Malen, Maguire, Rashford, Greenwood, Yoro, Eriksen og fleiri góðir í slúðri dagsins
Leiknir F.
1
4
Grindavík
0-1 Gunnar Þorsteinsson '24
0-2 Will Daniels '31
0-3 Gunnar Þorsteinsson '69
Almar Daði Jónsson '79 1-3
1-4 Magnús Björgvinsson '90
06.08.2016  -  14:00
Fjarðabyggðarhöllin
Inkasso deildin 1. deild karla 2016
Aðstæður: Logn
Dómari: Gunnar Sverrir Gunnarsson
Maður leiksins: Gunnar Þorsteinsson
Byrjunarlið:
1. Adrian Murcia Rodriguez (m)
4. Antonio Calzado Arevalo
6. Hilmar Freyr Bjartþórsson
7. Arkadiusz Jan Grzelak (f)
9. Ignacio Poveda Gaona
15. Kristófer Páll Viðarsson
18. Valdimar Ingi Jónsson ('75)
18. Jesus Guerrero Suarez
19. Andres Salas Trenas
21. Anto Pejic ('58)
23. Sólmundur Aron Björgólfsson ('58)

Varamenn:
2. Guðmundur Arnar Hjálmarsson
3. Garðar Logi Ólafsson ('58)
5. Almar Daði Jónsson ('58)
14. Kifah Moussa Mourad ('75)
22. Dagur Már Óskarsson
23. Dagur Ingi Valsson

Liðsstjórn:
Amir Mehica

Gul spjöld:

Rauð spjöld:
Leik lokið!
Grindavík með verðskuldaðann sigur á Leikni í Fjarðabyggðarhöllinni.
90. mín MARK!
Magnús Björgvinsson (Grindavík)
Stoðsending: Will Daniels
4-1! Andres Trenas gerir stór mistök. Hann misreiknar flugið á boltanum og nær því ekki skallanum. Willam Daniels nær því til boltann og gefur hann fyrir á varamanninn Marinó Axel sem skýtur af stuttu færi og skorar.
85. mín
Leiknir fær aukaspyrnu rétt fyrir utan vítateig Grindavíkur eftir að Marínó Axel braut á Kifah. Kristófer Páll tekur og gefur fyrir. Þar verður mikið klafs íteignum sem enda með því að varnarmenn Grindavíkur bjarga nánast á línu.
79. mín MARK!
Almar Daði Jónsson (Leiknir F.)
Stoðsending: Kifah Moussa Mourad
3-1! Varamenn Leiknis sameinast til að minnka muninn. Jesus Suarez á frábæra stungu inn á Kifah sem kom inn á fyrir fjórum mínútum. Kifah hleypur með boltann að vítateig Grindavíkur og gefur boltann fyrir á Almar Daða sem leggur hann í fjærhornið framhjá Kristijan Jajalo í marki Grindavíkur.
76. mín
Inn:Óli Baldur Bjarnason (Grindavík) Út:Rodrigo Gomes Mateo (Grindavík)
75. mín
Inn:Kifah Moussa Mourad (Leiknir F.) Út:Valdimar Ingi Jónsson (Leiknir F.)
73. mín Gult spjald: Ásgeir Þór Ingólfsson (Grindavík)
Ásgeir Þór fær gult spjald fyrir brot á Ignacio Gaona
70. mín
Inn:Marinó Axel Helgason (Grindavík) Út:Andri Rúnar Bjarnason (Grindavík)
69. mín MARK!
Gunnar Þorsteinsson (Grindavík)
Stoðsending: Andri Rúnar Bjarnason
3-0! Sama upplegg og í síðustu þremur sóknum Grindavíkur. Andri Rúnar gefur boltann fyrir á Gunnar Þorsteinsson sem laumar boltanum á milli lappa tveggja varnarmanna Leiknis áður en boltinn skoppar yfir Adrian í markinu.
67. mín
Kristófer Páll tekur hornspyrnuna. Spyrnan er góð og er beint á Andres Trenas sem nær góðum skalla á markið. Kristijan ver hins vegar glæsilega frá honum.
66. mín
Almar Daði á glæsilega skiptingu yfir á Valdimar Inga sem er sloppinn í gegn. Hann skýtur úr þröngu færi en Kristijan ver boltann í horn.
64. mín
Andri Rúnar með flottan sprett í vítateig Leiknis sem endar með sendingu fyrir á Gunnar Þorsteinsson. Gunnar skýtur en Jesus Suarez kemst fyrir skotið og boltinn fer út í hornspyrnu.
62. mín
Inn:Magnús Björgvinsson (Grindavík) Út:Aron Freyr Róbertsson (Grindavík)
61. mín
Boltanum er stingt inn á Andra Rúnar hann fer framhjá Arkadiusz og er kominn inn á vítateig Leiknis. Þar kemur hins vegar Garðar Logi á sprettinum og vinnur boltann af honum.
58. mín
Inn:Garðar Logi Ólafsson (Leiknir F.) Út:Sólmundur Aron Björgólfsson (Leiknir F.)
58. mín
Inn:Almar Daði Jónsson (Leiknir F.) Út:Anto Pejic (Leiknir F.)
52. mín
Enn eitt marktækifæri fyrir Grindavík. Ótrúlegt að staðan sé ekki meira en 2-0. Jósef Kristinn Jósefsson labbar framhjá Antonio Arevalo í vítateig Leiknis og gefur hann fyrir á Gunnar Þorsteinsson. Gunnar er í frábæru færi og þarf bara rétt að ýta boltanum yfir línuna. Hann fær hins vegar boltan í sköflunginn og þaðan fer hann yfir markið.
51. mín
Grindavík aftur nálægt því að auka forystu sína. Gunnar Þorsteinsson stingur boltanum inn á Andra Rúnar sem skýtur í stöngina.
49. mín
Grindavík fær aukaspyrnu við endalínuna hjá vítateig Leiknis. Jósef Kristinn Jósefsson tekur spyrnuna og gefur boltann fyrir á Gunnar Þorsteinsson sem skýtur af stuttu færi. Skotið fer í innanverða slánna og niður áður en varnarmenn Leiknis bjarga á síðustu stundu.
48. mín
Leiknir í skyndisókn. Kristófer Páll er með boltann og þarf bara að stinga honum inn á Sólmund Aron sem er þá sloppinn einn í gegn. Stungan frá Kristóferi er hins vegar of léleg og of nálæg varnarmanni Grindavíkur sem kemst inn í boltann.
46. mín
Leikur hafinn
Seinni hálfleikur er hafinn.
45. mín
Hálfleikur
Grindavík leiðir 2-0 í hálfleik.
45. mín
Jesus Suarez reynir að stinga boltanum inn á Anto Pejic. Kristijan Jajalo er hins vegar fljótur út úr teignum og er fyrri til boltans. Frákastið berst til Valdimars Inga á hægri kantinum. Markið er enn opið því Kristijan er ekki kominn til baka. Valdimar skýtur því en skotið er ekki nógu fast og Kristijan kemst inn í það og grípur boltann.
36. mín
Antonio Arevalo á glæsilega stungu inn á Kristófer Pál. Móttakan hans er ekki nógu góð og hann þarf teygja sig í boltann þegar hann reynir að lyfta boltanum yfir Kristijan í marki Grindavíkur. Skotið er því ekki gott og fer beint í Kristijan Jajalo. Ásgeir Þór nær síðan til frákastsins og kemur boltanum í burtu.
35. mín
Leiknir fær hornspyrnu. Kristófer Páll tekur. Hann ætlar að gefa boltann út á Hilmar Frey sem er í góðri skotstöðu. Sendingin var hins vegar léleg og fór framhjá Hilmari sem þarf að hlaupa á eftir boltanum. Leiðir til þess að varnarmaður Grindavíkur kemst inn í boltann.
31. mín MARK!
Will Daniels (Grindavík)
2-0 fyrir Grindavík. Andri Rúnar Bjarnason er við það að sleppa í gegn þegar Arkadiusz Jan Grzelak heypur hann uppi og stígur hann út. Í staðinn fyrir að senda boltann út af tæklar Arkadiusz boltann fyrir markið. Boltinn lendir beint fyrir framan fætur Willam Daniels sem leggur boltann í fjærhornið framhjá Adrian.
27. mín
Leiknir var við það að sleppa í gegn. Hilmar Freyr gaf boltann á Kristófer Pál sem þarf aðeins að stinga honum aftur inn á Hilmar sem er þá kominn einn í gegn á móti markverði. Kristófer hefur nægan tíma en sendingin frá honum er skelfileg og laus og varnarmaður Grindavíkur kemst í boltann
24. mín MARK!
Gunnar Þorsteinsson (Grindavík)
Stoðsending: Alexander Veigar Þórarinsson
1-0! Grindavík er komið yfir. Alexander Veigar á frábæra fyrirgjöf yfir á Gunnar Þorsteinsson sem er einn og yfirgefinn í vítateig Leiknis og skallar hann framhjá Adrian í markinu.
19. mín
Leiknismenn hafa verið að pressa á Grindavík hátt upp á vellinum og gefa þeim ekki mikinn tíma á boltanum. Grindavíkur liðið hefur hins vegar verið mjög hættulegt úr skyndisóknum.
18. mín
Leiknir fær aðra aukaspyrnu á miðjum vallarhelming Grindavíkur. Hilmar Freyr tekur og skýtur en spyrnan fer beint í vegginn.
16. mín
Leiknir fær aukaspyrnu út á hægri kantinum á miðjum vallarhelming Grindavíkur. Hilmar Freyr tekur og miðar á Andres Trenas. Andres nær hins vegar ekki góðum skalla og boltinn fer út í innkast.
8. mín
Mikil hætta hér í vítateig Grindavíkur. Antonio Arevalo gefur boltann fyrir. Ásgeir Þór Ingólfsson nær ekki nógu góðum skalla og Kristófer Páll kemst inn í boltann. Hann potar boltanum í átt að markinu og kemst framhjá Kristijan Jajalo í marki Grindavíkur. Kristófer er við það að ná að pota boltanum í markið áður en Ásgeir Þór mætir og bjargar og bætir upp fyrir mistök sín.
1. mín
Leikur hafinn
Leikurinn er hafinn. Grindavík byrjar með boltann.
Fyrir leik
Björgvin Stefán, fyrirliði Leiknis, var rétt í þessu tilkynntur sem aðstoðarþjálfari Leiknis af yngri bróðir sínum Fannari Bjarka.
Fyrir leik
Leikmenn liðanna eru að labba út á völlinn. Þetta fer að hefjast.
Fyrir leik
Dómari leiksins er Gunnar Sverrir Gunnarsson. Aðstoðardómarar hans eru Birkir Sigurðarson og Sigurður Ingvi Gunnþórsson. Eftirlitsmaður er Guðmundur Arnar Guðmundsson.
Fyrir leik
Byrjunarliðin eru kominn inn.

Það eru þrjá breytingar á byrjunarliði Leiknis frá 2-2 jafnteflinu við Fjarðabyggð. Anto Pejic, nýji framherji Leiknis, fékk leikheimild í gær og er í byrjunarliði Leiknis í stað Almars Daða. Aðrar breytingar á byrjunarliði Leiknis eru þær að Ignacio Gaona og Valdimar Ingi Jónsson koma inn fyrir Tadas Jocys og Guðmund Arnar Hjálmarsson.

Það eru tvær breytingar á byrjunarliði Grindavíkur frá 2-2 jafnteflinu við Huginn. Rodrigo Gomes Mateo og Aron Freyr Róbertsson koma inn fyrir Matthías Örn Friðriksson og Juan Manuel Ortiz Jimenez.
Fyrir leik
Grindavík eru taplaust síðan í sjöttu umferð þegar þeir töpuðu 2-1 fyrir HK. Síðan þá hafa þeir unnið þrjá leiki og gert fjögur jafntefli. Þeir sitja í öðru sæti deildarinnar, fjórum stigum á eftir toppliði KA. Grindavík á þó einn leik til góða á þá.
Fyrir leik
Eftir jafntefli gegn Fjarðabyggð í síðustu umferð hefur Leiknir nú fengið þrjú stig úr síðustu þremur leikjum sínum. Þeir sitja sem fyrr í neðsta sæti deildarinnar með 9 stig eftir 13 leiki, fimm stigum frá öruggu sæti og þurfa því nauðsynlega á sigri að halda.
Fyrir leik
Þegar þessi mættust fyrr í sumar fór Grindavík með 5-0 sigur af hólmi. Leiknir hefur því harma að hefna eftir niðurlægingu í Grindavík.
Fyrir leik
Þessi tvö lið hafa átt mjög ólíkt tímabil. Grindavík er í harðri baráttu um að komast upp í Pepsi-deildina á meðan Leiknir er í mikilli hættu á að falla niður í 2. deildina.
Fyrir leik
Komiði sæl og verið velkomin í beina textalýsingu frá leik Leiknis F. og Grindavíkur í Fjarðabyggðarhöllinni á Reyðarfirði
Byrjunarlið:
12. Kristijan Jajalo (m)
Jósef Kristinn Jósefsson
3. Edu Cruz
4. Rodrigo Gomes Mateo ('76)
7. Will Daniels
8. Gunnar Þorsteinsson (f)
11. Ásgeir Þór Ingólfsson
24. Björn Berg Bryde
25. Aron Freyr Róbertsson ('62)
80. Alexander Veigar Þórarinsson
99. Andri Rúnar Bjarnason ('70)

Varamenn:
3. Marko Valdimar Stefánsson
5. Nemanja Latinovic
17. Magnús Björgvinsson ('62)

Liðsstjórn:
Marinó Axel Helgason
Maciej Majewski

Gul spjöld:
Ásgeir Þór Ingólfsson ('73)

Rauð spjöld: