Malen, Maguire, Rashford, Greenwood, Yoro, Eriksen og fleiri góðir í slúðri dagsins
Víkingur Ó.
0
2
FH
0-1 Atli Viðar Björnsson '42
0-2 Emil Pálsson '62
28.08.2016  -  18:00
Ólafsvíkurvöllur
Pepsi-deild karla 2016
Aðstæður: Léttskýjað og smá gola. Hitinn er um 6 gráður á Celsíus
Dómari: Pétur Guðmundsson
Áhorfendur: 587
Byrjunarlið:
30. Cristian Martínez (m)
Alfreð Már Hjaltalín
2. Alexis Egea
4. Egill Jónsson
8. William Dominguez da Silva ('92)
11. Martin Svensson ('75)
12. Kramar Denis
15. Pontus Nordenberg
17. Hrvoje Tokic
24. Kenan Turudija ('80)
25. Þorsteinn Már Ragnarsson

Varamenn:
1. Einar Hjörleifsson (m)
4. Kristófer James Eggertsson
5. Björn Pálsson ('75)
6. Óttar Ásbjörnsson ('92)
11. Abdel-Farid Zato-Arouna ('80)
18. Leó Örn Þrastarson
22. Vignir Snær Stefánsson

Liðsstjórn:
Ejub Purisevic (Þ)
Gunnsteinn Sigurðsson
Antonio Maria Ferrao Grave
Jónas Gestur Jónasson
Suad Begic
Dzevad Saric

Gul spjöld:

Rauð spjöld:
Leik lokið!
Öruggur sigur FH-inga.

Komnir með 5 fingur á titilinn
92. mín
Inn:Óttar Ásbjörnsson (Víkingur Ó.) Út:William Dominguez da Silva (Víkingur Ó.)
92. mín
Inn:Jeremy Serwy (FH) Út:Þórarinn Ingi Valdimarsson (FH)
90. mín
Stórfurðuleg markvarsla hjá Gunnari.

Tokic með skot frá 30 metra færi beint á Gunnar en það var mjög fast. Gunnar ákvað kýla boltann með annari hendinni. Beint upp í loftið
87. mín
Bergsveinn með geðveikt góða tæklingu!

Tokic var búinn að bera boltann töluvert upp og var að skera inn á vítateigslínunni. Bergsveinn var búinn að elta hann allan tíman og tók sénsinn. Uppskar frábæra tæklingu
85. mín
Skot á markið frá Birni Pálssyni. laust.. Gunnar í lítilli hættu
83. mín
Víkingar virka rosalega þreyttir núna. Þorsteinn skokkar mikið frammi núna og töluvert hægur niður
80. mín
Inn:Abdel-Farid Zato-Arouna (Víkingur Ó.) Út:Kenan Turudija (Víkingur Ó.)
Farid kominn inn í annað skipti í sumar. Gegn sínu gamla liði
80. mín
Inn:Kaj Leo í Bartalsstovu (FH) Út:Atli Guðnason (FH)
Færeyingur númer 2 inn.
77. mín
Kristján Flóki með hressilegt brot á Aleix. Var með boltann við mjöðmina og Flóki kom æðandi í hann með sólann undan. Slapp með spjald
75. mín
Sannkallað Dauðafæri hjá Víkingum þarna. Martin með stórskemmtilega hælsendingu innfyrir á Tokic sem hafði þann möguleika að senda Þorstein í gegn ef hann hefði sent í fyrsta á hann. Kaus að fara sjálfur á Bergsvein. Náði skotinu en ekki nógu gott. Auðvelt að verja fyrir Gunnar
75. mín
Inn:Björn Pálsson (Víkingur Ó.) Út:Martin Svensson (Víkingur Ó.)
Kenan færir sig framar
72. mín
Inn:Bjarni Þór Viðarsson (FH) Út:Atli Viðar Björnsson (FH)
Atli Viðar lítið sést fyrir utan þetta mark
69. mín
Þorsteinn virkilega óheppinn þarna!

Barðist eins og skepna eins og svo oft áður og náði boltanum af Bergsveini og þeir Tokic voru komnir tveir á Doumbia við miðlínuna. Alltof fljótur á sér í sendinguna. Beint í Doumbia. Klaufalegt
66. mín
Vorum að fá þær fréttir að þetta mark var víst mjög tæpt. Erfitt fyrir kameruna að sjá það hins vegar með þetta eina sjónarhorn við miðjan völlinn
65. mín
Böddi Löpp liggur eftir og kvartar mikið í Pétri. Pétur nennir ekki að hlusta á hann enda lítið að honum. Vísaði honum að fara útaf. Hann var kominn inná 10 sekúndum síðar.
62. mín MARK!
Emil Pálsson (FH)
Stoðsending: Jonathan Hendrickx
AFTUR HORN. AFTUR FJÆRSTÖNGIN

Hendrickx með hornið enn og aftur. FH var með 6. Já 6 menn inní markteignum. Mikill darraðadans við fjærstöngina en Cristian greip boltann og kom hlaupandi með hann frá markinu. Það var línuvörðurinn sem dæmdi þetta mark gott og gilt
60. mín
Þar hafiði það!!

Ef leikar enda eins og þeir eru þá stefnir í rooooosalega fallbaráttu

Elvar Geir Magnússon
58. mín Gult spjald: Emil Pálsson (FH)
Braut á Svensson. Harður dómur að mínu mati
56. mín
Skemmtileg tilraun hjá Tokic

Hár bolti fram enn og aftur og Bergsveinn náði ekki nægilega góðri snertingu. Tokic reyndi viðstöðulaust skot en rétt yfir slánna
54. mín
Víkingar reyna hvað þeir geta að sækja hér síðustu mínúturnar. Löng sending fram á við á Þorstein en móttakan var ekki nægilega góð. Doumbia ákvað hins vegar að setja boltann beint í horn í stað þess að finna Gunnar. Furðulegt það
49. mín
Davíð Þór liggur eftir samstuð við Aleix. Aleix pressaði boltann hátt upp og fór hressilega í Davíð en hafði viðkomu í boltann fyrir
48. mín
Mjög sammála einum stuðningsmanni Víkinga. Þeir eru að fara alltof illa með þessu fáu tækifæri sem þeir fá fram á við
46. mín
Rétt í þessu voru Eyjamenn að gera jafntefli við Þrótt á heimavelli sem þýðir að þeir eru nú með 18 stig, einu stigi á eftir Víking Ó.
Ef Fylkir vinnur Fjölni (staðan núna er 0-0) þá fara þeir í 16 stig og hleypa gríðarlegri spennu í fallbaráttuna
45. mín
Leikur hafinn
Þá er síðari hálfleikur farinn af stað. Spurning hvernig Víkingar bregðast við að fá mark á sig undir lok fyrri hálfleiks
45. mín
Hálfleikur
Vont mark að fá á sig á vondum tíma. Víkingar höfðu varist vel fram að þessu
42. mín MARK!
Atli Viðar Björnsson (FH)
Stoðsending: Jonathan Hendrickx
ATLI VIÐAR Á FJÆRSTÖNG... GETUR ÞAÐ VERIÐ?

Hornspyrna sem Hendrickx tók vinstra megin. FH-ingar vita að Cristian er ekki sá besti að eigast við fyrirgjafir og pakka öllum sínum mönnum sem fóru í boxið inn í markteiginn og þar var Atli Viðar að bíða við fjærstönginni eins og vanalega. Enginn að dekka hann og eftirleikurinn auðveldur eftir að boltinn hafði svifið yfir alla í boxinu
37. mín
Aleix Egea er búinn að vera mjög fínn hingað til í leiknum. Oft er hann svona varnarmaður sem maður veit aldrei hvort verði algjört vesen eða mjög solid. Stöðvaði rétt í þessu skyndisókn gestanna. Las vel á spilið og kom sér fyrir Atla Viðar
34. mín
Vel spilað hjá Þórarni Inga og Atla Guðna. Þórarinn ætlaði að draga boltann út í teiginn á Atla en Flóki kom út úr teignum og tók boltann frá Atla. Furðuleg ákvörðun en hann ákvað að reyna skjóta frá vítateigshorninu í staðinn. Skotið var svo bara mjög gott en rétt yfir slánna
33. mín
Bergsveinn er búinn að ýta nokkrum sinnum í bakið á Tokic þegar hann er að fá boltann í lappir. Pétur hefur ekki dæmt einusinni á það þó augljóst sé.
30. mín
DAUÐAFÆRI!!

Þórarinn Ingi með flotta fyrirgjöf og varnarmenn Víkinga steingleymdu sér. Ekki í fyrsta skipti í sumar. Atli Guðna var aleinn á fjær við horn markteigsins. Gat tekið boltann á kassan og svo skotið en skotið beint á Cristian sem varði auðveldlega. Aleix kom boltanum svo frá.
Þarna átti Atli að gera betur
28. mín
Kassim Doumbia liggur eftir skalla einvígi við Tokic. Tokic beygði sig undir hann og Kassim lendi ekki vel. Stuðningsmenn heimamanna vilja meina að þetta hafi bara verið Kassim sjálfum að kenna. Get ekki verið sammála því
25. mín
Langt innkast í vændum frá Hendrickx. Doumbia mættur í teiginn.

Ekki nægilega langt og Kramar skallar frá auðveldlega
21. mín
Pétur Guðmunds með mjög stóra ákvörðun!!

Aukaspyrna frá Tokic beint í andlitið á Böðvari sem lág eftir. Boltinn var hins vegar að detta fyrir Þorstein Má sem var með gott pláss í markteignum. Hárrétt að stöðva leikinn því um höfuðáverka var að ræða en Ejub og nokkrir leikmenn Víkings ekki sáttir
17. mín
Flott tilþrif hjá Atla Guðna!

Virtist erfiður bolti en náði að taka boltann niður og frá Kenan í sömu snertingu. Átti góða stungusendingu á Flóka sem reyndi að draga boltann fyrir markið en Cristian sá við honum
15. mín
Fyrsta skot heimamanna á markið komið í leiknum. Besti leikmaður síðustu umferðar, Kassim Doumbia misreiknaði skoppið og Tokic náði að taka boltann niður. Reyndi curler í fjær en Færeyjingurinn í markinu sá boltann allan tíman. Engin hætta
11. mín
Gestirnir eru búnir að eiga nokkuð marga háa bolta að vítateig Víkinga miðað við hvað er lítið búið af þessum leik. Kristján Flóki á því að vera einhverskonar target man í dag og reyna að flikka boltanum á Atla Viðar.

Rétt í því sem ég var að skrifa þetta kom langur bolti á Flóka sem skallaði aftaná hnakkann á Aleix. Báðir menn lágu eftir en eru báðir í lagi sem betur fer
9. mín
Þorsteinn Már er mættur hægra megin í dag. Líklegast vegna þess að Alfreð Már þurfti að detta niður í bakvörðinn fyrir Dokara. Þorsteinn er mjög mikill vinnuhestur og getur aðstoðað Alfreð ef þess þarf
7. mín
FH-ingar spila boltanum mikið á milli sín hér á fyrstu mínútunum. Eiga alla seinni bolta hingað til.

William Dominguez virkar ekki alveg tilbúinn. Búinn að tapa boltanum þrisvar
4. mín
Gestirnir taka upp gamla skólann með 4-4-2
Gunnar
Hendrickx-Bergsveinn-Doumbia-Böddi Löpp
Atli Guðna-Davíð-Emil-Þórarinn Ingi
Atli Viðar-Flóki
2. mín
Gestirnir fá fyrstu hornspyrnu leiksins snemma og er það Hendrickx sem tekur það.

Boltinn berst á Doumbia sem tekur skot en það er framhjá
2. mín
Svona stilla heimamenn sér upp í dag
Cristian
Alfreð-Aleix-Kramar-Pontus
Egill-Kenan
Þorsteinn-Martin-William
Tokic

1. mín
Leikur hafinn
Víkingar byrja með knöttinn og sækja þeir í átt að Sundlaug Ólafsvíkur í fyrri hálfleik.
Fyrir leik
FH-ingar fara langleiðina að tryggja sér titilinn með sigri í dag en þeir ná 7 stiga forskoti á Blika ef þeim tekst það í dag.

Víkingar hins vegar komast 9 stigum frá fallsæti ef þeir sigra í dag.
Fyrir leik
FH Stormtrooperinn er mættur á staðinn!

Einnig fylgja honum þónokkrir stuðningsmenn úr Firðinum. Vonumst eftir góðri stemningu hér í skýlinu
Fyrir leik
Eins og svo oft áður þá gröfum við upp niðurstöður frá þessu eina skipti sem Víkingar hafa verið í efstu deild áður, árið 2013. Þá steinlágu Víkingar í Ólafsvík 4-0 fyrir FH-ingum en náðu jafntefli í Kaplakrika 2-2.

Í sumar gerðu liðin 1-1 jafntefli í Kaplakrika og ég sem Ólsari vona að það sama verði ekki uppá teningnum þetta árið
Fyrir leik
FH-ingar hafa hins vegar aðeins tapað tveimur leikjum í sumar og bæði skiptin hafa komið gegn KR.

Atli Viðar, markahæsti maður Hafnfirðingana er í byrjunarliðinu en hann hefur skorað 6 mörk í 11 leikjum í sumar.
Fyrir leik
Víkingar hafa ekki sigrað knattspyrnuleik í 2 mánuði heila frá því að liðið sigraði Þrótt Reykjavík þann 28. júní hér á Ólafsvíkurvelli í 9. umferð. Liðið hefur því aðeins fengið 2 stig af 21 mögulegu í síðustu 7 leikjum
Fyrir leik
Góðan daginn kæru lesendur fótbolta.net og verið hjartanlega velkomin í beina textalýsingu á leik Víkings Ólafsvíkur og FH í 17. umferð pepsi deildar karla
Byrjunarlið:
1. Gunnar Nielsen (m)
Davíð Þór Viðarsson
5. Bergsveinn Ólafsson
8. Emil Pálsson
11. Atli Guðnason ('80)
17. Atli Viðar Björnsson ('72)
18. Kristján Flóki Finnbogason
20. Kassim Doumbia
21. Böðvar Böðvarsson
23. Þórarinn Ingi Valdimarsson ('92)
26. Jonathan Hendrickx

Varamenn:
12. Kristján Finnbogi Finnbogason (m)
16. Hörður Ingi Gunnarsson
19. Kaj Leo í Bartalsstovu ('80)
21. Grétar Snær Gunnarsson
22. Jeremy Serwy ('92)
23. Brynjar Ásgeir Guðmundsson

Liðsstjórn:
Heimir Guðjónsson (Þ)
Bjarni Þór Viðarsson
Guðlaugur Baldursson
Eiríkur K Þorvarðsson
Guðjón Örn Ingólfsson
Ólafur H Guðmundsson
Róbert Magnússon

Gul spjöld:
Emil Pálsson ('58)

Rauð spjöld: