Heyr mína bæn á fóninn og leikmenn ganga út á völl. Fimm mínútur í leik!

Breyting á þjálfara hefur lítið gert fyrir mætinguna á KR-vellinum, fátt um manninn í stúkunni eins og venja hefur verið í sumar.

Það eru um 15 N-Írar mættir í stúkuna sem fögnuðu gríðarlega þegar lið sitt var kynnt til leiks rétt í þessu.

Gaman er að segja frá því að Eoin Bradley sem er númer 10 hjá gestunum er rúgbýleikmaður og á marga titla að baki á því sviði. Árið 2013 tók hann síðan upp á því að færa sig yfir í knattspyrnu þá þrítugur.Hann gekk til liðs við Glenavon árið 2014 og hefur síðan þá leikið með þeim 39 leiki og skorað 19 mörk. Það er nokkuð ljóst að hann mun láta finna fyrir sér í dag.

LEIÐRÉTTING: Hann er ekki rúgbýleikmaður heldur spilar hann Gaelískan fótbolta sem líkir til rúgbý. Hann spilar þá íþrótt með liðinu Glennulin samhliða fótboltanum með Glenavon.

KR-ingar eru mættir út í upphitun sem Arnar Gunnlaugsson stýrir. Það er ekki leiðinlegt að sjá hann aftur úti á grasi í takkaskóm og stuttbuxum.

Enn bólar þó ekkert á Willum.

Auk þess að lenda í 3. sæti á síðustu leiktíð urðu Glenavon bikarmeistarar. Þeir unnu Linfield 2-0 í úrslitaleik bikarsins en þetta er í annað skiptið á þremur árum sem þeir verða bikarmeistarar þar sem þeir unnu bikarinn einnig tímabilið 2013-14.

Þá má geta þess að leikmaður númer 2 á bekk Glenavon, Gary Hamilton er einnig þjálfari liðsins. Hann hefur sinnt starfi spilandi þjálfara frá árinu 2011.

Hvað varðar lið Glenavon get ég fátt sagt um óvænta hluti þar sem ég þekki liðið lítið. Þeir virðast vera með nokkuð ungt lið en nefna má Rhys Marshall, Joel Cooper og Mark Sykes sem eru í byrjunarliðinu en þeir eru fæddir 1995, -96 og -97.

Þá er Jack O'Mahony sem er á bekknum fæddur árið 2000.

Leikmenn Glenavon hafa verið úti á velli að sparka bolta í léttri upphitun síðuastu mínútur en lítið bólar á KR-ingum.

Byrjunarliðin eru klár! Willum Þór Þórsson sem er að stýra sínum frysta leik eftir að hafa tekið við liði KR í vikunni gerir tvær breytingar á liðinu sem tapaði gegn ÍA á fimmtudag fyrir viku síðan. Indriði Sigurðsson og Morten Beck Andersen koma inn í liðið á kostnað Hólmberts Arons Friðjónssonar og Denis Fazlagic.

Glenavon lenti í 3. sæti í N-írsku deildinni á síðustu leiktíð og tryggðu sér þannig þátttökurétt í Evrópudeildinni. Deildinni þar í landi lauk í maí eins og tíðkast víðast hvar í Evrópu og eru þeir því á undirbúningstímabili sínu sem stendur.

Góðan dag og velkomin í beina textalýsingu frá leik KR og Norður-írska liðsins Glenavon í forkeppni Evrópudeildarinnar.