Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
Breiðablik
0
1
ÍA
0-1 Garðar Gunnlaugsson '11
11.07.2016  -  19:15
Kópavogsvöllur
Pepsi-deild karla 2016
Dómari: Vilhjálmur Alvar Þórarinsson
Áhorfendur: 962
Byrjunarlið:
Gunnleifur Gunnleifsson
3. Oliver Sigurjónsson
4. Damir Muminovic
5. Elfar Freyr Helgason
5. Arnór Sveinn Aðalsteinsson
8. Arnþór Ari Atlason ('81)
11. Gísli Eyjólfsson ('73)
15. Davíð Kristján Ólafsson
22. Ellert Hreinsson
23. Daniel Bamberg ('66)
30. Andri Rafn Yeoman

Varamenn:
24. Aron Snær Friðriksson (m)
6. Alexander Helgi Sigurðarson
10. Atli Sigurjónsson ('73)
17. Jonathan Glenn ('81)
21. Viktor Örn Margeirsson
22. Ágúst Eðvald Hlynsson ('66)
26. Alfons Sampsted

Liðsstjórn:

Gul spjöld:
Damir Muminovic ('44)
Elfar Freyr Helgason ('90)

Rauð spjöld:
Leik lokið!
Þriðji sigur Skagamanna í röð!

Enn gengur Breiðablik illa að vinna fótboltaleiki og skora fótboltamörk.
90. mín Gult spjald: Elfar Freyr Helgason (Breiðablik)
Straujar Tryggva sem var við það að sleppa í gegn. Skagamenn virðast ætla að halda út.
90. mín
Arnór Sveinn með hættulega fyrirgjöf en auðvitað er Ármann Smári mættur að bjarga.
90. mín
Fjórum mínútum bætt við. Er Skaginn að vinna sinn þriðja sigur í röð?

Það hefðu fáir spáð þeim sigri á móti KR, Stjörnunni og Breiðablik.
89. mín
Inn:Albert Hafsteinsson (ÍA) Út:Iain James Williamson (ÍA)
Williamson verið sterkur.
88. mín
Davíð með skot sem Glenn stýrir í markið! En rangstæða dæmd.
86. mín
Inn:Ásgeir Marteinsson (ÍA) Út:Ólafur Valur Valdimarsson (ÍA)
Ólafur verið sprækur en ekki fengið úr miklu að moða.
85. mín
Sókn Blika þyngist með hverri mínútunni. Oliver fær gott skotfæri rétt utan teigs en hann hittir boltann rosalega illa. Skagamenn virðast mjög þreyttir.
83. mín
Atli Sigurjóns reynir skot af 30 metrum sem fer langt framhjá.
81. mín
Inn:Jonathan Glenn (Breiðablik) Út:Arnþór Ari Atlason (Breiðablik)
Síðasta bragð Blika er að sita Glenn inná, síðustu tíu mínúturnar.
80. mín
Glenn að gera sig kláran.
79. mín
Góð sókn Skagamenna endar með að Garðar reynir hjólhestinn fyrir utan teig. Hann hittir því miður ekki boltann og Blikar ná honum.
75. mín
Tryggvi Hrafn ræðst á vörn Breiðabliks og reynir fyrirgjöf á Ólaf Val sem er í frábæru færi en Elfar Freyr nær að bjarga á síðustu stundu.
73. mín
Inn:Atli Sigurjónsson (Breiðablik) Út:Gísli Eyjólfsson (Breiðablik)
Gísli búinn að vera sprækur í dag og reynt fullt af skotum, nokkur þeirra hættuleg.
73. mín
Inn:Eggert Kári Karlsson (ÍA) Út:Jón Vilhelm Ákason (ÍA)
Jón Vilhelm ekki látið mikið á sér bera.
72. mín
Tryggvi Hrafn við það að komast í gott færi en hann gleymir að taka boltann með sér og ekkert verður úr sókninni.
69. mín
Ellert er í góðri stöðu til að gefa boltann á Ágúst sem er í dauðafæri en Ellert sér hann ekki og reynir þess í stað að gefa boltann á Arnþór Ara. Sú sending gengur ekki upp og sóknin rennur út í sandinn.
68. mín Gult spjald: Ólafur Valur Valdimarsson (ÍA)
Sparkaði óvart framan í Arnór Svein sem ætlaði að skalla boltann.
67. mín
Arnþór Ari með stórhættulega fyrirgjöf sem Ellert þarf bara að pota inn í autt markið en framherjinn nær ekki til boltans. Þarna munaði heldur betur litlu.
66. mín
Inn:Ágúst Eðvald Hlynsson (Breiðablik) Út:Daniel Bamberg (Breiðablik)
Ungi strákurinn tekinn fram yfir Jonathan Glenn.
64. mín
Ég er löngu búinn að missa töluna á skotum frá Gísla. Hann reynir eitt hér af um 25 metrum sem Árni slær í horn. Fín tilraun.
62. mín
Bamberg reynir skot að marki en það fer í Ármann og í fangið á Árna. Ármann er búinn að eiga frábæran leik hingað til.
60. mín
Skagamenn varla komnir yfir miðju í seinni hálfleik. Löng sókn endar með skoti frá Oliver en það fer framhjá. Blikar hætta ekki í sókn en eins og oft áður í sumar, gengur illa að binda enda á sóknirnar.
55. mín
Arnþór Ari í frábæru færi eftir sendingu frá Andra Rafni en skotið hans fer í hliðarnetið. Færið var svolítið þröngt en hann átti samt sem áður að gera betur.
50. mín
Gísli í enn einu skotfærinu, nú fer það rétt framhjá. Fór í varnarmann og enn eitt hornið hjá Blikum.
48. mín
Seinni hálfleikur rétt að byrja og Blikar eru að fá sína þriðju hornspyrnu. Ármann Smári er búinn að skalla hinar tvær frá.
46. mín
Seinni hálfleikur er kominn af stað
45. mín
Hálfleikur
Skagamenn leiða í hálfleik. Garðar Gunnlaugs skoraði markið snemma leiks. Sókn Blika jókst eftir því sem leið á hálfleikinn en náði ekki að skapa sér alvöru marktækifæri samt sem áður.
44. mín Gult spjald: Damir Muminovic (Breiðablik)
Tryggvi Hrafn tók sig til og réðst á þrjá varnarmenn Blika. Damir endar á því að brjóta af honum og fær réttilega gult spjald.
43. mín
Ellert Hreinsson kemst í fínt færi en Árni ver skotið hans á nærstönginni. Þarna hefði Ellert getað gert betur.

Sókn Blika að þyngjast.
42. mín
Nú fer Arnór með í sóknarleikinn og reynir skot sem endar beint í fanginu á Árna Snæ.

Mikið um tilraunir hjá Blikum í fyrri hálfleik en ekkert sem hefur valdið Árna miklum hausverk ennþá.
41. mín Gult spjald: Darren Lough (ÍA)
Alltof seinn í Arnór Svein sem hefur fengið að finna fyrir því oftar en einu sinni í þessum leik.
40. mín
Aftur er Gísli að koma sér í færi. Blikar ná fínni sókn sem endar með að Gísli er í þröngu færi og situr hann boltann vel yfir.
39. mín
Nú er það Gísli sem reynir skot af löngu færi. Hann hittir boltann afar vel en hann flýgur hins vegar ágætlega langt framhjá.
39. mín
Skagamenn sækja hratt og Williamson reynir skot af löngu færi sem er beint í fangið á Gulla. Það þarf meira en þetta til að skora framhjá þeim manni.
36. mín
Gísli á fyrirgjöf sem Arnþór potar framhjá. Blikar betri en ná ekki að skapa sér gott marktækifæri.
34. mín
Ellert Hreinsson snýr baki í markið en nær að sparka boltanum í áttina að því en hann endaði ofan á markinu.
34. mín
Ármann Smári á alltof lausa sendingu aftur á Árna og Arnþór nær til boltans en Árni bjargar málunum með að koma boltanum aftur fyrir.
33. mín
Jón Vilhelm liggur eftir einhvern árekstur. Virtist fá högg á brjóstið.
29. mín
Arnar Már er of seinn í Gísla Eyjólfs en Vilhjálmur dæmir ekki neitt. Virtist klárt brot og Arnar er nýbúinn að fá gult spjald. Tæpur.
28. mín Gult spjald: Arnar Már Guðjónsson (ÍA)
Alltof seinn í Arnór Svein og fær réttilega gult spjald.
25. mín
Aukaspyrnan var fín en Skagamenn voru dæmdir brotlegir og rann þetta því út í sandinn.
24. mín
Davið Kristján brýtur á Arnari Má og ÍA fær aukaspyrnu af svipuðu færi og þegar markið kom áðan.
23. mín
Arnþór Ari fer upp vinstri vænginn og á frábæra fyrirgjöf sem Ellert skallar framhjá úr góðu færi. Skemmtilegar fyrstu 23 mínútur hérna.
22. mín
Á sama tíma hef ég aldrei á ævinni heyrt jafn lítið í stúkunni á Kópavogsvelli. Það er ágætlega mikið af fólki hérna en það er alls ekki að láta vel í sér heyra.
19. mín
Blikar hafa ekki náð að svara því að hafa lent undir. Þeir eru meira með boltann en eru ekki að ná að skapa sér neitt.
14. mín
Gísli Eyjólfs reynir bakfallsspyrnu utan teigs sem var á leiðinni rosalega langt framhjá þegar Árni Snær tók við boltanum.
11. mín MARK!
Garðar Gunnlaugsson (ÍA)
Stoðsending: Iain James Williamson
MAAAAAAAAAAAAAAAAAAAAARK!!!

Skagamenn fá aukaspyrnu utan af kanti, Iain Williamson tók hana inn í teiginn og þar stökk Garðar Gunnlaugson manna hæst og átti frábæran skalla í bláhornið. Færið var frekar erfitt en skallinn var rosalegur. Garðar er heldur betur í stuði þessa dagana.
10. mín
Skagamenn byrjuðu leikinn af krafti en Blikar fengu svo hornspyrnu sem þeim gulklæddu gékk illa að hreinsa frá. Arnþór Ari reyndi hörkuskot sem Lough gerði vel í að komast fyrir.
6. mín
Davið Kristján fer upp vinstri vænginn og á hörku fyrirgjöf sem Arnþór rétt missir af. Það vantaði bara smá snertingu þarna og Blikar hefðu verið komnir yfir.
3. mín
Skagamenn byrja vel. Hallur Flosason á hættulega fyrirgjöf sem sóknarmennirnir rétt missa af.
2. mín
Jón Vilhelm Ákason fellur innan teigs eftir baráttu við Damir. Fellur með tilþrifum, aldrei víti.
1. mín
Leikur hafinn
Skagamenn byrja leikinn og sækja í átt að Fífunni.
Fyrir leik
Liðin eru komin inn á völlinn undir fögrum tónum System of a Down. Ármann Smári Björnsson er búinn að aflita hárið á sér. Ég er engin tískulögga og ákveð því að sleppa því að segja mitt álit á þeirri ákvörðun.
Fyrir leik
Guðmundur Hreiðarsson, markmannsþjálfari landsliðsins hitar upp markmenn Skagaliðsins.
Fyrir leik
Ég veit ekki hver er að stjórna tónlistinni á Kópavogsvelli en það er komin rokk útgáfa af Línu Langsokk á fóninn.
Fyrir leik
25 mínútur í leik og liðin hita upp. Sýnist Garðar Gunnlaugsson vera að fá kassa af Pepsi. Hann skoraði þrennu gegn Stjörnunni og var valinn maður umferðarinnar hjá Pepsi mörkunum.
Fyrir leik
Arnþór Ari Atlason skoraði svo eina mark leiksins á Akranesi í 1-0 sigri Blika.
Fyrir leik
Breiðablik vann þessa viðurreign, 3-1 á síðustu leiktíð en þá skoraði Jonathan Glenn þrennu.
Fyrir leik
Höskuldur Gunnlaugsson er ekki í leikmannahóp Blika en hann hefur verið að glíma við meiðsli.
Fyrir leik
Skagamenn gera einnig eina breytingu frá síðasta deildarleik. Jón Vilhelm Ákason kemur í stað Ásgeirs Marteinssonar.
Fyrir leik
Breiðablik gerir eina breytingu á liðinu sem spilaði síðasta deildarleik, gegn Val. Guðmundur Atli er ekki í hóp en hann er að glíma við hjartveiki. Oliver Sigurjónsson kemur í hans stað.
Fyrir leik
Blikar hafa átt erfitt síðustu vikur og dottið út í bikarnum og Evrópudeildinni með stuttu millibili. Þeir hafa ekki unnið leik síðan þeir unnu Eyjamenn, 15. júní. Þeir eru samt sem áður í efri hluta deildarinnar og geta skellt sér í 3. sæti með sigri í kvöld.
Fyrir leik
Fyrir leikinn er ÍA í 10. sæti eftir tvo frábæra sigra í röð á KR og Stjörnunni. Skagamenn eru þremur stigum á undan Þrótti sem er í 11. sæti og fallsæti.
Fyrir leik
Góðan daginn, hér verður bein lýsing frá leik Breiðabliks og ÍA í Pepsi deildinni.
Byrjunarlið:
12. Árni Snær Ólafsson (m)
Arnar Már Guðjónsson
Ármann Smári Björnsson
Arnór Snær Guðmundsson
6. Iain James Williamson ('89)
8. Hallur Flosason
10. Jón Vilhelm Ákason ('73)
10. Tryggvi Hrafn Haraldsson
14. Ólafur Valur Valdimarsson ('86)
27. Darren Lough
32. Garðar Gunnlaugsson

Varamenn:
2. Þórður Þorsteinn Þórðarson
10. Steinar Þorsteinsson
18. Albert Hafsteinsson ('89)
19. Eggert Kári Karlsson ('73)
20. Gylfi Veigar Gylfason
23. Ásgeir Marteinsson ('86)

Liðsstjórn:
Páll Gísli Jónsson

Gul spjöld:
Arnar Már Guðjónsson ('28)
Darren Lough ('41)
Ólafur Valur Valdimarsson ('68)

Rauð spjöld: