Vil gefa góðvini mínum og æskuvini gott shoutout.

Kristófer Jacobson Reyes leikmaður Fram var valinn maður leiksins í síðasta leik liðsins gegn Selfossi og endaði einnig í liði vikunnar.

Það er búið að rigna all rosalega í nótt og allan daginn í gær og hefur það veruleg áhrif á vallaraðstæður eins og gefur að skilja.

Ég sá örfáar mínútur af æfingu heimamanna í gær og var það heldur betur skrautlegt. Menn ætluðu að senda boltann áfram en boltinn stöðvaðist í pollum hér og þar.

Hrikalega gaman fyrir sóknarmenn að spila í svona veðri en sama er ekki hægt að segja um varnarmenn og markmenn.. það er nokkuð ljóst

Emir Dokara er í banni hjá heimamönnum í dag og varnarmaðurinn Denis Kramar fer á bekkinn frá því í tapinu gegn Fylki.

Tomasz Luba og Pape Mamadou Faye koma inn í liðið en sá síðarnefndi skoraði eftir að hafa komið inn á sem varamaður gegn Fylki.

Halldór Smári Sigurðsson kemur inn í vörn Víkings R. fyrir Marko Perkovic síðan í 2-1 tapinu gegn Fjölni. Athygli vekur að Víkingur R. er einungis með sex varamenn en ekki sjö. Viktor Bjarki Arnarsson, fyrirliði, er ekki með í dag.

Þegar liðin mættust í 8. umferð...
Vann Víkingur R. öruggan 2-0 sigur í Fossvoginum. Gary Martin skoraði bæði mörkin í leiknum en hann er nú í Noregi á lánssamningi hjá Lilleström.

Eyðimerkurganga heimamanna
Eftir frábæran fyrri helming Íslandsmótsins hefur Víkingur Ólafsvík hrapað niður í harða fallbaráttu Pepsi-deildarinnar þegar þrjár umferðir eru eftir af mótinu. Liðið hefur gengið í gegnum eyðimerkurgöngu og síðasti sigur kom 28. júní. Ólsarar eru tveimur stigum fyrir ofan fallsæti og ef allt fer á versta veg fyrir þá gætu þeir verið í fallsæti eftir umferðina.

Pape Mamadou Faye, leikmaður Víkings Ó.:
Andrúmsloftið í hópnum var ekki nægilega jákvætt. En við vitum hvað þarf að gera til að halda félaginu í deild þeirra bestu og höfum verið að líta í eigin barm. Það var neikvæðni í gangi en við leikmenn höfum talað saman og hreinsað það út. Það er gott við þennan hóp að við erum allir vinir.

Það er alltaf skrýtin tilfinning að mæta sínu fyrrum félagi og það er klárlega öðruvísi og sérstakt. Ég á enn góða vini sem eru í liðinu og það verður gaman að mæta þeim. Maður er farinn að venjast þessu samt eins og um síðustu helgi þegar við mættum Fylki. Þetta eru félög sem ég á góðar minningar frá. Þetta verður sérstakur dagur en mikilvægast er að við náum í þrjú stig.

Hvernig bregðast menn við?
Milos Milojevic, þjálfari Reykjavíkur-Víkinga, lét sína menn heyra það eftir tapið gegn Fjölni í síðustu umferð. Liðið er í áttunda sæti með 24 stig og hefur að engu að keppa nema stoltinu. Er það nóg til að peppa menn í verkefni dagsins?

Hér verður bein textalýsing frá Ólafsvík þar sem nafnar deildarinnar eigast við í 19. umferð Pepsi-deildarinnar. Leikurinn hefst klukkan 17:00 en dómari leiksins er Vilhjálmur Alvar Þórarinsson. Aðstoðardómarar eru Oddur Helgi Guðmundsson og Bjarki Óskarsson.