Malen, Maguire, Rashford, Greenwood, Yoro, Eriksen og fleiri góðir í slúðri dagsins
Ísland
1
2
Skotland
0-1 Jane Ross '25
Fanndís Friðriksdóttir '40 1-1
1-2 Jane Ross '56 , víti
20.09.2016  -  17:00
Laugardalsvöllur
Undankeppni EM í Hollandi 2017
Aðstæður: 6468
Dómari: Katalin Kulcsár (Ungverjaland)
Áhorfendur: 6468
Byrjunarlið:
1. Guðbjörg Gunnarsdóttir (m)
3. Elísa Viðarsdóttir ('88)
4. Glódís Perla Viggósdóttir (f)
7. Sara Björk Gunnarsdóttir (f)
9. Margrét Lára Viðarsdóttir
9. Berglind Björg Þorvaldsdóttir ('59)
10. Dagný Brynjarsdóttir
11. Hallbera Guðný Gísladóttir
19. Anna Björk Kristjánsdóttir
23. Fanndís Friðriksdóttir

Varamenn:
1. Sandra Sigurðardóttir (m)
2. Sif Atladóttir
10. Hólmfríður Magnúsdóttir ('59)
14. Málfríður Erna Sigurðardóttir
22. Rakel Hönnudóttir

Liðsstjórn:
Freyr Alexandersson (Þ)
Gunnhildur Yrsa Jónsdóttir
Ólafur Pétursson
Ásmundur Guðni Haraldsson
Jófríður Halldórsdóttir
Óskar Valdórsson

Gul spjöld:

Rauð spjöld:
Leik lokið!
Ísland verður að sætta sig við tap gegn Skotum. Ísland vinnur samt sem áður riðilinn.

Viðtöl á leiðinni, takk fyrir mig.
88. mín
Inn:Dóra María Lárusdóttir (Ísland) Út:Elísa Viðarsdóttir (Ísland)
Síðasta skipting Íslands.
86. mín
Elvar Geir Magnússon
85. mín
Íslenska liðið er að ná fínum stöðum og koma með ágætis fyrirgjafir. Það hefur hins vegar gengi illa að reka endahnútinn á þær.
80. mín
Frábær færi!

Íslendingar fá þrjú færi til að skora úr í sömu sókninni en þær ná ekki að koma skoti á markið. Liðið saknar Hörpu Þorsteins í þessum leik, það er bara þannig.
74. mín
Hjúkk!

Lisa Evans fer framhjá Guggu í markinu en færið er orðið þröngt og skotið hennar dettur ofan á slánna.
73. mín
Fanndís fær boltann á vinstra vængnum, fer inn á völlinn og reynir skot sem fer yfir markið. Hún er búin að vera besti leikmaður Íslands í leiknum í dag.
72. mín
Inn:Leanne Crichton (Skotland) Út:Leanne Ross (Skotland)
Leanne Ross er á spjaldi.
70. mín
FÆRI!!

Elísa Viðarsdóttir á hættulega fyrirgjöf sem Gunnhildur skallar beint í fangað á Fay úr góðu færi. Stelpurnar hafa 20 mínútur til að fá eitthvað út úr þessum leik.
66. mín
Fay á misheppnaða markspyrnu sem fer beint á Dagný sem er í frábæru færi en skotið hennar fer yfir markið. Hún hafði Margréti Láru vinstra megin við sig en Dagný sá bara markið. Þarna varð hún að gera betur.
63. mín
FÆRI!

Anna Björk skallar hornspyrnu Hallberu rétt yfir markið.
61. mín
Margrét Lára kemur boltanum á Gunnhildi sem er í fínu færi en skotið hennar fer beint í fangið á Fay.

Margrét Lára er búin að færa sig framar á völlinn eftir skiptingarnar.
59. mín
Inn:Gunnhildur Yrsa Jónsdóttir (Ísland) Út:Berglind Björg Þorvaldsdóttir (Ísland)
Elín ekki alveg náð sér á strik og það hefur lítið farið fyrir Berglindi fyrir utan stoðsendinguna.
59. mín
Inn:Hólmfríður Magnúsdóttir (Ísland) Út:Elín Metta Jensen (Ísland)
59. mín Gult spjald: Leanne Ross (Skotland)
Stoppaði Dagný sem var að komast í góða stöðu.
56. mín Mark úr víti!
Jane Ross (Skotland)
Stoðsending: Hayley Lauder
Sendir Guðbjörgu í vitlaust horn. Öruggt víti.

Ísland byrjaði töluvert betur í seinni hálfleik og kom þetta mark gegn gangi leiksins.
55. mín
Sara Björk brýtur klaufalega á Lauder innan teigs og Kulcsár dæmir víti. Þetta var hárréttur dómur.
53. mín
Margrét Lára reynir nú skot af mjög löngu færi sem Fay grípur í markinu. Allt í lagi að reyna þetta.
51. mín
Fyrsta tækifæri Íslands í seinni hálfleik. Hallbera Guðný fer upp vinstri vænginn og á sendingu á Söru Björk sem á skot yfir markið. Erfitt færi.
47. mín
Vá.

Caroline Weir átti skot af mjög löngu færi sem fór í stöngina. Þarna munaði ansi litlu.
46. mín
Seinni hálfleikur er kominn af stað

Við vonum að íslenska liðið spili betur í þessum seinni hálfleik og klári dæmið.

45. mín
Hálfleikur
Rosalega lélegt hjá okkar liði í 40 mínútur en staðan er samt sem áður jöfn í hálfleik. Við getum klárlega verið sátt við stöðuna miðað við hvernig leikurinn þróaðist.
45. mín
Jane Ross á stórhættulegt skot af löngu færi sem fer rétt framhjá markinu.
44. mín
FÆRI!!

Aftur kemst Fanndís í gott færi, nú reynir hún sendingu á Margréti sem í rosalega góðu færi en skotið hennar fer í Berglindi og Skotar rétt sleppa.
40. mín MARK!
Fanndís Friðriksdóttir (Ísland)
Stoðsending: Berglind Björg Þorvaldsdóttir
MAAAAAAAAAAAAAAAAAAARK!!!!!

JÁJÁJÁJÁ. Það hefur lítið gengið hjá íslenska liðinu í leiknum en þær eru samt búnar að jafna.

Fanndís Friðriksdóttir kemst í þröngt færi, eftir góðan samleik við Berglindi, en hún gerir frábærlega í að lyfta boltanum yfir Fay í markinu og boltinn fer rétt inn fyrir línuna. Það tók smá tíma fyrir dómarana að ákveða hvort þetta var inni eða ekki en þetta var klárt mark.

1-1!
38. mín
Það er rosalega lítið í gangi í leiknum. Íslenska liðið reynir að búa til sóknir en það gengur erfiðlega. Skotar hafa varist vel og eru að vinna baráttuna á miðjunni.
Ritstjóri Fótbolta.net hittir naglann á höfuðið þarna. Ekkert í gangi hjá íslenska liðinu.


31. mín
Það er svolítið eins og Skotar séu manni fleiri eins og þetta er að spilast núna. Ísland ræður illa við pressuna frá þeim og eru mikið af sendingum að rata beint á skosku leikmennina.

25. mín MARK!
Jane Ross (Skotland)
Stoðsending: Kirsty Smith
Kristy Smith á baneitraða fyrirgjöf sem Jane Ross gerir vel í að klára. Skotar eru komnir yfir og það er erfitt að mótmæla því að það sé verðskuldað.

Fyrsta markið sem Íslands fær á sig í keppninni.
20. mín
Hallbera Guðný tekur aukaspyrnu af um 25 metra færi. Hún lætur vaða en Fay grípur þetta örugglega. Fyrsta skot Íslands í leiknum.
14. mín
Jane Ross í fínu færi. Emma Mitchell átti fallega fyrirgjöf frá vinstri og Ross skallar rétt framhjá. Hættulegt.
12. mín
Sendingar íslenska liðsins hafa verið frekar slappar hingað til og hafa þær ekki alveg komist í takt við leikinn. Skotar aðeins betri fyrstu 12 mínúturnar.
8. mín
Þetta skoska lið er áberandi betra en það slóvenska sem kom í heimsókn á föstudag. Þær hafa byrjað leikinn frekar vel.
6. mín
Anna Björk á slappa sendingu sem fer beint á Jane Ross, sú skoska fer á vörnina en stelpurnar okkar ná að bjarga.
5. mín
Frekar róleg byrjun á þessum leik. Liðin að þefa svolítið af hvoru öðru.
1. mín
Leikur hafinn
Skoska liðið er í rosalega bleikum treyjum. Íslenska liðið auðvitað í sínum hefðbundnu bláu treyjumm.

Skotar byrja með boltann.

Fyrir leik
Liðin eru komin á völlinn og þjóðsöngvarnir eru að fara í gang.
Fyrir leik
Það eru tveir Skotar með mér í fréttamannastúkunni. Þeir segja mér að Jane Ross og Lisa Evans séu þeir leikmenn sem íslenska liðið ætti að varast. Hraðinn í Evans getur verið hættulegur á meðan Ross er að skora vel á Englandi með Manchester City.
Fyrir leik
Páll Óskar er byrjaður að flytja lög á Laugardalsvelli. Varamenn Íslands hættu allt í einu að hita upp til að fylgjast með honum.
Fyrir leik
Freyr Alexandersson, þjálfari Íslands gerir eina breytingu frá leiknum gegn Slóvenum. Elín Metta Jensen kemur inn í staðin fyrir Hólmfríði Magnúsdóttur.
Fyrir leik
Veeeeeeeeeeeeeelkomin í soundcheck heyrist hátt og snjallt á vellinum þessa stundina. Páll Óskar er að koma sér í gírinn.

Fyrir leik
Þegar þetta er skrifað er 75 mínútur í leikinn og Sara Björg Gunnarsdóttir, fyrirliði Íslands er ein inni á vellinum að labba fram og til baka.
Fyrir leik
Katalin Kulcsár, dæmir leikinn í dag en hún er frá Ungverjalandi.
Fyrir leik
Þetta er síðasti leikurinn í undankeppninni en fyrri leikur liðanna endaði með öruggum 4-0 sigri Íslands.
Fyrir leik
Ísland vann Slóveníu, 4-0 í síðasta leik og eru stelpurnar því enn með fullt hús stiga í riðlinum, komnar á EM og hafa ekki fengið á sig mark. Það er því ansi lítið hægt að kvarta yfir lífinu og tilverunni ef þú ert stuðningsmaður kvennalandsliðsins okkar.
Fyrir leik
Heilir og sælir kæru lesendur.

Hér fer fram bein textalýsing frá leik Íslands og Skotlands í undankeppni EM sem fram fer í Hollandi, næsta sumar.
Byrjunarlið:
1. Gemma Fay (m)
3. Emma Mitchell
5. Leanne Ross ('72)
6. Joanne Love
7. Hayley Lauder
9. Caroline Weir
11. Lisa Evans
13. Jane Ross
15. Jennifer Beattie
23. Joelle Murray
24. Kirsty Smith

Varamenn:
1. Shannon Lynn (m)
4. Emma Brownlie
10. Leanne Crichton ('72)
16. Christie Murray
18. Elizabeth Arnot
19. Lana Clelland
20. Fiona Brown

Liðsstjórn:
Anna Signeul (Þ)

Gul spjöld:
Leanne Ross ('59)

Rauð spjöld: