Guimaraes, Isak, Kimmich, Diaz, Branthwaite, Mainoo og fleiri góðir í slúðri dagsins
FH
2
0
Þór
Björn Daníel Sverrisson '55
Atli Viðar Björnsson '83 1-0
Atli Viðar Björnsson '86 2-0
Ingi Freyr Hilmarsson '93
21.08.2011  -  17:00
Kaplakrikavöllur
Pepsi-deild karla
Aðstæður: Fínar. Logn og lúxus en skýjað.
Dómari: Þorvaldur Árnason
Áhorfendur: 1106
Maður leiksins: Atli Viðar Björnsson
Byrjunarlið:
8. Emil Pálsson ('76)
9. Matthías Vilhjálmsson (f)
10. Björn Daníel Sverrisson (f)
11. Atli Guðnason ('90)
14. Albert Brynjar Ingason
17. Atli Viðar Björnsson
25. Hólmar Örn Rúnarsson

Varamenn:
1. Róbert Örn Óskarsson (m)
16. Jón Ragnar Jónsson
21. Guðmann Þórisson
23. Brynjar Ásgeir Guðmundsson

Liðsstjórn:
Hákon Atli Hallfreðsson

Gul spjöld:
Atli Viðar Björnsson ('78)
Emil Pálsson ('72)
Björn Daníel Sverrisson ('28)
Freyr Bjarnason ('21)

Rauð spjöld:
Björn Daníel Sverrisson ('55)
Fyrir leik
Góðan og margblessaðan daginn. Hér er bein textalýsing frá viðureign FH og Þórs í 16. umferð Pepsi-deildar karla. Þorvaldur Árnason dómari flautar til leiks klukkan 17 en aðstoðarmenn hans í dag eru Óli Njáll Ingólfsson og Smári Stefánsson.

FH-ingar þurfa á öllum stigunum að halda til að eiga enn von um Íslandsmeistaratitilinn en Þórsarar sitja í áttunda sæti og hafa fjarlægst falldrauginn vel og innilega.
Fyrir leik
Fáir veðja á Þórsara í dag enda stór skörð í þeirra liði. Janez Vrenko tekur út leikbann, Atli Sigurjónsson er staddur í Hollandi þar sem hann er við æfingar hjá úrvalsdeildarliðinu NEC, Alexandar Linta er staddur erlendis og Gunnar Már Guðmundsson má ekki spila leikinn vegna ákvæða í lánssamningi. Þá er Páll Viðar Gíslason þjálfari staddur með Atla í Hollandi og Hreinn Hringsson aðstoðarþjálfari stýrir því liðinu í dag.
Fyrir leik
Leikmenn Þórs eru búnir að taka sér göngutúr um völlinn á meðan vallarstarfsmenn leggja lokahönd á að gera allt klárt. Byrjunarliðin má sjá til hliðar.

Minnum fólk sem skrifar færslur varðandi leikinn að nota hashtagið #fótbolti en valdar færslur rata hingað í textalýsinguna
Fyrir leik
Glöggir lesendur hafa séð að Gunnar Kristjánsson er mættur aftur í leikmannahóp FH en hann hefur ekki spilað síðan hann meiddist gegn Stjörnunni í lok maí. Gunnar er á bekknum í dag.
Tómas Meyer á Stöð 2 Sport:
Hvað er hægt að biðja um betra Gaflarar gegn þorpurnum spái stórsigri hef bara ekki trú á liðum sem spila í rauðu á Íslandi! #fotbolti
Fyrir leik
Liðin eru mætt inn á völlinn og eru í þessum skrifuðu orðum að heilsast.
1. mín
Leikurinn er hafinn. Þórsarar sækja í átt að Reykjavík en FH í átt að KFC í Hafnarfirði.
Hreinn Gústavsson:
Mættur í krikann, mín spá 9-1 #fotbolti #fh #værialvegtili10mörk
7. mín
FH-ingar eru hættulegri hér í byrjun leiks. Matthías Vilhjálmsson var að fá fínasta færi en skot hans hafnaði í varnarmanni og fór svo aftur fyrir í hornspyrnu. Ekkert varð úr horninu.
17. mín
FH mun meira með boltann en liðinu gengur brösuglega að finna glufur á vörn Þórsara og fátt markvert átt sér stað í leiknum.
21. mín Gult spjald: Freyr Bjarnason (FH)
Þorvaldur dómari búinn að lyfta gula spjaldinu og það fékk blaðamaðurinn Freyr Bjarnason.
24. mín
Við heyrðum að Páll Viðar þjálfari Þórs væri hress í Hollandi að skoða þessa textalýsingu. Viljum við því skila kveðju til hans og Atla Sigurjónssonar.
25. mín
Freyr skallar yfir mark Þórs eftir hornspyrnu. Annars lítið sem ekkert að frétta í þessum leik.
28. mín Gult spjald: Björn Daníel Sverrisson (FH)
Smá hiti sem hljóp í menn og endaði það með gulu spjaldi á Björn Daníel sem var allt annað en sáttur við þá ákvörðun dómarans.
34. mín
Þórsarar komu boltanum fram á David Disztl sem var heldur einmana og fékk enga hjálp frá samherjum sínum en FH-ingar náðu þó ekki af honum boltanum. Á endanum fékk Disztl svo hjálpina og úr varð hættulegasta sókn Þórs í leiknum þó hún hafi ekki endað með skoti að marki.
37. mín
Björn Daníel með góða rispu og renndi boltanum á Matthías fyrirliða sem var í fínni skotstöðu rétt fyrir utan teiginn. Skot Matthíasar var ekki nægilega öflugt og Rajkovic í marki Þórs átti ekki í vandræðum með að verja.
39. mín
FH-ingar aðeins að ná að opna Þórsvörnina núna og Atli Guðnason fékk fínt færi en skotið beint á Rajkovic. Baldvin Ólafsson átti svo skot af löngu færi hinumegin en Gunnleifur varði auðveldlega.
41. mín
Hólmar Örn Rúnarsson í dauðafæri! Klippti boltann yfir af markteignum eftir fyrirgjöf frá Matthíasi.
45. mín
Hálfleikur. Það er markalaust. FH-ingar náðu aðeins að ógna marki Þórs meira undir lok hálfleiksins. Ég bjóst við markaleik en svo virðist ekki ætla að vera.
45. mín
FH-lögin óma í hálfleiknum eins og venja er. Boltasækjarnir fá að leika sér á vellinum í hálfleik og sýna nokkrir ansi fín tilþrif. Greinilega efnilegir fótboltamenn á ferðinni.
46. mín
Seinni hálfleikur hafinn. Vonandi verður hann mun skemmtilegri en sá fyrri.
48. mín Gult spjald: Ingi Freyr Hilmarsson (Þór )
Fær gult spjald fyrir brot á Matthíasi Vilhjálmssyni.
53. mín
Leikurinn fer algjörlega fram á vallarhelmingi Þórsara þessa stundina. FH átt nokkrar álitlegar sóknir og mark frá liðinu virðist liggja í loftinu.
55. mín Rautt spjald: Björn Daníel Sverrisson (FH)
Enn og aftur rautt spjald í leik hjá FH! Björn Daníel fær réttilega sitt annað gula spjald fyrir að brjóta á Inga Frey Hilmarssyni. FH-ingar hafa oftar en ekki verið betri manni færri, spurning hvort það verði aftur núna.
Baldvin Rúnarsson:
Vill sjá Hreinsa taka 2 útaf núna fyrst við séum orðnir einum fleiri #betrieinumfærri #fótbolti
61. mín
Inn:Ragnar Haukur Hauksson (Þór ) Út:Dávid Disztl (Þór )
Gamla kempan Ragnar Hauksson skokkar á vettvang í forlátum lotto-skóm. Ekki ósvipuðum þeim sem hann spilaði í á Skaganum fyrir langa löngu.
70. mín
Jafnræði með liðunum eftir rauða spjaldið. Lítið um opin marktækifæri.
71. mín
Þarna var Matthías Vilhjálmsson í hörkufæri en frábær markvarsla hjá Srdjan Rajkovic sem sýndi snör viðbrögð og varði meistaralega í horn.
72. mín Gult spjald: Emil Pálsson (FH)
Miðjumaðurinn ungi Emil Pálsson fer í bókina hjá Þorvaldi fyrir að brjóta á Clark Keltie. Brotið var ekki mjög gróft en Emil var nýbúinn að brjóta af sér og Þorvaldur ákvað að spjalda hann núna.
Magnús Már Einarsson
74. mín
Inn:Pétur Heiðar Kristjánsson (Þór ) Út:Ármann Pétur Ævarsson (Þór )
76. mín
Inn:Ásgeir Gunnar Ásgeirsson (FH) Út:Emil Pálsson (FH)
77. mín
FH-ingar eru líklegri þrátt fyrir að vera einum færri.
78. mín Gult spjald: Atli Viðar Björnsson (FH)
Atli Viðar reynir að fiska víti með því að taka létta dýfu í teignum. Þorvaldur dómari fellur ekki í gildruna og spjaldar Atla réttilega fyrir leikaraskap.
80. mín
Stórhættuleg sókn FH. Atli Guðnason fékk nægt pláss til að athafna sig utarlega í teignum og renndi svo knettinum á Atla Viðar sem náði ekki nægilega góðu skoti, Rajkovic varði. Örskömmu síðar fékk Matthías Vilhjálmsson fínt færi en gestirnir björguðu í horn á síðustu stundu. Tíu heimamenn líklegir hérna í lokin.
83. mín MARK!
Atli Viðar Björnsson (FH)
Þetta mark hefur legið í loftinu í nokkurn tíma! Atli Viðar með hnitmiðað skot við vítateigsendann sem fór í bláhornið. Í aðdragandum höfðu tveir varnarmenn Þórsara runnið klaufalega og Atli hirti þá knöttinn.
86. mín MARK!
Atli Viðar Björnsson (FH)
Aftur skorar Atli og klárar þennan leik! Skoraði með skalla eftir fyrirgjöf frá Guðmundi Sævarssyni. Það fer Þórsurum ekki vel að vera færri á vellinum.
Halldór Harðarson, Þórsari:
er ekki hægt að rífa sig upp einum fleiri í einum helvítis leik, #drasl #fotbolti
90. mín
Inn:Hákon Atli Hallfreðsson (FH) Út:Atli Guðnason (FH)
Garðar Ingi Leifsson:
FH hljóta að byrja 10 í næsta leik? #annaðværivitleysa #fotbolti
93. mín Rautt spjald: Ingi Freyr Hilmarsson (Þór )
Annað gult og þar með rautt. Ingi Freyr fær að fara nokkrum sekúndum fyrr í sturtu en samherjar sínir.
93. mín
Leik lokið með 2-0 sigri FH. Gríðarlega mikilvæg þrjú stig hjá FH sem hefur unnið fimm leiki í röð og heldur sér í titilbaráttunni.
Byrjunarlið:
Sveinn Elías Jónsson
2. Gísli Páll Helgason
5. Atli Jens Albertsson
6. Ármann Pétur Ævarsson ('74)
10. Sigurður Marinó Kristjánsson
13. Ingi Freyr Hilmarsson

Varamenn:
16. Kristinn Þór Rósbergsson
17. Halldór Orri Hjaltason

Liðsstjórn:
Kristján Steinn Magnússon
Arnar Geir Halldórsson
Ragnar Haukur Hauksson

Gul spjöld:
Ingi Freyr Hilmarsson ('48)

Rauð spjöld:
Ingi Freyr Hilmarsson ('93)