Vindurinn er ská á völlinn. Liðin skipta um helming og Ísland er frekar með vindinn í bakið í fyrri hálfleiknum. Koma svo!

Búið að leika þjóðsöngvana. Íslensku strákarnir voru í upphitunarpeysum á meðan. Skotarnir fóru út í treyjunum og var skítkalt.

Boltastrákarnir skokka út á völl. Með húfu og vel klæddir. Veitir ekki af.

Frekar fámennt í stúkunni ennþá. Vondur leiktími og vont veður. Hvetjum samt fólk til að kíkja!

10 leikmenn í byrjunarliði Íslands eru fæddir árið 1995. Aron Elís Þrándarson er fæddur í nóvember 1994.

1995 árangurinn fór í lokakeppni EM U17 ára landsliða á sínum tíma. Vonandi fara þeir til Póllands á næsta ári.

Ryan Fulton, markvörður Skota, er á mála hjá Liverpool en hann er á láni hjá Chesterfield.

Enginn leikmaður í skoska liðinu hefur náð 21 árs aldri á meðan allir leikmennirnir í byrjunarliði Íslands eru 21 árs gamlir!

20 mínútur í leik en leikmenn eru búnir að fá nóg af upphituninni í rokinu. Þeir eru farnir inn.

Byrjunarlið Skota er hér til hliðar.

Liðin byrjuð að æfa í rokinu á Víkingsvelli. Skotar eru í bleikum varabúningum sínum.

Oliver Sigurjónsson, fyrirliði U21, er fjarri góðu gamni vegna meiðsla en hann er ekki í hóp í dag. Daníel Leó Grétarsson, leikmaður Álasund, tekur stöðu hans.

Kristján Flóki Finnbogason kemur inn fyrir Árna Vilhjálmsson og Ævar Ingi Jóhannesson kemur inn fyrir Viðar Ara Jónsson.

Mikill vindur er á Víkingsvelli þar sem leikurinn efst klukkan 15:30. Ísland fer á EM með sigri á Skotum í dag og gegn Úkraínu í næstu viku. Skotar hafa hins vegar að litlu að keppa.

Oliver Sigurjónsson
Skotarnir eru mjög baráttuglaðir og sterkir líkamlega. Við erum kannski undir þar. Við erum sterkari tæknilega og líklega í föstum leikatriðum. Við þurfum að nýta okkur styrkleika sem eru agaður varnarleikur og skipulag. Við þurfum síðan að skora úr þeim færum sem við fáum því við erum góðir í fótbolta.

Rúnar Alex Rúnarsson
Ég held að menn séu að fórna öllu og geri allt til þess að komast á EM. Ég er mjög bjartsýnn.

Aron Elís Þrándarson
Við stefnum á sex stig úr þessum tveimur leikjum. Allt annað en það yrðu gríðarleg vonbrigði. Það verður erfitt en við gerum þær kröfur á okkur að klára þetta. Við erum að mínu mati með betra lið en Skotland og Úkraína.

Ísland og Skotland gerðu markalaust jafntefli þegar þau áttust við ytra fyrir ári síðan. Vonandi ná strákarnir að setja mark á Skotana í dag.

Veðrið hefur oft verið betra til að spila fótbolta heldur en í dag.

Við hvetjum hins vegar áhorfendur til að klæða sig vel og koma og styðja strákana!

Skotar eru ekki í séns á að komast áfram en þeir skiptu um þjálfara á dögunum. Scott Gemmill tók þá við starfinu af Ricky Sbragia, fyrrum stjóra Sunderland.

Gemmill er að yngja upp í liði Skota en hann gerði tólf breytingar á hópnum frá því í 4-0 tapinu gegn Úkraínu í síðasta mánuði.

Tómas Ingi Tómasson, aðstoðarþjálfari Íslands
Við rennum blint í sjóinn. Það varð þjálfabreyting þar og það er mikið af spilurum að koma inn. Við erum búnir að skoða mikið U19 ára liðið þar sem margir af þessum leikmönnum voru að spila. Við vitum þónokkuð um þá en það er alltaf vont þegar það er skipt um þjálfara og það eru áherslubreytingar.

Góðan og blessaðan!
Hér verður fylgst með leik U21 árs landsliðs Íslands og Skotlands í undankeppni EM.

Leikurinn er mjög mikilvægur fyrir Ísland í baráttunni um sæti á EM í Póllandi næsta sumar. Ef Ísland vinnur Skota í dag og Úkraínu á Laugardalsvelli á þriðjudag þá er sæti á EM í höfn. Ef íslenska liðið misstígur sig er hins vegar ólíklegt að það komist á EM.

Staðan í riðlinum:
1. Makedónía 18 stig eftir 9 leiki
2. Frakkland 17 stig eftir 9 leiki
3. Ísland 15 stig eftir 8 leiki
4. Úkraína 10 stig eftir 8 leiki
5. Skotland 8 stig eftir 8 leiki
6. Norður-Írland 1 stig eftir 8 leiki

Ísland er með betri innbyrðis viðureignir gegn Makedóníu en lakari en Frakkar. Farið er fyst eftir innbyrðis viðureignum ef lið enda jöfn að stigum.

Makedónar mæta Skotum í lokaleik sínum á laugardag á meðan Frakkar mæta Norður-Írum á þriðjudag.