Malen, Maguire, Rashford, Greenwood, Yoro, Eriksen og fleiri góðir í slúðri dagsins
Breiðablik
3
1
ÍBV
Olivia Chance '2 1-0
Berglind Björg Þorvaldsdóttir '24 2-0
2-1 Natasha Anasi '49
Fanndís Friðriksdóttir '60 3-1
12.08.2016  -  19:15
Laugardalsvöllur
Bikarúrslitaleikur kvenna
Dómari: Erlendur Eiríksson
Áhorfendur: 2052
Byrjunarlið:
Fjolla Shala
Sonný Lára Þráinsdóttir
2. Svava Rós Guðmundsdóttir ('90)
3. Arna Dís Arnþórsdóttir
8. Málfríður Erna Sigurðardóttir
10. Berglind Björg Þorvaldsdóttir
14. Hallbera Guðný Gísladóttir
20. Olivia Chance ('88)
22. Rakel Hönnudóttir
23. Fanndís Friðriksdóttir
25. Ingibjörg Sigurðardóttir

Varamenn:
12. Telma Ívarsdóttir (m)
18. Kristín Dís Árnadóttir
19. Esther Rós Arnarsdóttir ('90)
21. Sólveig Jóhannesdóttir Larsen
21. Hildur Antonsdóttir ('88)
27. Selma Sól Magnúsdóttir

Liðsstjórn:
Ragna Björg Einarsdóttir

Gul spjöld:

Rauð spjöld:
Leik lokið!
Breiðablik er bikarmeistari árið 2016

Til hamingju Blikar!
90. mín
Inn:Esther Rós Arnarsdóttir (Breiðablik) Út:Svava Rós Guðmundsdóttir (Breiðablik)
Svava búin að eiga ágætis leik.
90. mín
Inn:Margrét Íris Einarsdóttir (ÍBV) Út:Júlíana Sveinsdóttir (ÍBV)
90. mín
Hallbera bjargar á línu! Eftir hornspyrnu ÍBV og mikinn atgang í teig Breiðabliks bjargar Hallbera á línu.
88. mín
Inn:Hildur Antonsdóttir (Breiðablik) Út:Olivia Chance (Breiðablik)
Einn allri besti leikmaðurinn á vellinum í dag hún Olivia Chance.
85. mín
Fanndís með enn einn sprett, þessi endar með að hún á skot úr þröngu færi sem Bryndís nær að verja.
84. mín
Rebekah Bass er búin að vera með betri leikmönnum ÍBV, hún reynir nú skot utan teigs sem fór í varnarmann og rétt framhjá markinu.
81. mín
Inn:Díana Dögg Magnúsdóttir (ÍBV) Út:Veronica Napoli (ÍBV)
Veronica Napoli hefur ekki sést mikið í þessum leik.
79. mín
Tvö færi í sömu sókninni hjá Breiðablik, fyrst á Fanndís skot sem Bryndís ver vel, boltinn berst svo á Berglindi sem á skot hárfínt framhjá.
76. mín
Það eru 2052 áhorfendur á Laugardalsvellinum í dag. Þeir hafa látið vel í sér heyra.
73. mín
Rebekah Bass fær boltann utan teigs, fer illa með tvo varnarmenn en skotið hennar fer beint á Sonný.
71. mín
Leikurinn hefur róast svolítið eftir þriðja mark Breiðabliks. Ekki alveg sami kraftur í Eyjastúlkum núna.
67. mín
Inn:Abigail Cottam (ÍBV) Út:Sara Rós Einarsdóttir (ÍBV)
Fyrsta skipting leiksins. ÍBV ætlar ekki að gefast upp!
60. mín MARK!
Fanndís Friðriksdóttir (Breiðablik)
Stoðsending: Olivia Chance
MAAAAAAAAAAAAAARK!!

Olivia Chance leggur boltann á Fanndísi sem er í færi, innan teigs og á ekki í vandræðum með að leggja boltann í bláhornið. Fyrsta sem Breiðablik gerir í þessum hálfleik.
58. mín
Eyjastúlkur eru töluvert betri aðilinn þessa stundina og hafa verið allan seinni hálfleikinn. Ég hefði viljað heyra ræðuna hjá Jeffs í hálfleik.
53. mín
Stuðningsmenn ÍBV hafa heldur betur tekið við sér eftir markið og eru þeir töluvert háværari aðilinn í stúkunni, þessa stundina.
49. mín MARK!
Natasha Anasi (ÍBV)
MAAAAAAAAAARK!!!

ÍBV byrjar seinni hálfleikinn mikið, mikið betur og eru nú búnar að skora. Það kemur mjög langur bolti fram völlinn sem einhvernvegin endar á Anasi sem klárar vel af stuttu færi. Mjög áhugavert þetta!
46. mín
Seinni hálfleikurinn er kominn af stað

Stórsókn hjá ÍBV um leið! Rebekah Bass er komin ein gegn Sonný en markmaðurinn ver skotið hennar, hún fær svo annað tækifæri en þá er skotið hennar í varnarmann.
45. mín
Hálfleikur
Breiðablik er 2-0 yfir í hálfleik.

Chance skoraði fyrsta mark leiksins og eftir það var leikurinn frekar rólegur og eftir annað markið, róaðist hann ennþá meira niður.
39. mín
Svava Rós fékk eitthvað högg og liggur hún eftir. Hún fór upp í skallabolta við leikmann ÍBV og skullu þær saman.

Svava stendur hins vegar upp og heldur leik áfram.
38. mín
Veronica Napoli komst í besta færi ÍBV, var með boltann innan teigs og reyndi skot en Arna Dís gerði virkilega vel í að tækla fyrir skotið. Arna bjargaði líklega marki þarna.
36. mín
Næstum 3-0!!

Fanndís fer upp vænginn sinn og á fyrirgjöf beint í fangið á Bryndísi en hún missir boltann klaufalega beint fyrir fætur Berglindar en Berglind skýtur framhjá. Frábært færi og aftur er Bryndís tæp í markinu.
34. mín
Natasha Anasi skorar af stuttu færi en hún er flögguð rangstæð. Hárréttur dómur.
31. mín
Berglind komst í mjög fínt færi, innan teigs en færið er örlítið þröngt og gerir Bryndís vel í að loka markinu og verja í horn.
25. mín
Fanndís, enn og aftur fer upp vænginn og leggur hún nú boltanum út á Berglindi sem á skot rétt framhjá úr fínu færi.
24. mín MARK!
Berglind Björg Þorvaldsdóttir (Breiðablik)
Stoðsending: Fanndís Friðriksdóttir
MAAAAAAAAARK!!

Blikar eru komnir í 2-0. Þetta var ansi einfalt. Fanndís átti hornspyrnu sem Berglind stangaði inn af stuttu færi. Hvar var dekkningin?
23. mín
Aftur gerir Fanndís vel að fara upp vænginn, nú á hún fyrirgjöf sem Natasha Anasi kemur í horn.
21. mín
Sóley Guðmunds á fyrstu tilraun ÍBV. Skot af löngu færi sem fór beint í fangið á Sonný.
20. mín
Rakel Hönnudóttir skallar hornspyrnu Fanndísar yfir. Ekki mikil hætta á ferðum þarna.
16. mín
Svava Rós fer upp hægri vænginn og á mjög hættulega fyrirgjöf sem Arianna kemur í horn.
11. mín
Fanndís kemst upp vinstri vænginn og kemur sér í þröngt færi en Bryndís gerir vel og ver frá henni.
9. mín
Leikurinn hefur róast svolítið eftir þetta mark. Blikarnir eru meira með boltann en hafa ekki skapað sér færi eftir að hafa komist yfir.
4. mín
Blikaliðið hafði byrjað betur í leiknum en það var algjör óþarfi hjá ÍBV að fá þetta mark á sig.
2. mín MARK!
Olivia Chance (Breiðablik)
Stoðsending: Berglind Björg Þorvaldsdóttir
MAAAAAAAAAAAAAAAAAAAAARK!!!!

Blikarnir byrja með látum. Berglind Björg leggur boltann á Olivia Chance sem á skot af löngu færi sem fer beint á Bryndísi í markinu en hún missir boltann ótrúlega klaufalega í gegnum klofið á sér. Þarna verður markmaðurinn að gera betur. Draumabyrjun hjá Blikum og á sama tíma martraðabyrjun hjá ÍBV.
1. mín
Leikur hafinn
Breiðablik byrjar með boltann og sækir í áttina að sundlauginni.
Fyrir leik
Næst er það þjóðsöngurinn og svo er það bara leikurinn. Rísum öll upp og syngjum með.
Fyrir leik
Liðin eru mætt á völlinn. Nú er svo sannarlega farið að styttast í þetta.

Fyrir leik
Það heyrist mjög vel í Eyjamönnum í stúkunni. Grunar að margir þeirra ætli að taka sér góða bikarhelgi í bænum og mæta á báða leikina.
Fyrir leik
20 mínútur í þennan bikarúrslitaleik og ég er ekki frá því að maður er orðinn virkilega spenntur fyrir þessu. Liðin eru að hita upp og maður er farinn að heyra í trommum upp í stúku.
Fyrir leik
Breiðablik sló út Keflavík, HK/Víking og Stjörnuna á leið sinni í þennan leik.

ÍBV sló á sama tíma út KR, Selfoss og Þór/KA á leið sinni hingað.
Fyrir leik
Rakel Hönnudóttir, fyrirliði Breiðabliks sagði svo þetta.

"Það er alltaf gamana að spila á Laugardalsvelli og ég er mjög spennt fyrir þessum leik. Þetta eru tvö sterk lið og verður örugglega jafn og skemmtilegur leikur,"
Fyrir leik
Sóley Guðmundsdóttir, fyrirliði ÍBV hafði þetta að segja fyrir leikinn."

"Það er mikil spenna enda langt síðan við vorum í bikarúrslitum síðast. Það eru allir mjög spenntir fyrir þessu,"
Fyrir leik
Byrjunarlið liðanna eru komin í hús og það er ekki mikið sem kemur á óvart. Samtals er ein breyting á liðunum frá síðustu deildarleikjum en Rebekah Bass kemur inn í lið ÍBV.
Fyrir leik
Heilir og sælir lesendur góðir. Það er stór dagur í dag því í dag mætast Breiðablik og ÍBV í úrslitaleik Borgunarbikars kvenna.
Byrjunarlið:
12. Bryndís Lára Hrafnkelsdóttir (m)
2. Sóley Guðmundsdóttir (f)
3. Júlíana Sveinsdóttir ('90)
5. Natasha Anasi
6. Sara Rós Einarsdóttir ('67)
9. Rebekah Bass
10. Veronica Napoli ('81)
11. Sigríður Lára Garðarsdóttir
11. Lisa-Marie Woods
20. Cloe Lacasse
22. Arianna Jeanette Romero

Varamenn:
30. Guðný Geirsdóttir (m)
6. Sesselja Líf Valgeirsdóttir
7. Díana Dögg Magnúsdóttir ('81)
15. Ásta María Harðardóttir
16. Magnea Jóhannsdóttir
18. Margrét Íris Einarsdóttir ('90)
23. Abigail Cottam ('67)

Liðsstjórn:

Gul spjöld:

Rauð spjöld: