Malen, Maguire, Rashford, Greenwood, Yoro, Eriksen og fleiri góðir í slúðri dagsins
ÍBV
2
1
Fylkir
Sigríður Lára Garðarsdóttir '4 , víti 1-0
1-1 Rut Kristjánsdóttir '77
Natasha Anasi '90 2-1
09.08.2016  -  18:00
Hásteinsvöllur
Pepsi-deild kvenna 2016
Dómari: Bríet Bragadóttir
Maður leiksins: Audrey Rose Baldwin
Byrjunarlið:
12. Bryndís Lára Hrafnkelsdóttir (m)
2. Sóley Guðmundsdóttir (f)
3. Júlíana Sveinsdóttir
5. Natasha Anasi
6. Sara Rós Einarsdóttir
7. Díana Dögg Magnúsdóttir ('60)
10. Veronica Napoli ('86)
11. Sigríður Lára Garðarsdóttir
11. Lisa-Marie Woods ('74)
20. Cloe Lacasse
22. Arianna Jeanette Romero

Varamenn:
30. Guðný Geirsdóttir (m)
6. Sesselja Líf Valgeirsdóttir
9. Rebekah Bass ('74)
16. Magnea Jóhannsdóttir
18. Margrét Íris Einarsdóttir ('86)
23. Abigail Cottam ('60)

Liðsstjórn:
Inga Jóhanna Bergsdóttir

Gul spjöld:
Lisa-Marie Woods ('17)
Abigail Cottam ('66)

