Malen, Maguire, Rashford, Greenwood, Yoro, Eriksen og fleiri góðir í slúðri dagsins
KR
2
0
FH
Kjartan Henry Finnbogason '34 , víti 1-0
Kjartan Henry Finnbogason '44 2-0
01.05.2012  -  19:15
Laugardalsvöllur
Meistarakeppni KSÍ
Aðstæður: Góðar miðað við árstíma
Dómari: Magnús Þórisson
Áhorfendur: Um 1000
Maður leiksins: Kjartan Henry Finnbogason
Byrjunarlið:
Viktor Bjarki Arnarsson ('57)
2. Grétar Sigfinnur Sigurðarson ('31)
3. Haukur Heiðar Hauksson
5. Egill Jónsson
6. Gunnar Þór Gunnarsson
9. Kjartan Henry Finnbogason
22. Óskar Örn Hauksson (f)
23. Atli Sigurjónsson ('78)

Varamenn:
8. Baldur Sigurðsson ('78)
8. Þorsteinn Már Ragnarsson ('57)
11. Emil Atlason ('31)

Liðsstjórn:

Gul spjöld:
Kjartan Henry Finnbogason ('83)

Rauð spjöld:
Fyrir leik
Góða kvöldið! Hér verður bein textalýsing frá leik KR og FH í meistarakeppni KSÍ. Leikurinn hefst klukkan 19:15 á Laugardalsvelli.
Fyrir leik
Byrjunarliðin eru klár. Baldur Sigurðsson er á bekknum hjá KR en hann var ekki með gegn Fram í úrslitaleik Lengjubikarsins um helgina. Þorsteinn Már Ragnarsson skoraði sigurmark KR þar en hann byrjar einnig á bekknum í dag.
Fyrir leik
Veðrið í Laugardalnum er flott....það er allavega ekki snjór eins og á sama degi fyrir ári síðan. Núna er sól og smá gola og völlurinn í flottu standi miðað við árstíma!
Fyrir leik
Viktor Örn Guðmundsson mun ekki leika með FH í dag vegna meiðsla í hásin. Tónlistarmaðurinn Jón Ragnar Jónsson tekur stöðu hans. Jón Ragnar fer í hægri bakvörðinn en Guðjón Árni Antoníusson skellir sér vinstra megin.
Magnús Sigurbjörnsson veðmálasérfræðingur:
1500 kall inn á þessa skítadollu. Kommon ksí!
1. mín
Leikurinn er hafinn. FH-ingar leika í bláum varabúningum sínum og sækja í átt að Laugardalslauginni en KR-ingar sækja í átt að Laugardalshöllinni.
Guðmundur Steinarsson leikmaður Keflavíkur:
Kæmi ekki á óvart að allir þjálfararnir í pepsi verði í Laugardalnum í kvöld. #kýrnarávorin #þjálfaraúlpur #pepsi
5. mín
Líkt og gegn KR er Bjarni Guðjónsson fyrirliði KR-inga í hjarta varnarinnar. KR-ingar leita logandi ljósi að miðverði þessa dagana en á meðan leysir Bjarni stöðuna við hliðina á Grétari Sigfinni Sigurðarsyni.
11. mín
Engin dauðafæri hafa litið dagsins ljós hingað til. FH-ingar byrjuðu betur en jafnræði hefur verið síðustu mínúturnar.
14. mín
Bjarki Gunnlaugsson fær fínt skotfæri eftir góðan undirbúning hjá Atla Guðnasyni. Skot Bjarka er hins vegar máttlaust og það fer framhjá markinu.
21. mín
Atli Guðnason skallar framhjá eftir snarpa sókn hjá FH-ingum. FH er aðeins líklegri aðilinn.
29. mín
FH-ingar áfram sprækari. Atli Viðar Björnsson fær langa sendingu fram völlinn en Grétar Sigfinnur nær að hlaupa fyrir og loka á skotið. Grétar heldur um mjöðmina eftir kapphlaupið og virðist vera þjáður. Hann heldur áfram leik í bili að minnsta kosti en KR-ingar mega alls ekki við því að missa hann af velli.
31. mín
Inn:Emil Atlason (KR) Út:Grétar Sigfinnur Sigurðarson (KR)
Grétar Sigfinnur fer af velli vegna meiðslanna. Emil Atlason, sonur Atla Eðvaldssonar, kemur inn á og fer á hægri kantinn gegn sínum gömlu félögum í FH. Dofri Snorrason fer í vinstri bakvörðinn og Gunnar Þór Gunnarsson tekur stöðu Grétars í hjarta varnarinnar við hlið Bjarna Guðjónssonar.
33. mín Gult spjald: Guðmann Þórisson (FH)
KR-ingar fá vítaspyrnu!! Dofri Snorrason vinnur boltann af Atla Guðnasyni sem var að leggja af stað í skyndisókn. Óskar Örn Hauksson fær boltann og leikur inn á teiginn þar sem Guðmann brýtur á honum. Magnús Þórisson er ekki í vafa og dæmir vítaspyrnu auk þess að spjalda Guðmann.
34. mín Mark úr víti!
Kjartan Henry Finnbogason (KR)
Kjartan Henry skorar með þrumuskoti í mitt markið, 1-0 fyrir KR sem er nokkuð gegn gangi leiksins!
37. mín
Atli Viðar Björnsson með hörkuskot úr vítateigsboganum en boltinn fer hárfínt framhjá.
Runólfur Þórhallsson:
Mun seint skilja hvað FH-ingar eru að pæla með Guðmann! Var mjög svo miðlungs hjá Blikum, efast um að hann hafi bætt sig það mikið í Norge!
41. mín
Óskar Örn Hauksson á skot sem Gunnleifur ver til hliðar áður en hann nær að handsama knöttinn. Skömmu áður hafði Kjartan Henry reynt að vippa yfir Gunnlaug fyrir utan vítateig en skotið var afar máttlítið.
44. mín MARK!
Kjartan Henry Finnbogason (KR)
KR-ingar hafa aðeins verið að hressast undanfarnar mínútur og þeir uppskera annað mark. Kjartan Henry á fyrst skot sem Gunnleifur ver út fyrir vítateig. Atli Sigurjónsson kemur þar á ferðinni og á hörkuskot sem Gunnleifur ver aftur út í teiginn hægra megin. Kjartan Henry fær boltann þá aftur og skorar með skoti á nærstöngina!
45. mín
Íslands og bikarmeistararnir leiða 2-0 í hálfleik eftir mörk frá Kjartani Henry Finnbogasyni og KR-ingar virðast ætla að ná í einn bikar til viðbótar. FH-ingar voru sterkari fyrsta hálftímann en eftir að KR komst yfir hefur verið meira jafnræði.
46. mín
Síðari hálfleikurinn er hafinn!
47. mín
Emil Atlason hleypur vörn FH af sér og á skot fyrir utan vítateiginn en Gunnleifur ver af öryggi.
49. mín
Ólafur Páll Snorrason kemst í dauðafæri en Fjalar ver vel! Atli Viðar Björnsson átti laglega sendingu á milli bakvarðar og miðvarðar og Ólafur Páll komst einn á móti Fjalari sem sá við honum.
57. mín
Inn:Þorsteinn Már Ragnarsson (KR) Út:Viktor Bjarki Arnarsson (KR)
61. mín
Inn:Albert Brynjar Ingason (FH) Út:Bjarki Gunnlaugsson (FH)
63. mín Gult spjald: Freyr Bjarnason (FH)
68. mín
Óskar Örn Hauksson með hörkuskot fyrir utan teig en Gunnleifur ver áður en Guðmann Þórisson nær að hreinsa í horn.
75. mín
Inn:Hólmar Örn Rúnarsson (FH) Út:Atli Viðar Björnsson (FH)
75. mín
Inn:Emil Pálsson (FH) Út:Freyr Bjarnason (FH)
78. mín
Inn:Baldur Sigurðsson (KR) Út:Atli Sigurjónsson (KR)
79. mín
Kjartan Henry nær að skora en markið er dæmt af vegna rangstöðu. Emil Atlason fær stungusendingu inn fyrir vörnina og er óeigingjarn þegar hann rennir boltanum á Kjartan sem skorar í autt markið. Kjartan var hins vegar skrefinu framar og markið stendur því ekki.
81. mín
Kjartan Henry ætlar ekki að ná þrennunni...Óskar Örn Hauksson á flotta fyrirgjöf en Kjartan Henry skýtur yfir af markteig úr dauðafæri.
83. mín Gult spjald: Kjartan Henry Finnbogason (KR)
84. mín Gult spjald: Hólmar Örn Rúnarsson (FH)
89. mín
Leikurinn er að fjara út og það þarf eitthvað stórkostlegt að gera ef FH ætlar að koma til baka úr þessu.
90. mín
Leiknum er lokið með 2-0 sigri KR.
Reynir Elís Þorvaldsson
Fjalar ekki unnið eina jógúrtdollu á sínum ferli... Kominn með tvær úr silfri strax hjá KR... #winning
Byrjunarlið:
Ólafur Páll Snorrason
3. Guðjón Árni Antoníusson
4. Pétur Viðarsson
10. Björn Daníel Sverrisson (f)
11. Atli Guðnason
16. Jón Ragnar Jónsson
17. Atli Viðar Björnsson ('75)
21. Guðmann Þórisson

Varamenn:
1. Róbert Örn Óskarsson (m)
8. Emil Pálsson ('75)
14. Albert Brynjar Ingason ('61)
23. Brynjar Ásgeir Guðmundsson
25. Hólmar Örn Rúnarsson ('75)

Liðsstjórn:

Gul spjöld:
Hólmar Örn Rúnarsson ('84)
Freyr Bjarnason ('63)
Guðmann Þórisson ('33)

Rauð spjöld: