Fjölnismenn ganga inn á völlinn og þá er Despacito með Luis Fonsi, Daddy Yankee og Justin Bieber spilað. Það er sturlun!

Fjölnismenn spiluðu 4-2-3-1 samkvæmt textalýsingu Fótbolta.net frá leik Fjölnis og ÍBV í fyrstu umferð. Það er spurning hvort þeir haldi sig við það. Það er spurning með Blika en þeir spiluðu 4-3-3 í síðasta leik í 3-1 tapinu gegn KA. Liðið virðist halda sömu vörn en svo kemur Viktor Örn inn fyrir Oliver á miðsvæðið á meðan Höskuldur leysir Aron af hólmi á vængnum.

Kolbeinn Þórðarson á bekknum hjá Blikum er auðvitað líka fæddur árið 2000. Yngsti leikmaður Fjölnis sem er í hóp í dag er Torfi Tímoteus Gunnarsson en hann er fæddur árið 1999.

Elías Rafn Ólafsson er varamarkvörður Breiðabliks í dag. Hann er fæddur árið 2000 líkt og Patrekur sem var á bekknum hjá liðinu í síðasta leik.

Höskuldur Gunnlaugsson og Viktor Örn Margeirsson byrja hjá Blikum. Oliver Sigurjónsson og Aron Bjarnason detta út. Oliver er ekki með í dag en Aron er á bekknum.

Það vekur athygli að Birnir Snær Ingason og Mees Junior Siers koma inn í liðið en Marcus Solberg og Sigurjón Már Markússon kom á bekkinn.

Hér til hliðar má sjá byrjunarlið beggja liða.

Leikmenn sem ég persónulega væri til í að sjá spreyta sig meira fyrir bæði lið eru þeir Birnir Snær Ingason hjá Fjölni. Hann byrjaði á bekknum í síðasta leik en kom inn og virkaði ferskur. Höskuldur Gunnlaugsson í liði Breiðabliks er þá fær um að breyta leikjum, það er löngu vitað.

Það verður áhugavert að fylgjast með Þóri Guðjónssyni og Marcus Solberg. Þetta eru tveir leikmenn sem eiga að skila inn mörkum fyrir heimamenn. Blikar fengu Hrvoje Tokic fyrir tímabilið frá Víking Ólafsvík og honum er ætlað að skila mörkum fyrir þá. Sömu sögu má segja af Martin Lund Pedersen sem kom einmitt frá Fjölni, spurning hvort Extra-völlurinn komi til með að hjálpa honum að finna sitt fyrsta mark í sumar.

Blikar fengu skell í fyrstu umferð gegn gröðu liði KA-manna. Það voru margar viðvörunarbjöllur sem hringdu þá í leik Blika og ljóst að liðið þarf að núllstilla sig fyrir leikinn í kvöld. Það verður áhugavert að sjá hvernig lærisveinar Arnars Grétarssonar mæta til leiks.

Fjölnismenn gátu tekið margt jákvætt úr fyrstu umferð. Liðið hélt hreinu gegn ÍBV í Vestmannaeyjum. Neikvæði punkturinn var kannski færanýting Fjölnismanna sem spilaði 10 gegn 11 í rúmlega 75 mínútur eftir að Hafsteinn Briem fékk að líta rauða spjaldið á 14. mínútu.

Verið hjartanlega velkomin í beina textalýsingu frá leik Fjölnis og Breiðabliks í 2. umferð Pepsi-deildar karla í knattspyrnu. Hér verður fylgst með öllu því helsta sem gerist í leiknum auk þess sem viðtöl og skýrslan fylgja eftir leik.