Rauð spjöld:
Leik lokið!
ÍBV vinnur verðskuldaðan 2-1 sigur í dag! Eiga sigurinn svo sannarlega skilið en það tók þær allar 90 mínúturnar að klára leikinn.
90. mín MARK!
Natasha Anasi (ÍBV)
Stoðsending: Sóley Guðmundsdóttir
Það var mikið að við fengum mark! Loksins, loksins skorar ÍBV annað markið! Hornspyrna fyrir markið og smá klafs í teignum, boltinn dettur fyrir Natöshu Anasi sem potar boltanum yfir línuna!
90. mín
Þarna héldu allir að ÍBV væri að fara með sigur af hólmi eins og þær eiga skilið ne svo var ekki. Ekki er þó öll von úti og þær eiga hornspyrnu.
90. mín
Sóley sendir hann fyrir og þessi steinliggur í netinu! En aðstoðardómarinn flaggar á Cloe! Boltinn fór í gegnum pakkann og seinni fyrirgjöfin endar á kollinum á Cloe en hún er fyrir innan og hárréttur dómur.
90. mín
ÍBV fær aukaspyrnu utan af kanti. Gæti verið síðasti sénsinn.
90. mín
ÍBV er að drífa sig þessa stundina, þær þurfa að skora og það strax.
89. mín
Aukaspyrna frá Fylki hafnar í fanginu á Bryndísi Láru.
88. mín
Hvað er að gerast?! Rebekah Bass reynir í þetta sinn og lætur verja frá sér. Var alein á vítatpunktinum nánast og skýtur beint á markmanninn.
87. mín
Cloe hleypur upp vinstri kantinn, stingur bakvörðinn af og þarf einungis að klára framhjá markmanninum en eins og hefur sýnt sig í dag er það hægara sagt en gert og skotið er varið.
87. mín
Fylkisstúlkur eru einum manni færri síðustu mínúturnar þar sem liðið er búið með sínar skiptingar og Rut hefur lokið leik.
86. mín
Inn:Margrét Íris Einarsdóttir (ÍBV) Út:Veronica Napoli (ÍBV)
85. mín
Rut Kristjánsdóttir liggur eftir. Lenti í svakalegu samstuði og það lítur út fyrir að hún hafi misst tönn eða jafnvel tennur. Hún yfirgefur hér völlinn.
82. mín
Cloe er dauðafrí vinstra megin og fær boltann en varnarmaður Fylkis bjargar frábærlega. Aðstoðardómarinn flaggar síðan þannig að markið hefði ekki talið.
81. mín
Skallað frá og Bryndís nær seinni fyrirgjöfinni.
80. mín
Fylkir fær hér hornspyrnu.
79. mín
Það er að koma í bakið á ÍBV að hafa ekki nýtt þennan aragrúa af færum sem þær hafa fengið. Ein skyndisókn og fáliðuð vörnin nær ekki að standast áhlaupið. Allt jafnt á ný og 10 mínútur eftir.
77. mín MARK!
Rut Kristjánsdóttir (Fylkir)
Stoðsending: Kristín Erna Sigurlásdóttir
Færið virtist vera að renna út í sandinn en Kristín Erna nær að halda boltanum inn á, setur boltann strax fyrir markið og Rut nær að koma þessum yfir línuna! Markið algjörlega gegn gangi leiksins!
77. mín
Fyrirliðinn tekur spyrnuna og þetta er góður skalli frá Sigríði Láru! En það er ekki að spyrja að því að sjálfsögðu er skallinn varinn.
76. mín
Getur ÍBV gert eitthvað með þessa hornspyrnu..?
75. mín
Inn:Thelma Lóa Hermannsdóttir (Fylkir) Út:Selja Ósk Snorradóttir (Fylkir)
Síðasta skipting Fylkis.
74. mín
Inn:Rebekah Bass (ÍBV) Út:Lisa-Marie Woods (ÍBV)
Jeffs vonast til að ferskir fætur muni gera gæfumuninn. Með ólíkindum hversu mörg færi hafa farið forgörðum hjá heimamönnum.
73. mín
Í þetta sinn rennir Cloe boltanum fyrir Veronicu sem rennnir sér í boltann en Audrey hættir bara ekkert að verja!
72. mín
ÍBV fer í skyndisókn og Lisa-Marie fær boltann á hægri kantinum en Selja Ósk verst vel og vinnur boltann af henni.
72. mín
Bryndís Lára þarf að hafa sig alla við til að slá skot Söndru Sif yfir markið og henni rétt tekst það. Léleg hornspyrna í kjölfarið.
71. mín
Sigríður Lára hikar ekki við að brjóta af sér til að stöðva sókn Fylkis. Hvernig þetta var ekki gult mun ég aldrei vita.
69. mín Gult spjald: Selja Ósk Snorradóttir (Fylkir)
Þetta var vond tækling. Annar dómari hefði hugsanlega veifað rauðu en hún sleppur í þetta sinn.
68. mín
Lisa-Marie Woods er algjörlega ein í svæði inni í vítateig, fær boltann og skýtur! En Audrey ver enn og aftur!
66. mín Gult spjald: Abigail Cottam (ÍBV)
Ekki lengi að setja mark sitt á leikinn. Selja Ósk fann fyrir þessari tæklingu en held að spjaldið hafi verið óþarfi.
64. mín
Inn:Eva Núra Abrahamsdóttir (Fylkir) Út:Elma Lára Auðunsdóttir (Fylkir)
62. mín
Frábær sending frá Ariönnu upp völlinn, einmitt í svæðið milli varnarmanns og markmanns og þar kemur Cloe á harðaspretti en Audrey er fljót út og ver frábærlega með fætinum! Hornspyrnan fer svo beint út af.
60. mín
Inn:Abigail Cottam (ÍBV) Út:Díana Dögg Magnúsdóttir (ÍBV)
Abigail kemur inn á í sínum fyrsta leik. Díana ekki sést mikið í þessum leik.
56. mín
Inn:Rut Kristjánsdóttir (Fylkir) Út:Tinna Bjarndís Bergþórsdóttir (Fylkir)
55. mín
Cloe á góðan sprett upp völlinn, leggur síðan boltann út á Lisu-Marie Woods sem kemur með gott skot en það fer rétt framhjá.
52. mín
Sara Rós Einarsdóttir skallar hornspyrnu í átt að marki og Audrey lendir í smá vandræðum með fastan skallann en nær á endanum að grípa boltann.
51. mín
Hulda Sigurðardóttir með laflaust skot fyrir utan teig se, Bryndís Lára ver auðveldlega.
50. mín
Cloe Lacasse þeytist þá upp hinn endann, snýr á tvo varnarmenn, platar markmanninn með sendingu en hún rataði ekki á réttan leikmann.
49. mín
Kristín Erna komst ein í gegn en Bryndís Lára ver frá henni.
46. mín
Seinni hálfleikur er farinn af stað.
45. mín
Hálfleikur
Tíðindalítill hálfleikur. Vítið á fjórðu mínútu er það sem skilur liðin að.
45. mín
Tekinn stutt. Hulda Hrund sýnir stórgóða takta en gleymir síðan boltanum og ÍBV hreinsar.
44. mín
Ekki góð spyrna hjá Söndru Sif. Vinna samt hornspyrnu.
43. mín
Kristín Erna vinnur aukaspyrnu á góðum stað. Ca. 25 metrar.
35. mín
Ekki mikið að gerast þessa stundina, Fylkir er ekki að ógna neitt verulega á meðan ÍBV reynir mikið langa bolta inn fyrir vörnina en ná ekki að búa sér til mörg færi.
33. mín
Cloe komst í góða stöðu, ein á móti varnarmanni Fylkis en skot hennar beint í varnarmanninn.
27. mín
Cloe náði að prjóna sig í gegnum þrjá varnarmenn Fylkis og lætur vaða en skot hennar er framhjá af nokkrum metrum! Þessi hefði átt að steinliggja, illa gert hjá Cloe.
25. mín
Gott færi hjá ÍBV en Lisa-Marie Woods með hræðilegt skot sem fer yfir markið.
19. mín
Veronica reynir sendingu inn fyrir á Cloe en Audrey kemst á undan henni í boltann en aðeins rétt svo! Þarna mátti engu muna að staðan væri 2-0.
17. mín Gult spjald: Lisa-Marie Woods (ÍBV)
Elma lætur finna vel fyrir sér og Lisa-Marie Woods er ekki sátt og svarar með olnboga og léttu sparki! Bríet stöðvar leikinn og spjaldar báðar.
17. mín Gult spjald: Elma Lára Auðunsdóttir (Fylkir)
11. mín
ÍBV fær hornspyrna sem Sóley tekur. Audrey slær boltann út til Sigríðar Láru sem reynir skot en hún er ekki í nógu góðu jafnvægi og skot hennar hittir ekki markið.
8. mín
Aftur kemst ÍBV í gegn af vinstri kantinum en í þetta sinn les Audrey Rose hvert Cloe ætlaði að setja hann og ver mjög vel.
7. mín
Hætta við mark gestanna. Veronica kemst í gegn og reynir sendingu fyrir en Fylkis-vörnin bjargar. Þarna vantaði bara einhvern til að reka tánna í boltann og koma honum yfir línuna.
4. mín Mark úr víti!
Sigríður Lára Garðarsdóttir (ÍBV)
Stoðsending: Sóley Guðmundsdóttir
Markmaðurinn farinn í vinstra hornið á meðan Sigríður Lára þrumar boltanum á mitt markið.
4. mín Gult spjald: Sandra Sif Magnúsdóttir (Fylkir)
Vítaspyrna dæmd á Fylki eftir einungis 4 mínútur! Sóley klobbar Söndru Sif sem rífur hana niður innan teigs í kjölfarið.
3. mín
Lisa-Marie Woods á fyrsta skot leiksins, viðstöðulaust en hittir boltann illa og hann fer hátt yfir markið.
1. mín
Leikur hafinn
ÍBV byrjar með boltann og sækir í átt að Herjólfsdal.
Fyrir leik
Veronica Napoli og Abigail Cottam eru í hóp hjá ÍBV í fyrsta skipti eftir að hafa gengið til liðs við félagið nýlega og þá er sú fyrnefnda sett beint í byrjunarliðið.
Fyrir leik
Kristín Erna Sigurlásdóttir er í byrjunarliðinu hjá Fylki en hún spilaði með ÍBV í fjölda ára.
Fyrir leik
Heimaliðið kemur inn í leikinn með sjálfstraustið í botni eftir 5-3 sigur gegn Selfyssingum í ótrúlegum leik í síðustu umferð, þar sem Cloe Lacasse fór á kostum og var valinn leikmaður umferðarinnar fyrir vikið. Þá er ÍBV einnig komið í úrslit bikarsins - í bæði karla og kvennaflokki - og er þetta síðasti leikurinn fyrir hann. Fylkir tapaði hinsvegar síðasta leik gegn ógnarsterku Vals-liði.
Fyrir leik
Gengi ÍBV í sumar hefur verið misjafnt en 5 sigrar og jafnmörg töp er árangurinn hingað til. Fylkir hefur einungis unnið tvo leiki en fjórum sinnum gert jafntefli og tapað.
Fyrir leik
Fyrri leikur þessara liða fór fram á Floridana-vellinum þar sem Eyjastúlkur sigruðu nokkuð örugglega en lokatölur voru 3-1.
Fyrir leik
ÍBV er í fimmta sæti deildarinnar með 15 stig. Fylkir er einu sæti neðar en einungis með 10 stig. Ef ÍBV sigrar í dag með tveggja marka mun eða meira, tekur liðið fram úr Þór/KA sem missteig sig gegn botnliðinu. Fylkir mun hinsvegar leitast eftir stigunum þrjú til að forðast fallsvæðið enn frekar.
Fyrir leik
Góðan dag, lesendur góðir. Hér mun fara fram leikur ÍBV og Fylkis í 11. umferð Pepsí-deild kvenna.
Byrjunarlið:
25. Audrey Rose Baldwin (m)
Tinna Bjarndís Bergþórsdóttir ('56)
2. Selja Ósk Snorradóttir ('75)
4. Elma Lára Auðunsdóttir ('64)
6. Hulda Sigurðardóttir
8. Hulda Hrund Arnarsdóttir
10. Ruth Þórðar Þórðardóttir
15. Lovísa Sólveig Erlingsdóttir
15. María Rós Arngrímsdóttir
19. Kristín Erna Sigurlásdóttir
27. Sandra Sif Magnúsdóttir

Varamenn:
5. Freyja Viðarsdóttir
7. Rut Kristjánsdóttir ('56)
7. Thelma Lóa Hermannsdóttir ('75)
24. Eva Núra Abrahamsdóttir ('64)
27. Íris Dögg Frostadóttir

Liðsstjórn:

Gul spjöld:
Sandra Sif Magnúsdóttir ('4)
Elma Lára Auðunsdóttir ('17)
Selja Ósk Snorradóttir ('69)

Rauð spjöld: