Malen, Maguire, Rashford, Greenwood, Yoro, Eriksen og fleiri góðir í slúðri dagsins
HK
2
1
Leiknir R.
Ágúst Freyr Hallsson '22 1-0
Hákon Ingi Jónsson '59 2-0
2-1 Atli Arnarson '70
Óttar Bjarni Guðmundsson '94
27.07.2016  -  19:15
Kórinn
Inkasso deildin 1. deild karla 2016
Aðstæður: Afskaplega hefðbundnar!
Dómari: Helgi Mikael Jónasson
Byrjunarlið:
25. Arnar Freyr Ólafsson (m)
3. Hinrik Atli Smárason
4. Leifur Andri Leifsson (f)
5. Guðmundur Þór Júlíusson (f)
6. Birkir Valur Jónsson
8. Ragnar Leósson
10. Hákon Ingi Jónsson ('76)
20. Árni Arnarson ('85)
22. Aron Ýmir Pétursson
23. Ágúst Freyr Hallsson ('68)
27. Jökull I Elísabetarson

Varamenn:
1. Andri Þór Grétarsson (m)
9. Kristófer Eggertsson ('76)
11. Ísak Óli Helgason
17. Eiður Gauti Sæbjörnsson ('85)
30. Reynir Haraldsson
91. Fannar Freyr Gíslason

Liðsstjórn:
Bjarni Gunnarsson

Gul spjöld:
Aron Ýmir Pétursson ('19)
Ágúst Freyr Hallsson ('20)

Rauð spjöld:
Leik lokið!
HK-ingar halda þetta út og vinna dýrmætan sigur! Leiknismenn svekktir og súrir enda misstu þeir af dýrmætum stigum hér í kvöld!
95. mín
HK-ingar skjóta í slá úr aukaspyrnu!
94. mín Rautt spjald: Óttar Bjarni Guðmundsson (Leiknir R.)
Óttar fær annað gula spald sitt og þar með rautt fyrir brot rétt fyrir utan teiginn.
92. mín Gult spjald: Óttar Bjarni Guðmundsson (Leiknir R.)
LEIKNISMENN VILJA FÁ VÍTASPYRNU! Peysutog innan teigs, togað í Óttar Bjarna. Helgi Mikael sá þetta ekki. HK-ingar stálheppnir. Óttar Bjarni mótmælir og fær að líta gula spjaldið.
90. mín
Uppbótartími farinn af stað.
87. mín
Stórhættuleg sókn Leiknis rennur út í sandinn. Kristján Páll með misheppnaða sendingu.
85. mín
Inn:Eiður Gauti Sæbjörnsson (HK) Út:Árni Arnarson (HK)
Árni getur ekki haldið leik áfram.
84. mín
Árni Arnarson verið í aðhlynningu ansi lengi. Erum að fara í dágóðan uppbótartíma á eftir...
82. mín
Helgi Mikael með stórundarlegan aukaspyrnudóm. Helgi verið flottur í leiknum en datt aðeins úr sambandi þarna.
77. mín
Inn:Davi Wanderley Silva (Leiknir R.) Út:Elvar Páll Sigurðsson (Leiknir R.)
Brassinn ekkert sýnt með Leikni í sumar en honum verður líklega fyrirgefið ef hann galdrar eitthvað fram þessar mínútur sem hann fær í kvöld.
77. mín
Árni Arnarson í hörkufæri hjá HK-ingum en skaut í hliðarnetið!
76. mín
Inn:Kristófer Eggertsson (HK) Út:Hákon Ingi Jónsson (HK)
75. mín
LEIKNIR Í HÖRKUFÆRI! Sindri Björnsson með sendingu á Fannar en hann er of lengi að hlaða í skotið og varnarmaður kemst fyrir.
73. mín
Þetta mark virðist hafa kveikt í Leiknismönnum, bæði í stúkunni og á vellinum. Kristján Páll með fína marktilraun en boltinn naumlega yfir.
70. mín MARK!
Atli Arnarson (Leiknir R.)
ROOOOOSALEGT MARK HJÁ ATLA!!! VÁVÁ!

Lét vaða af um 30 metra færi og boltinn söng í samskeytunum. Hann á eftir að horfa á þetta mark nokkrum sinnum fyrir svefninn í kvöld.
68. mín
Inn:Bjarni Gunnarsson (HK) Út:Ágúst Freyr Hallsson (HK)
Bjarni kominn til HK á láni frá ÍBV. Ágúst Freyr átt þrusuflottan leik, stoðsending og mark.
63. mín
Inn:Sindri Björnsson (Leiknir R.) Út:Friðjón Magnússon (Leiknir R.)
Erfiður dagur fyrir Friðjón. Brynjar Hlöðversson færist niður í miðvörðinn.
63. mín
Inn:Kári Pétursson (Leiknir R.) Út:Kolbeinn Kárason (Leiknir R.)
59. mín MARK!
Hákon Ingi Jónsson (HK)
Stoðsending: Ágúst Freyr Hallsson
MAAAARK!!! Uppöldu Fylkismennirnir búa þetta til!

Leiknisvörnin hefur verið í tómu basli með þá tvo í leiknum. Ágúst rennir boltanum fyrir á Hákon eftir skyndisókn og hann skorar af stuttu færi!
58. mín
Leiknir með eina lélegustu hornspyrnu sem ég hef séð. Ákváðu að taka stutta spyrnu en samskiptaörðugleikar milli manna gera það að verkum að boltinn fer í innkast.
56. mín
Leiknir fékk aukaspyrnu á mjög ákjósanlegum stað. Atli Arnarson með spyrnuna en beint í vegginn. HK geystist í sókn og Hákon Ingi var nálægt því að skora. Fjörið í þessum leik heldur áfram.
52. mín
Herslumuninn vantar í sóknaraðgerðum Leiknis. Ekki í fyrsta sinn í sumar. Markaskorun verið hausverkur hjá liðinu.
47. mín
DAUÐAFÆRI!!! Ágúst Freyr Hallsson fékk sendingu frá Hákoni Inga og komst einn gegn Eyjólfi sem gerði frábærlega, fór út á móti og varði. Varnarleikur Leiknismanna ekki sannfærandi!
46. mín
Seinni hálfleikur hafinn

45. mín
Hálfleikstölfræði:
Marktilraunir: 8-6
Á markið: 6-6
Horn: 1-3
45. mín
Hálfleikur
Fjörugur fyrri hálfleikur að baki.
44. mín
Góður sprettur. HK-ingurinn Hákon Ingi Jónsson sprækur og kemur sér í færi en nær ekki nægilega góðu skoti. Á eftir fylgir svo þung sókn hjá heimamönnum en Eyjólfur ver það sem á rammann kemmur!
43. mín
Eiríkur Ingi með ágætis skottilraun. Arnar Freyr ver, heldur ekki boltanum en handsamar hann svo aftur. Eiríkur ætlaði að nýta sér markamínútuna miklu.
42. mín
Kristján Guðmunds og Jörundur Áki, þjálfarar Leiknis, með fundarhöld við hliðarlínuna. Eru að reyna að finna út hvað upp á vantar hjá Leikni. Kæmi mér ekki á óvart að sjá Sindra Björnsson inn strax í hálfleik.
32. mín
Kolbeinn Kára með hættulegan skalla en enn og aftur er Arnar vel staðsettur og ver. Arnar virðist í gírnum í kvöld.
27. mín
Ragnar Leósson með skot í kjölfar aukaspyrnu. Eyjólfur gerir vel og handsmar knöttinn örugglega.
26. mín
HK-INGAR NÁLÆGT ÞVÍ AÐ SKORA AFTUR! Hákon Ingi lék á Fannar Þór Arnarsson og átti skot á marki sem Eyjólfur náði að verja. Líf og fjör þessar mínútur.
25. mín
Góð sókn Leiknis endar með fyrirgjöf frá Kristjáni Páli á Atla Arnarson sem var einn og yfirgefinn í teginum. Skalli Atla laflaus og Arnar ver. Átti að gera betur.
22. mín MARK!
Ágúst Freyr Hallsson (HK)
MAAAARK!! HK-ingar taka forystuna! Frábært einstaklingsframtak hjá Ágústi.

Hann hafði betur gegn Óttari Bjarna sem lá á eftir, óð til hliðar framhjá fleiri Leiknismönnum áður en hann átti skot í bláhornið. Glæsilegt fótboltamark!
20. mín Gult spjald: Ágúst Freyr Hallsson (HK)
Tók Ingvar Ásbjörn niður þegar hann var að komast á siglingu á vinstri vængnum.
19. mín Gult spjald: Aron Ýmir Pétursson (HK)
15. mín
Góð sókn Leiknis endar með skoti frá Kolbeini Kárasyni sem Arnar ver auðveldlega. Nóg að gera hjá Arnari.
13. mín
Leiknismenn líklegir þessa stundina. Eiríkur Ingi með aukaspyrnu utan teigs en Arnar Freyr varði vel í horn. Smá darraðadans eftir hornið en HK náði á endanum að hreinsa.
11. mín
STÓRHÆTTULEG SENDING! Atli Arnarson með frábæra stungusendingu á Kristján Pál en Arnar Freyr markvörður HK (og fyrrum markvörður Leiknis) kom út á móti og náði með naumindum að vera á undan.
7. mín
Gæðalítið hér á upphafsmínútum og menn að feilsenda duglega. Mikið fleiri Leiknismenn í stúkunni, kannski eðlilegt miðað við ólíkt gengi þessara liða.
4. mín
Ólafur Hrannar Kristjánsson, fyrirliði Leiknis, og miðvörðurinn Halldór Kristinn Halldórsson eru fjarri góðu gamni hjá Breiðhyltingum í kvöld vegna meiðsla.
1. mín
Leikur hafinn
Jæja, tafirnar reyndust bara 9 mínútur. HK-ingar hófu leik.
Fyrir leik
Smá tafir á að leikurinn geti hafist. Lýsingin ekki í fullkomnu lagi en það er verið að bíða eftir að því verði kippt í liðinn.
Fyrir leik
Helgi Mikael Jónasson dæmir leikinn í kvöld en ekki Tómas Orri. Flugsamgöngur riðluðust vegna tölvubilunar og Tómas Orri komst ekki í tæka tíð að austan. Helgi efnilegur dómari sem er farinn að dæma í Pepsi-deildinni.
Fyrir leik
Er hættur við að væla meira yfir því að þurfa að vera inni... HK-ingar taka höfðinglega á móti manni. Toppkaffi og kruðerí. Netið flýgur áfram. Það þarf ekki mikið til að gera íþróttafréttamenn glaða.
Fyrir leik
Ekki amalegur félagsskapur sem maður fær í fréttamannastúkunni. Eftirlitsmaður er silfurrefurinn úr Árbænum, Viðar Helgason. Hann er í stuttbuxum og sumarskapi. Glæsilegur að vanda.
Fyrir leik
HK gerir tvær breytingar frá tapinu gegn Keflavík. Árni Arnarson og Aron Ýmir Pétursson koma inn í byrjunarliðið. Út fara Kristófer Eggertsson og Teitur Pétursson.

Það er bræðraslagur í kvöld. Árni er bróðir Atla Arnarsonar, miðjumanns Leiknis.
Fyrir leik
Byrjunarliðin eru komin. Ein breyting á byrjunarliði Leiknis frá sigrinum gegn Þór. Brynjar Hlöðversson kemur inn eftir leikbann en Kári Pétursson fer á bekkinn.
Fyrir leik
Tómas Þór Þórðarson hjá 365 spáir 2-0 útisigri Leiknis:
Leiknismenn eru komnir á skrið og tapa ekki mörgum leikjum til viðbótar. Þvílíkur styrkur fyrir þá að fá Sindra Bjössss aftur heim. HK er að rétta úr kútnum en Leiknir er of sterkt og sérstaklega varnarlega.
Fyrir leik
Leiknir vann sterkan 2-0 útisigur á Þór Akureyri í síðustu umferð. Akkilesarhæll liðsins hefur verið fram á við og liðið aðeins náð að skora 14 mörk. Góðar fréttir fyrir Breiðholtsliðið að endurheimta Sindra Björnsson, U21-landsliðsmiðjumann, frá Val. Sindri með í kvöld.

Leiknisliðið er aftur komið á gott skrið eftir að hafa farið í djúpa lægð. Liðið er í þriðja sæti, stigi á eftir Grindavík og sex stigum á eftir KA.
Fyrir leik
HK-ingar gengu í gegnum þjálfaraskipti nýverið þegar Reynir Leósson sagði upp störfum. Aðstoðarmaður hans, Jóhannes Karl Guðjónsson, var hækkaður í tign en mátti játa sig sigraðan í fyrsta leik 3-2 gegn Keflavík.

HK er í 9. sæti með 11 stig. Það eru aðeins tvö stig niður í fallsæti og ekki má mikið út af bregða svo liðið lendi í veseni.
Fyrir leik
Jói Kalli vs Kristján Guðmunds. Velkomin í beina textalýsingu frá Inkasso-deildinni þar sem HK og Leiknir R. eigast við i Kórnum.

Það er veðurblíða ríkjandi og því skal viðurkennast að það er svekkjandi að leikurinn sé spilaður innandyra.

Það er ungur dómari að austan að störfum í kvöld, Tómas Orri Hreinsson. Dómaranefnd KSÍ bindur miklar vonir við hann og spennandi að sjá hvernig honum gengur með flautuna.
Byrjunarlið:
Óttar Bjarni Guðmundsson
Eyjólfur Tómasson
Elvar Páll Sigurðsson ('77)
2. Friðjón Magnússon ('63)
3. Eiríkur Ingi Magnússon
7. Atli Arnarson
7. Ingvar Ásbjörn Ingvarsson
9. Kolbeinn Kárason ('63)
10. Fannar Þór Arnarsson
11. Brynjar Hlöðversson
15. Kristján Páll Jónsson (f)

Varamenn:
1. Kristján Pétur Þórarinsson (m)
5. Daði Bærings Halldórsson
8. Árni Elvar Árnason
10. Ólafur Hrannar Kristjánsson
21. Kári Pétursson ('63)
25. Davi Wanderley Silva ('77)
88. Sindri Björnsson ('63)

Liðsstjórn:

Gul spjöld:
Óttar Bjarni Guðmundsson ('92)

Rauð spjöld:
Óttar Bjarni Guðmundsson ('94)