Malen, Maguire, Rashford, Greenwood, Yoro, Eriksen og fleiri góðir í slúðri dagsins
Valur
5
0
Selfoss
Dóra María Lárusdóttir '12 1-0
Margrét Lára Viðarsdóttir '36 2-0
Arna Sif Ásgrímsdóttir '41 3-0
Margrét Lára Viðarsdóttir '66 4-0
Arna Sif Ásgrímsdóttir '84 5-0
13.07.2016  -  19:15
Valsvöllur
Pepsi-deild kvenna 2016
Dómari: Einar Ingi Jóhannsson
Byrjunarlið:
12. Sandra Sigurðardóttir (m)
3. Pála Marie Einarsdóttir ('71)
4. Arna Sif Ásgrímsdóttir
6. Mist Edvardsdóttir
7. Elísa Viðarsdóttir
8. Laufey Björnsdóttir ('59)
9. Margrét Lára Viðarsdóttir (f)
10. Elín Metta Jensen
16. Rúna Sif Stefánsdóttir
22. Dóra María Lárusdóttir
31. Vesna Elísa Smiljkovic ('82)

Varamenn:
2. Lilja Dögg Valþórsdóttir ('71)
7. Hildur Antonsdóttir ('59)
14. Rebekka Sverrisdóttir
14. Hlín Eiríksdóttir
18. Málfríður Anna Eiríksdóttir ('82)
30. Katrín Gylfadóttir

Liðsstjórn:
Kristín Ýr Bjarnadóttir

Gul spjöld:

Rauð spjöld:
Leik lokið!
Gríðarlega flottur og öruggur sigur Vals í kvöld. Þær ætla sér toppbaráttu og með svona frammistöðu verða þær klárlega í toppbaráttu.
90. mín
Örugglega síðasta tilraun leiksins. Eva Lind með skot af löngu færi sem fer beint í fangið á Söndru.
89. mín
Málfríður Anna í virkilega góðu færi eftir flotta fyrirgjöf en Chante ver vel.
86. mín
Nú skallar Mist naumlega yfir eftir hornspyrnu frá Dóru Maríu. Valsstúlkur eru ekki hættar.
84. mín MARK!
Arna Sif Ásgrímsdóttir (Valur)
MAAAAAAAAAAAAARK!!

Annað mark Örnu í leiknum. Boltinn hrökk í hana eftir hornspyrnu og boltinn lak inn. Smá heppni yfir þessu, fékk boltann í sig þegar varnarmaður reyndi að hreinsa.
83. mín
Lilja Dögg skallar rétt yfir markið eftir hornspyrnu.
82. mín
Inn:Málfríður Anna Eiríksdóttir (Valur) Út:Vesna Elísa Smiljkovic (Valur)
Síðasta verk Vesnu var þetta góða skot. Hún er búin að eiga góðan leik.
82. mín
Vesna með skot, utarlega á vellinum í stöngina. Frábær tilraun.
81. mín
Aftur Hughes, nú af löngu færi. Sandra enn og aftur örugg og grípur boltann.
80. mín
Aftur á Lauren Hughes að koma sér í færi en aftur grípur Sandra boltann. Hughes er búin að vera besti leikmaður Selfoss í dag.
76. mín
Lauren Hughes er í fínu færi en skýtur beint á Söndru sem grípur vel.
72. mín
Eva Lind kemst í virkilega gott færi innan teigs en hún skóflar boltanum yfir markið. Selfyssingar hafa fengið sín færi en það hefur gengið illa að nýta þau.
71. mín
Inn:Lilja Dögg Valþórsdóttir (Valur) Út:Pála Marie Einarsdóttir (Valur)
Valsstúlkur ætla loksins að vinna Selfoss. Það eru komin nokkuð mörg ár síðan síðast.
71. mín
Erna með aukaspyrnu rétt utan teigs, fer framhjá veggnum en Sandra er vel staðsett og ver vel.
67. mín Gult spjald: Anna María Friðgeirsdóttir (Selfoss)
Stoppar snögga sókn Valsstúlkna.
66. mín MARK!
Margrét Lára Viðarsdóttir (Valur)
Stoðsending: Vesna Elísa Smiljkovic
MAAAAAAAAAAAAAAAARK!!

