Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
Breiðablik
0
0
Selfoss
04.08.2016  -  19:15
Kópavogsvöllur
Pepsi-deild kvenna 2016
Dómari: Arnar Þór Stefánsson
Byrjunarlið:
Fjolla Shala ('69)
Sonný Lára Þráinsdóttir
2. Svava Rós Guðmundsdóttir
3. Arna Dís Arnþórsdóttir
8. Málfríður Erna Sigurðardóttir
10. Berglind Björg Þorvaldsdóttir
14. Hallbera Guðný Gísladóttir
20. Olivia Chance ('69)
22. Rakel Hönnudóttir
23. Fanndís Friðriksdóttir
25. Ingibjörg Sigurðardóttir

Varamenn:
12. Telma Ívarsdóttir (m)
18. Kristín Dís Árnadóttir ('69)
19. Esther Rós Arnarsdóttir ('69)
21. Sólveig Jóhannesdóttir Larsen
21. Hildur Antonsdóttir

Liðsstjórn:
Ragna Björg Einarsdóttir

Gul spjöld:

Rauð spjöld:
Leik lokið!
Þetta er búið. Markalaust jafntefli er niðurstaðan. Blikar náðu sér aldrei almennilega á strik á meðan Selfyssingar börðust fyrir verðskulduðu stigi.

Skýrsla og viðtöl síðar í kvöld. Takk fyrir mig.
93. mín
Þetta er aldeilis spennandi hér í lokin. Stórhætta í vítateig Selfoss. Boltinn endar utan teigs hjá Rakel sem neglir rétt framhjá.
92. mín
Inn:Íris Sverrisdóttir (Selfoss) Út:Lauren Elizabeth Hughes (Selfoss)
Síðasta skipting Selfoss. Íris fær að sprikla í uppbótartíma.
90. mín
Fanndís tekur aukaspyrnu á miðjum vallarhelmingi Selfoss. Rennir boltanum út á Hallberu en fyrirgjöfin frá henni er ekki nógu góð. Þetta hefði getað orðið hættulegt ef Hallbera hefði hitt boltann betur.
89. mín Gult spjald: Magdalena Anna Reimus (Selfoss)
Magdalena kippir Rakel Hönnudóttur niður.
88. mín
Flottur sprettur hjá Magdalenu upp vinstri kantinn. Hún finnur Lauren Hughes sem reynir skot rétt utan teigs en boltinn fer framhjá.
87. mín
Fanndís reynir og reynir. Á hér fína fyrirgjöf en það er enginn Bliki til að taka við henni.
86. mín
Þetta fer að verða svolítið skondið en aftur var Berglind að fá séns úr teignum og í þetta skiptið neglir hún yfir.
85. mín
.. Og aftur! Berglind setur boltann framhjá úr teignum.
81. mín
Aftur fær Berglind séns í teignum en aftur setur hún boltann beint á Chante.
79. mín
Frábær tilþrif hjá Hallberu. Tekur Unni á á vinstri kantinum og setur boltann svo fyrir, beint á kollinn á Berglindi sem skallar beint í fangið á Chante.
76. mín
Það er lok lok og læs. Selfyssingar þéttar og ekki mikið að frétta af frumlegheitum hjá Breiðablik. Eins og staðan er þá stefnir í jafntefli... EEEEn. Bæði lið eiga gæðaleikmenn sem geta tekið upp á því að klára dæmið.
69. mín
Inn:Esther Rós Arnarsdóttir (Breiðablik) Út:Olivia Chance (Breiðablik)
Tvöföld skipting hjá Blikunum. Tvær ungar og efnilegar inn. Spurning hvort Kristín og Esther nái að skerpa á sóknarleiknum?
69. mín
Inn:Kristín Dís Árnadóttir (Breiðablik) Út:Fjolla Shala (Breiðablik)
69. mín
Inn:Karen Inga Bergsdóttir (Selfoss) Út:Sharla Passariello (Selfoss)
Enn fleiri tilfærslur hjá Selfoss. Karen fer í vinstri bak. Sunneva aftur upp á kant og Lauren hughes upp á topp.
63. mín
Anna María liggur kvalin fyir utan hliðarlínu og hefur greinilega meiðst á hné. Vallarþulurinn biður vallarstarfsmenn um að opna hliðið fyrir sjúkrabíl svo þetta lítur ekki vel út.
63. mín
Berglind! Hún setur boltann rétt framhjá eftir fyrirgjöf.
62. mín
Breiðablik fær aukaspyrnu rétt utan vítateigs Selfoss. Hallbera lætur vaða en setur boltann yfir. Það vantar einhvern brodd í þetta hjá Blikum.
57. mín
Inn:Unnur Dóra Bergsdóttir (Selfoss) Út:Katrín Ýr Friðgeirsdóttir (Selfoss)
Unnur Dóra, efnilegur sóknarmaður, kemur inn á í stað Katrínar. Við það þarf að breyta skipulaginu hjá Selfoss. Sunneva fer niður í vinstri bakvörð. Anna María (systir Katrínar) fer yfir í hægri bakvörð. Lauren Hughes fer á vinstri kant og Unnur Dóra á þann hægri.
56. mín
Þetta er leiðinlegt. Katrín Ýr er búin að eiga frábæran leik í hægri bakverðinum en liggur sárþjáð á vellinum. Ég sá ekki hvað gerðist en hún þarf að fara útaf á börum.
55. mín
Selfyssingar eiga hættulega hornspyrnu hinumegin en Sonný nær til boltans.
52. mín
Hallbera með annað "innswing" horn. Í þetta skiptið dettur boltinn ofan á slánna en Chante setur puttana í hann og Blikar fá horn hinum megin. Þar mætir Fanndís og á stórhættulega spyrnu fyrir en boltinn endar að lokum í öruggum höndum Chante markvarðar.
46. mín
Jæja. Þetta er rúllað af stað aftur. Engar breytingar. Áfram með smjörið!
45. mín
Það er bara einn leikur á dagskrá í Pepsi-deild kvenna í kvöld og leikmenn annarra liða grípa tækifærið og kíkja á völlinn. Stjörnustelpurnar Þórdís Hrönn, Lára Kristín og Berglind Hrund eru til dæmis mættar til að fylgjast með gangi mála.
45. mín
Hálfleikur
0-0 í hálfleik. Ég ætla að hrósa Selfyssingum aftur. Þær hafa lagt sig 100% fram og náð að loka ágætlega á Blika. Leikmennirnir sem hafa komið inn í liðið hafa gert það vel. Breiðablik á hinsvegar ennþá eftir að setja í fluggírinn og það er spurning hvort þær finni hann í seinni hálfleik.
42. mín
Vótz! Hallbera með geggjaða "innswing" hornspyrnu sem Selfyssingar bjarga á línu og aftur fyrir. Fanndís tekur hornið hinum megin og það er ekki síður hættulegt. Selfyssingar bjarga aftur á síðustu stundu. Ná Blikar að setja mark hér fyrir hálfleik?
33. mín
Áfram sækja Blikar og nú á Málfríður Erna skalla rétt framhjá eftir hornspyrnu.
32. mín
Hamborgararnir hér í Kópavoginum virðast annars vera að gera gott mót. Blikarnir Sigurður Hlíðar og Hörður Ingi voru að missa sig fyrir leik og nú eru KR-ingarnir Margrét María og Anna Birna dottnar í gúrmið. Það kemur alls ekkert á óvart enda stendur Eysteinn Pétur framkvæmdastjóri Knattspyrnudeildar við grillið. Áhorfendur ættu að kíkja í sjoppuna í hálfleik.
29. mín
Blikar áfram með völdin á vellinum en eru ekki að ná að skapa sér afgerandi færi.
23. mín
Þó að Blikar séu betra liðið á vellinum má alveg hrósa liði Selfoss. Þær eru að vinna þokkalega saman og reyna að spila þrátt fyrir að hafa misst bunka af lykilmönnum og hafi þurft að gera heilar fimm breytingar frá síðasta leik.
22. mín
Berglind aftur! Í þetta skiptið setur hún boltann rétt framhjá eftir fyrirgjöf frá Svövu Rós.
19. mín
SLÁÁÁ! Þarna átti Berglind Björg að koma Blikum yfir en hún setur boltann í slánna úr góðu færi. Í kjölfarið verður darraðadans í teignum en Selfyssingar ná að að lokum að hreinsa.
17. mín
Olivia Chance á skot framhjá eftir sendingu frá Fanndísi. Hún átti að gera betur þarna. Var alltof lengi að þessu og setti boltann svo framhjá í þokkabót.
15. mín
Lið Breiðabliks lítur svona út í dag:
Sonný
Arna Dís - Ingibjörg - Málfríður - Hallbera
Fjolla - Chance - Rakel
Svava - Berglind - Fanndís

Selfoss:
Chante
Katrín Ýr - Bergrós - Brynja - Anna María
Hughes - Valorie - Magdalena - Kristrún - Sunneva
Passariello
8. mín
Fyrsta færi Selfoss. Boltinn berst á Valorie í teignum eftir að Blikum mistókst að hreinsa frá eftir hornspyrnu. Skotið frá Valorie er hinsvegar beint á Sonný.
5. mín
Blikar byrja betur og nú rétt í þessu var Svava Rós nálægt því að skora eftir sendingu frá Berglindi.
2. mín
Þorsteinn Halldórsson, þjálfari Blika, gerir eina breytingu á liði sínu frá 2-0 sigurleiknum gegn KR í síðustu umferð. Arna Dís Arnþórsdóttir kemur inn fyrir Ástu Eir Árnadóttur. Annars er allt með nokkuð hefðbundnu sniði þar á bæ.

Hjá gestunum er hinsvegar það að frétta að þjálfarinn, Valorie Nicole O'Brien, er í liðinu og spilar sinn fyrsta leik fyrir Selfoss í sumar. Hún ætti þó að vera í góðri leikæfingu eftir að hafa verið í láni hjá 1.deildar liði HK/Víkings. Það eru fleiri breytingar en nýji leikmaðurinn Sharla Passariello kemur inn í liðið ásamt Brynju Valgeirsdóttur, Katrínu Ýr og Sunnevu Hrönn. Þær koma inn fyrir þær Hrafnhildi Hauks, Heiðdísi Sigurjóns, Karítas Tómasdóttur, Ernu Guðjóns og Alyssu Telang. Ég veit ekki með þá síðastnefndu en hinar eru farnar út til Bandaríkjanna í skóla og verður áhugavert að sjá hvernig Selfyssingar ná að fylla í þau stóru skörð sem þær skilja eftir.
Fyrir leik
Leikurinn er hafinn. Gestirnir byrja og sækja í átt að Smáranum.
Fyrir leik
Það styttist í þetta. Það er bongóblíða í Kópavoginum og ekkert því til fyrirstöðu að við fáum skemmtilegan fótboltaleik hér í kvöld.
Fyrir leik
Heil og sæl. Hér verður bein textalýsing frá viðureign Breiðabliks og Selfoss í Pepsi-deild kvenna. Leikurinn hefst kl.19:15.
Byrjunarlið:
12. Chante Sherese Sandiford (m)
Katrín Ýr Friðgeirsdóttir ('57)
Anna María Friðgeirsdóttir
1. Lauren Elizabeth Hughes ('92)
3. Sharla Passariello ('69)
5. Brynja Valgeirsdóttir
6. Bergrós Ásgeirsdóttir
17. Sunneva Hrönn Sigurvinsdóttir
18. Magdalena Anna Reimus
20. Valorie Nicole O´Brien
23. Kristrún Rut Antonsdóttir

Varamenn:
13. Friðný Fjóla Jónsdóttir (m)
8. Íris Sverrisdóttir ('92)
11. Karen Inga Bergsdóttir ('69)
15. Unnur Dóra Bergsdóttir ('57)
21. Þóra Jónsdóttir
25. Eyrún Gautadóttir
26. Dagný Rún Gísladóttir

Liðsstjórn:

Gul spjöld:
Magdalena Anna Reimus ('89)

Rauð spjöld: