Liðin eru komin út á völl. Breiðablik leikur í grænum peysum og hvítum buxum og sokkum eins og vanalega, FH í hvítum peysum, svörtum buxum og sokkum.

Ómar Stefánsson vallarstjóri hleypur hér um völlinn og eltir gæsir sem hafa tekið sér stæði á miðjum vellinum. Eftir nokkrar tilraunir gáfust þær upp fyrir honum.

Megan Dunnigan sem var tæp fyrir leikinn byrjar hjá FH í kvöld.

Miðverðirnir Melkorka Katrín Pétursdóttir, Lilja Gunnarsdóttir og Ingibjörg Rún Óladóttir eru allar meiddar og ekki með í dag.

Byrjunarliðin eru klár. Berglind Björg Þorvaldsdóttir byrjar hjá Blikum eftir að hafa verið á bekknum í leik meistara meistaranna gegn Stjörnunni. Sandra Sif sem byrjaði þann leik er meidd og ekki í hóp í dag.

Andra Rán Hauksdóttir, Guðrún Arnarsdóttir og Ásta Eir Árnadóttir eru ekki með Breiðabliki í dag en þær eru í skóla í Bandaríkjunum.

FH hefur gert miklar breytingar á liði sínu frá síðustu leiktíð, Jeannette Williams sem var einn besti markmaður deildarinnar í fyrra er farin frá þeim sem og sóknarmennirnir Aldís Kara Lúðvíksdóttir og Alex Aulas. Þá fóru þær Nótt Jónsdsóttir og Viktoría Valdís Guðrúnardóttir í Stjörnuna og liðið hefur einnig misst Maggý Lárentínusdóttur, Margréti Sif Magnúsdóttur, Guðrúnu Björgu Eggertsdóttur og Sigmundínu Söru Þorgrímsdóttur.

Í staðinn hefur félagið fengið Megan Dunnigan sem spilaði með ÍA í fyrrasumar, Caroline Murray frá Finnlandi og Lindsey Harris frá Bandaríkjunum auk leikmanna sem snúa aftur úr láni.

Breiðablik hefur misst sterka leikmenn frá síðasta tímabili því þær Hallbera Guðný Gísladóttir, Málfríður Erna Sigurðardóttir, Telma Hjaltalín Þrastardóttir, Olivia Change og Ragna Björg Einarsdóttir eru allar farnar.

Liðið hefur fengið Heiðdísi Sigurjónsdóttir frá Selfossi, Söndru Sif Magnúsdóttur frá Fylki og Samantha Lofton frá Bandaríkjunum auk þriggja leikmanna sem komu frá Augnabliki úr láni.

Breiðablik endaði tímabilið í fyrra í 2. sæti með 39 stig en FH endaði í fyrra í 6. sæti með 17 stig. Breiðabliki er spáð 3. sæti í deildinni í sumar en FH 8. sæti.

Breiðablik hefur oft átt í erfiðleikum með FH þrátt fyrir að Blikar séu almennt í toppbaráttu en FH í botnbaráttu.

Fyrri leik liðanna í fyrra sem fór fram í Kaplakrika lauk með markalausu jafntefli en þeim síðari með 5-1 sigri Breiðabliks. Árið 2014 vann Breiðablik báða leikina stórt en árið 2013 vann FH fyrri leikinn í Kaplakrika 3-1 og sá síðari endaði með 2-2 jafntefli.

Komiði sæl og verið velkomin í beina textalýsingu frá viðureign Breiðabliks og FH í fyrstu umferð Pepsi-deildar kvenna.

Leikurinn fer fram á Kópavogsvelli og hefst klukkan 19:15.