Vesena á frábæra sendingu á Margréti Láru sem klárar vel, ein á móti Chante. Þessi sending var algjörlega geggjuð.
63. mín
Vesna skallar fyrirgjöf Elínar Mettu framhjá úr góðu færi. Töluvert rólegri seinni hálfleikur en sá fyrri var.
59. mín
Inn:Hildur Antonsdóttir (Valur) Út:Laufey Björnsdóttir (Valur)
Fyrsta skipting Vals. Laufey ekki sérstaklega ánægð með að vera tekin útaf.
55. mín
Inn:Erna Guðjónsdóttir (Selfoss) Út:Guðmunda Brynja Óladóttir (Selfoss)
Guðmunda augljóslega ekki alveg heil heilsu.
53. mín Gult spjald: Lauren Elizabeth Hughes (Selfoss)
Er fyrir Valsstúlkum sem ætluðu að taka snögga aukaspyrnu.
52. mín
Selfoss byrjaði seinni hálfleikinn af miklum krafti en nú virðast Valsstúlkur vera komnar með völdin á ný.
46. mín
Vá. Sofandaháttur í vörn Vals og Guðmunda Brynja er alein inni á teig Vals. Hún áttar sig hins vegar ekki á því hvað hún hefur mikinn tíma og flýtir sér að skjóta og það hafnar í fanginu á Söndru í markinu.

Rangstæðutaktík Valsstúlkna klikkaði svakalega þarna.
46. mín
Seinni hálfleikurinn er kominn af stað
45. mín
Inn:Brynja Valgeirsdóttir (Selfoss) Út:Heiðdís Sigurjónsdóttir (Selfoss)
Selfoss gerir breytingu í hálfleik. Þær þurfa eitthvað svakalegt til að snúa þessu við í seinni hálfleik.
45. mín
Hálfleikur
Dóra María á síðasta tækifæri fyrri hálfleiks, potar boltanum framhjá eftir laglega fyrirgjöf frá Elíni. 3-0 og öruggt í fyrri hálfleik hjá Val.
45. mín
Elísa Viðarsdóttir potar boltanum rétt framhjá eftir fyrirgjöf Margrétar Láru.
41. mín MARK!
Arna Sif Ásgrímsdóttir (Valur)
Stoðsending: Dóra María Lárusdóttir
MAAAAAAAAAAAARK!!

Valsstúlkur eru að ganga frá Selfyssingum í fyrri hálfleik. Arna skoraði með góðum skalla eftir fyrirgjöf frá Dóru Maríu.
36. mín MARK!
Margrét Lára Viðarsdóttir (Valur)
Stoðsending: Elín Metta Jensen
MAAAAAAAAAAAAARK!!

Elín Metta dansar með boltann inn í teig og rennir svo boltanum á Margréti Láru sem á skot sem Chante er í en boltinn rúllar samt sem áður inn. Svolítið eins og þegar Kolbeinn skoraði á móti Englandi á EM. 2-0 Valur!
34. mín
Magdalena reynir skot af löngu færi en það fer naumlega framhjá. Selfyssingar gefast ekki upp.
32. mín
Lauren Hughes er búin að vera einn sprækasti leikmaður Selfoss í fyrri hálfleik. Hún tekur af stað og reynir skot utan teigs en það fer framhjá markinu.
31. mín
Margrét Lára aftur í dauðafæri. Fer sendingu innfyrir, er sterkari en Bergrós og er komin ein í gegn en Chante ver vel frá henni. Margrét gæti hæglega verið komin með tvö mörk í þessum leik.
30. mín
Margrét Lára í frábæru færi eftir fyrirgjöf systur sinnar, Elísu en skotið fer í varnarmann og framhjá.
29. mín
Mist nær góðum skalla eftir hornspyrnu en Anna María ver á marklínu. Elísa nær svo frákastinu en skallar framhjá.
27. mín
Hughes fer illa í Vesnu sem liggur eftir. Einar Ingi dæmdi ekki á þetta en hún fær aðhlynningu.
24. mín
Guðmunda Brynja reynir skot af löngu færi sem Sandra nær að verja en heldur ekki boltanum. Sem betur fer fyrir hana voru varnarmenn Vals nærri en sóknarmenn gestanna.
20. mín
Flott sending frá Elínu Mettu á Vesnu sem skallar rétt framhjá.
15. mín
Þó að Valur hafi byrjað leikinn betur og komist verðskuldað yfir er þetta engan vegin búið, það er nóg eftir og eins og áður hefur komið fram í lýsingunni, var Valur 2-0 yfir þegar liðin mættust í Borgunarbikarnum fyrir um mánuði síðan en Selfoss vann, 3-2.
12. mín MARK!
Dóra María Lárusdóttir (Valur)
Stoðsending: Margrét Lára Viðarsdóttir
MAAAAAAAAAAAAAAAAAAAAAAAAARK!!!!

Margrét Lára var komin í gott skotfæri en hún kaus að leggja boltann á Dóru Maríu sem kláraði af stuttu færi. Valsstúlkur eru komnar yfir, verðskuldað þar sem þær hafa byrjað leikinn betur.
11. mín
Elín Metta skorar með skalla en hún er dæmd rangstæð. Þetta var mjög tæpt
9. mín
Fyrsta tilraun Selfyssinga er fín. Guðmunda Brynja leggur boltann á Lauren Hughes sem á skot rétt yfir.
6. mín
Margrét Lára lætur vaða úr aukaspyrnu af um 30 metrum en skotið er beint í fangið á Chante. Köllum markmann Selfoss Chante, lýst betur á það en Sandiford eftir smá umhugsun.
4. mín
Fyrsta skot leiksins. Elín Metta fer upp hægri vænginn og tekur skot úr þröngu færi sem Sandiford gerir vel í að grípa.
3. mín
Fyrsta sókn leiksins, Vesna kemur með ágæta fyrirgjöf en hún hafnar í fanginu á Sandiford í markinu.
1. mín
Leikurinn er kominn af stað. Heimastúlkur byrja með boltann og sækja í áttina að Öskjuhlíð.
Fyrir leik
Fimm mínútur í leikinn og allir leikmenn Selfoss eru enn að hita upp á meðan Valsliðið er inn í klefa að fá real talk frá Óla Brynjars.
Fyrir leik
Skondið atvik hérna. Það voru kölluð bílnúmer í kerfinu og fólk var beðið um að færa bíla sína þar sem þeir voru fyrir innkeyrslu. Um leið og það gjall í kerfinu, hljóp einn dómaranna skömmustulegur inn í klefa að færa bílinn sinn.
Fyrir leik
Nafni minn, Jóhann Óli Eiðsson hjá Vísi og áður hjá Fótbolta.net er kominn með sína spá. Hann spáir 3-1 sigri Vals.

"Arna Sif skorar eitt og Margrét Lára tvö. Guðmunda Brynja Óladóttir skorar mark Selfoss. Staðan verður hins vegar 0-1 fyrir Selfoss í hálfleik."

Ef þetta er allt saman rétt hjá honum, hætti ég sem fréttaritari Fótbolta.net í mótmælandaskyni yfir hvað hann sé mikið betri spámaður en ég.
Fyrir leik
Ég er heimsins lélegasti spámaður en ég ætla samt sem áður að láta spá mína í ljós hér. Segjum 3-0 fyrir Val. Þær hafa verið á flugi. Einn daginn skal ég hafa rétt fyrir mér hérna.
Fyrir leik
Sunneva Hröfn Sigurvinsdóttir og Eva Lind Elíasdóttir koma inn í lið Selfoss frá 3-0 tapinu gegn Þór/KA í síðustu umferð.
Fyrir leik
Valur vann ÍA í síðasta leik, 1-0. Ólafur Brynjólfsson, þjálfari liðsins, notast við sama byrjunarlið og á Skaganum.
Fyrir leik
Til að undirstrika stöðuleikaleysi Selfoss, mættu þær ÍBV í næstu umferð bikarkeppninnar og töpuðu 5-0.
Fyrir leik
Fyrir um mánuði síðan mættust liðin í Borgunarbikarnum og vann Selfoss þá 3-2 í ótrúlegum leik en Valur komst í 2-0.

Selfoss skoraði hins vegar þrjú mörk á síðustu tíu mínútunum og snéru leiknum sér í vil.
Fyrir leik
Selfoss er á meðan í 6. sæti en liðið getur skellt sér í 4. sæti með sigri. Gengi liðsins hefur verið misjanft hingað til og vantar stöðuleika. Í fyrstu sjö leikjum deildarinnar hafa Selfyssingar unnið þrjá og tapað fjórum.
Fyrir leik
Valur er búið að vinna fjóra af síðustu fimm leikjum sínum í deildinni og hefur fyrir vikið skellt sér í toppbaráttuna eftir nokkuð erfiða byrjun. Liðið er aðeins þrem stigum frá toppliði Breiðabliks.
Fyrir leik
Góðan og blessaðan daginn kæru lesendur, hér fer fram bein textalýsing frá leik Vals og Selfoss í Pepsi kvenna.
Byrjunarlið:
12. Chante Sherese Sandiford (m)
Anna María Friðgeirsdóttir
1. Lauren Elizabeth Hughes
6. Bergrós Ásgeirsdóttir
10. Guðmunda Brynja Óladóttir ('55)
11. Heiðdís Sigurjónsdóttir ('45)
14. Karitas Tómasdóttir
17. Sunneva Hrönn Sigurvinsdóttir
18. Magdalena Anna Reimus
19. Eva Lind Elíasdóttir
23. Kristrún Rut Antonsdóttir

Varamenn:
13. Friðný Fjóla Jónsdóttir (m)
5. Brynja Valgeirsdóttir ('45)
8. Íris Sverrisdóttir
11. Karen Inga Bergsdóttir
16. Alyssa Telang
26. Dagný Rún Gísladóttir

Liðsstjórn:
Erna Guðjónsdóttir

Gul spjöld:
Lauren Elizabeth Hughes ('53)
Anna María Friðgeirsdóttir ('67)

Rauð spjöld: