálfleikurinn kominn af stað.

Nú segi ég eins og "Röddin"

Strákar, þetta er ykkar staður, þetta er ykkar stund!
105. mín
Hálfleikur í framlengingunni. Selfyssingar leiða 4-3. Þetta verður hörku seinni hálfleikur framlengingar.
105. mín Gult spjald: Þorsteinn Daníel Þorsteinsson (Selfoss)
Þorsteinn stöðvar Sigurð Þór.
104. mín MARK!
Andy Pew (Selfoss)
Stoðsending: Arnar Logi Sveinsson
MAAMAMAMAMAMAAAAAAAAAARKK!!!

ANDY JAMES PEW - ÞVÍLÍKUR HÖFÐINGI SEM GAURINN ER!

FRÁBÆR HORNSPYRNA FRÁ ARNARI LOGA SEM RATAR BEINT Á KOLLINN Á ANDY PEW SEM STEKKUR MANNA HÆST!!!

ERU SELFYSSINGAR AÐ SIGLA ÞESSU HEIM?
103. mín
Selfyssingar STÁLHEPPNIR!

Darraðadans í teig Selfyssinga sem eiga í bölvuðu basli með að hreinsa boltann burt. Stojkovic með 2 skot í kjörstöðu en þau rata ekki á réttan stað!
101. mín
Þessi framlengning er ekki jafn lífleg og lokamínúturnar í venjulegum leiktíma voru. Fáum við hetju og fáum við skúrk?
98. mín
Það er alveg deginum ljósara að það er þónokkur þreyta komin í mannskapinn. Bæði lið búin með skiptingarnar.

Nú er þetta bara spurning um það hverjir komu með auka bensínbrúsa með sér!
95. mín
Selfyssingar betri aðilinn í þessari framlengingu en ná ekki að skapa sér hættuleg færi.
91. mín
Andy byrjar framlenginguna á því að brjóta á leikmanni Víðis og fær tiltal frá Sigurði Óla. Andy á gulu spjaldi.
91. mín
Framlenging farin af stað og það eru Selfyssingar sem hefja leik.
90. mín
FRAMLENGING!

VIÐ ERUM AÐ FARA Í FRAMLENGINGU! ÞETTA ER EKKI FLÓKIÐ.
90. mín
90 á klukkunni og allt í járnum. Fáum við einhver töfrabrögð hér í lokin?
87. mín MARK!
Aleksandar Stojkovic (Víðir)
MAAAAAAAAAARK!!!!

HVAÐA RUGL ER ÞETTA! ÉG BOTNA EKKERT Í ÞESSU, ÞESSI LEIKUR ER Í RUGLINU!!!

Arfaslakur varnarleikur hjá Selfyssingum, ná ekki að koma boltanum burt sem verður til þess að Aleksandar Stjokovic nær til hans og klára framhjá Vigni!

ÞVÍLÍKAR MÍNÚTUR FRAMUNDAN!!
85. mín
Inn:Viktor Gíslason (Víðir) Út:Einar Karl Vilhjálmsson (Víðir)
Einar Karl búinn.
84. mín
Einar Karl liggur hér sárþjáður, ekki sá ég hvað gerðist. Sýnist hann ætla útaf bara.
83. mín
Við erum að fara að fá svakalega lokamínútur!

Það er búið að vera svo mikið í gangi að ég veit bara hreinlega ekki hvernig ég á að haga mér. Reyni þó að haga mér vel.
83. mín
Inn:Pawel Grudzinski (Víðir) Út:Björn Bergmann Vilhjálmsson (Víðir)
82. mín
Inn:Arnar Logi Sveinsson (Selfoss) Út:Ivan Martinez Gutierrez (Selfoss)
79. mín MARK!
Arnór Gauti Ragnarsson (Selfoss)
MAAAAAAAAAAAAAARK!!!!!

HVAÐ ER AÐ GERAST!!! ÉG HEF EKKI UNDAN!!

Selfyssingar taka miðju, bruna í sókn, Arnór Gauti með frábært einstaklingsframtak vippar yfir varnarmann Víðis og leggur boltann síðan framhjá Eyþóri!

Þetta er STURLAÐ!

Rauða NAUTIÐ!!!
78. mín MARK!
Björn Bergmann Vilhjálmsson (Víðir)
MAAAAAAAAAAAAAARK!!!!!!!

HVAÐA RUGL MARK VAR ÞETTA!!!! ÞETTA VAR STURLAÐ! EKKI SÉÐ ANNAÐ EINS!!!

Tekur skotið af 30 metrunum og það endar í slánni og inn!!!! FÁRÁNLEGT

ÞETTA ER LEIKUR!!!
78. mín Gult spjald: Andy Pew (Selfoss)
Gult á Andy fyrir að koma í veg fyrir hrað sókn Andy.
76. mín
Rólegt yfir þessu, þannig lagað. Reynsluboltarnir í Selfyssingum sjá til þess að ekkert fát sé. Andy Pewdiepie eins og hann er gjarnan kallaður búinn að vera flottur.
72. mín Gult spjald: Svavar Berg Jóhannsson (Selfoss)
Professional foul hjá Svavari. Sigurður Þór búin að prjóna sig í gegnum nokkra varnarmenn Selfyssinga og komin í góða stöðu þegar Svavar mætir og brýtur á honunm.
70. mín
Vona að Eyþór geti haldið leik áfram, sé ekki að Víðismenn séu með varamarkmann á bekknum þó ég þekki það ekki 100%.
69. mín
Þorsteinn Daníel með STÓRHÆTTULEGA aukaspyrnu en boltinn svífur í gegnum allan pakkann þangað til Stefán Ragnar mætir og fjærstöngina og reynir við boltann en fer í Eyþór Guðjónsson markmann sem liggur sárkvalinn.
68. mín Gult spjald: Arnar Freyr Smárason (Víðir)
Stöðvar Richard á sprettinum.
67. mín
Inn:Ingi Rafn Ingibergsson (Selfoss) Út:Jose Teodoro Tirado Garcia (Selfoss)
Tvöfalt hjá Selfyssingum.
67. mín
Inn:Arnór Gauti Ragnarsson (Selfoss) Út:Haukur Ingi Gunnarsson (Selfoss)
66. mín
Momentið er með Víði þetta augnablikið og þeir sækja láltlaust. Varnarlína Selfyssinga þó þétt fyrir.
65. mín
Inn:Sigurður Þór Hallgrímsson (Víðir) Út:Milan Tasic (Víðir)
Skil þessa ekki alveg, Milan búin að vera frábær.
61. mín MARK!
Aleksandar Stojkovic (Víðir)
MAAAAAAAARK!!!

VÍÐISMENN ERU AÐ MINNKA MUNINN EFTIR KLAUFAGANG Í VÖRN SELFYSSINGA!

Jose Garcia missir boltann á stórhættulegum stað, Stojkovic nær boltanum af honum, fer fram hjá 3-4 leikmönnum Selfyssinga og rennir boltanum snyrtilega í netið. Refsing í LAGI!
57. mín
Selfyssingar eiga þennan leik, það þarf ekkert að tala í kringum það. Miklu betri aðilinn en án teljandi hættu.
52. mín
SLÁIN!

Selfyssingar eru í 5. gír þessa stundina, keyra heldur betur á vörn Víðis. Þorsteinn með hornspyrnuna sem Andy stekkur uppí og skallar í slánna og Víðsmenn í basli með að hreinsa en það tekst að lokum.
49. mín MARK!
Richard Sæþór Sigurðsson (Selfoss)
Stoðsending: Þorsteinn Daníel Þorsteinsson
MAAAAAAAAARK!!

RICHARD SÆÞÓR SIGURÐSSON HVER ANNAR!

Þetta mark ekki ósvipað og það fyrra nema nú er það nýbakaði faðirinn Þorsteinn Daníel sem brunar hér upp hægri kantinn, kemur með sendinguna á Richard sem klárar færir eins og honum einum er lagið!
48. mín
Milan Tasic, besti maður Víðis í þessum leik reynir hér skotið fyrir utan eftir að hafa farið framhjá 2-3 Selfyssingum. Skotið yfir og hættan ekki mikil.
46. mín
Seinni hálfleikur er farinn af stað og það eru gestirnir sem hefja leik.
45. mín
Hálfleikur
Hálfleikur á Selfossi og það eru heimamenn sem leiða 1-0.

Fróðegur seinni hálfleikur í vændum.
45. mín Gult spjald: Milan Tasic (Víðir)
Stöðvar hraða sókn Selfyssinga, verðskuldað.
43. mín
Góð tilraun Víðismanna. Flottur bolti á Helga sem nær ekki að fóta sig í teignum, nær þó skallanum en hann máttlaus og svífur framhjá.
42. mín

39. mín
Richard Sæþór heldur betur búinn að vera frábær hingað til. Hleypur eins og skepna, alltaf klár í hlaupið.
35. mín
Rólegt eftir markið. Selfyssingarnir meira með boltann en Víðir með sína spretti sem þeir ná ekki að binda endahnút á.
30. mín MARK!
Richard Sæþór Sigurðsson (Selfoss)
Stoðsending: Jose Teodoro Tirado Garcia
MAAAAAAAAAAAAARK!!!

Selfyssinga búnir að brjóta ísinn og það gerir enginn annar en söngvarinn RICHARD SÆÞÓR SIGURÐSSON.

Teo Garcia búin að vera gjörsamlega frábær hér á hægri vængnum. Leggur boltann snyrtilega inní teig þar sem Richard Sæþór er HÁRRÉTTUR maður á hárréttum stað og skilar boltanum í netið!
27. mín
Selfyssingar hafa fengið 4 spyrnur í leiknum sem Gutierrez hefur séð um að framkvæma. Frábær spyrnugeta hjá gæanum en það vantar meiri áreiðni inní teig!
23. mín
Víðismenn heldur betur að sækja í sig veðrið þessa stundina.

Helgi Þór með fyrirgjöf á Milan Tasic sem athafnar sig inní teig, tekur á rás og reynir skotið, en það fer í varnarmann Selfyssinga og heimamenn ná að hreinsa.
22. mín
Víðismenn frábærlega skipulagðir í vörninni og Selfyssingar eiga í basli með að opna vörnina, hefur ekki tekist vel hingað til.
19. mín
Garcia með skallann yfir eftir flotta fyrirgjöf frá JC Mack. Selfyssingar eru hægt og rólega að taka yfir þetta.

Sjáum hvað gerist.
15. mín
Teo Garcia með FÁRÁNLEGA tilraun, sem varð síðan bara ekkert fáránleg.

Reynir skotið hér á hægri kantinum bara, alveg við hliðarlínuna og boltinn endar á þaknetinu!
14. mín
Svavar Berg reynir hér skotið fyrir utan teig, hann hefði betur sleppt því. Boltinn langt framhjá.
12. mín
Selfyssingar byrjuðu leikinn mikið mun betur en það virðist sem Víðismenn séu að koma sér betur inn í leikinn hægt og rólega.
9. mín
Aleksandar Stjokovic með frábæra aukaspyrnu inní teig Selfyssinga, Róbert Örn grimmur og nær til boltans en skallar rétt framhjá!

Þarna fór um stuðningsmenn Selfyssinga.
7. mín
Það verður að minnast á alla þá frábæru stuðningsmenn Víðis sem hafa lagt leið sína hingað, syngja stöðugt og ætla að hjálpa strákunum í gegnum þetta!

Vel gert.
5. mín
Fyrstu hornspyrnu leiksins fá heimamenn.

Gutierrez spyrnir henni. Góð sending á hausinn á Stefáni Ragnari sem skallar yfir.
4. mín
Selfyssingar byrja af krafti.

Richard Sæþór æðir hér upp hægri kantinn og með sendingu fyrir en því miður fyrir hann, enginn Selfyssingur nálægt og boltinn fer í gegnum allan pakkann.
1. mín
Leikur hafinn
Leikurinn er hafinn og það eru gestirnir úr Garðinum sem byrja með knöttinn.

Góða skemmtun!
Fyrir leik
Liðin að ganga út á völlinn. Sigurður Óli og hans aðstoðarmenn fremstir í flokki. Selfyssingar vínrauðir og Víðismenn fallega bláir.
Fyrir leik
10 mínútur í leik og liðin eru farin inn í búningsklefa. Ég er orðinn HRIKALEGA spenntur, þetta verður eitthvað. Það er alveg klárt.
Fyrir leik
Sigurður Óli Þorleifsson mun dæma þennan leik í kvöld, sá umdeildi dómari. Átti ekki góðan leik uppá Skaga þegar hann dæmdi þar í Pepsdeildinni nú á dögunum. Vonum að annað verði uppi á teningnum í kvöld og hann dæmi þetta með stakri prýði.
Fyrir leik
Hálftími í leik og leikmenn Víðis eru ekki enn komnir út í upphitun. Einhver seinkun á þeim, vonum að þeir fari að skila sér.
Fyrir leik
Víðismenn stilla upp sama byrjunarliði og vann Einherja í síðasta leik.
Fyrir leik
Selfyssingar gera tvær breytingar frá tapinu gegn Þór í síðustu umferð Inkasso-deildarinnar. Haukur Ingi og Richard Sæþór koma inn í liðið en Arnar Logi og Arnór Gauti víkja fyrir þeim.
Fyrir leik
Byrjunarlið liðanna er komin inn. Þau má sjá hér til hliðanna.
Fyrir leik
Nokkrir leikir fóru fram í gærkvöldi og liðin sem eru komin áfram og verða í pottinum þegar dregið verður í 8-liða úrslitin eru:
FH
Fylkir
Þróttur
Fram

Svo bætast auðvitað fjögur lið við í kvöld en leikir kvöldsins eru:
Selfoss - Víðir
Stjarnan - ÍBV
Víkingur - Valur
ÍA - Breiðablik
Fyrir leik
Gunnar Borgþórsson hefur fengið gælunafnið Bikar-Gunni en hann kann ansi vel við þessa keppni. Hann hefur undanfarið tvö ár farið í úrslit með kvennalið Selfoss og spurning hvort að annað eins ævintýri sé í uppsiglingu hjá strákunum. Segi svona...
Fyrir leik
Selfyssingar sitja í 9.sæti Inkasso-deildarinnar en vilja þeir klárlega að vera ofar þar. Liðið hefur tapað þremur leikjum og unnið tvo.

Það þarf svosem ekkert að ræða það eitthvað mikið hverja Selfyssingar slóu út í 32-liða úrslitum en það var að sjálfsögðu KR. Stórkostlegur leikur hjá Selfyssingum sem endaði 1-2 en Arnar Logi skoraði sigurmark Selfyssinga í framlengingu.
Fyrir leik
Víðismenn heldur betur búnir að vera í stuði í sumar og eru á toppi 3. deildarinnar með fullt hús stiga og hafa einungis fengið á sig eitt mark í fyrstu fjórum leikjum deildarinnar.

Liðið sló út Sindra í 32-liða úrslitum, 2-0 eftir framlengdan leik. Helgi Þór og Aleksandar Stojkovic skoruðu mörk Víðis.

Liðið búið að standa sig stórkostlega í sumar og er ég ekki í nokkrum vafa um að þetta verði hörkuleikur hér í kvöld!
Fyrir leik
Gott kvöld og verið velkomin í beina textalýsingu frá JÁVERK-vellinum. Í dag eigast við Selfoss og Víðir í 16-liða úrslitum Borgunarbikarsins.
Byrjunarlið:
1. Eyþór Guðjónsson (m)
Björn Bergmann Vilhjálmsson ('83)
5. Róbert Örn Ólafsson (f)
8. Milan Tasic ('65)
10. Aleksandar Stojkovic
10. Einar Karl Vilhjálmsson ('85)
11. Jón Gunnar Sæmundsson
17. Dejan Stamenkovic
22. Milos Jugovic
22. Helgi Þór Jónsson
22. Arnar Freyr Smárason

Varamenn:
3. Ólafur Ágúst Hlíðarsson
4. Ívar Gauti Guðlaugsson
20. Viktor Gíslason ('85)
21. Sigurður Þór Hallgrímsson ('65)
22. Pawel Grudzinski ('83)
24. Árni Gunnar Þorsteinsson

Liðsstjórn:
Sigurður Elíasson

Gul spjöld:
Milan Tasic ('45)
Arnar Freyr Smárason ('68)

Rauð spjöld: