Stefnir í afskaplega þægilegan sigur hjá Breiðablik sem hefur aldrei farið úr öðrum gír hérna í kvöld.

Amir Mehica, varamarkmaður Leiknis sem kom inn á eftir hálftíma leik, mun sofa illa í nótt en hann gaf þrjú mörk gjörsamlega á silfur fati.

FÆRI!

Einbeitingarleysi hjá Blikum verður til þess þeir missa boltann á hættulegum stað og gestirnir komast í færi.

Valdimar Ingi Jónsson fær boltann í gegn en hittir hann eitthvað illa og setur hann framhjá. Þetta var tækifæri til að fegra stöðuna aðeins.

Tadas Jocys gerir sig líklegan til að skjóta að marki Blika þegar Ernir Bjarna fer aðeins aftan í hann.

Einhverjar biðla veiklulega til dómarans um vítaspyrnu en ekkert gefið.

Smá rifrildi brýst út við hliðarlínuna þar sem Davíð Kristján og Carlos Carrasco gerast of æstir að mati Sigurðar Óla dómara.

Gult á báða.

Til að árétta þá átti Mehica enga sök að þessu fimmta marki Blika.

Þetta var einfaldlega flott spil en það er klárlega mikill gæðamunur á þessum liðum.

Amir Mehica er 37 ára gamall Bosníumaður og á hann yfir 100 leiki á Íslandi með liðum á borð við Haukum og Fjarðabyggð.

Þeir hafa sennilega margir verið betri en í dag, vona ég.

Eins og staðan er núna þá er Breiðablik að vinna riðilinn á markatölu og mætir því FHingum í 8-liða úrslitum.

Blikar hafa verið miklu betri en geta samt þakkað fyrir útsöludag í markinu hjá Leikni en öll fjögur mörkin hafa komið vegna markmannsmistaka.

Fjórföld skipting hjá Blikum sem þurfa nú eitt mark til að vinna riðilinn.

Leiknismenn hafa úr ansi litlu að moða.

Báðir markaskorar Blika í eru nýliðar í liðinu.

Hrvoje Tokic spilaði með Víking Ólafsvík í fyrra og gerði níu mörk í Pepsi deildinni.

Martin Lund Pedersen gerði sömuleiðis níu mörk í Pepsi í fyrra fyrir Fjölnir. Pedersen fór útaf skömmu eftir markið en hann fékk smávægilegt högg og væntanlega engir sénsir teknar svo stutt fyrir mót.

Gætu reynst drjúgir fyrir Kópavoginn í sumar.

Vert að hafa það í huga að Breiðablik vinnur riðilinn með fjögurra marka sigri.

Ef þetta heldur svona áfram þá er það líklegt. Fáskrúðsfirðingar þurfa að fara gyrða sig í brók.

Leiknismenn eiga annan leik á sunnudaginn gegn Þrótturum en Jesus Guerrero Suarez virðist ekki nenna að spila hann.

Hann er búinn að brjóta tvisvar eftir gula spjaldið og er svo sannarlega að leika sér að eldinum.

Rólegt hingað til.

Breiðablik er meira og minna með boltann og reynir að finna glufur, Leiknismenn þéttir til baka og reyna að beita skyndisóknum.

Blikar fá aukaspyrnu rétt fyrir utan vítateig.

Oliver Sigurjónsson snýr boltann yfir vegginn og rétt framhjá. Ágætis tilraun.

Davíð Kristján Ólafsson á góða fyrirgjöf frá vinstri kantinum, beint á milli varnar og markmanns, en Hrvoje Tokic rétt missir af honum og boltinn fer útaf. Markspyrna.

Blikar að sækja í sig veðrið.

Hilmar Freyr Bjartþórsson fær fyrsta færi gestanna.

Boltinn er sendur hár inn í teig þar sem Hilmar reynir að taka hann viðstöðulausan en hittir hann illa og boltinn lekur máttlaust framhjá markinu.

Martin Lund Pedersen fær boltann rétt fyrir utan teig og lætur vaða en boltinn fer í varnarmann og Winogrodzki á ekki í vandræðum með að handsama boltann.

Blikar fá aðra hornspyrnu og nú kemur fyrirgjöf á nærstöngina. Þar rís Viktor Örn hæst en skallar boltann framhjá.

Hrvoje Tokic fær góða sendingu inn fyrir vörn Leiknismann en hann er réttilega flaggaður.

Fátt um fína drætti hérna á upphafsmínútunum er bæði lið reyna að þreifa fyrir sér.

Heimamenn vinna fyrstu hornspyrnu leiksins.

Martin Lund sendi boltann inn í teig en Leiknismenn vel vakandi í vörninni.