Liðin ganga inn á völlinn núna, enn er vesen á inngöngulagi hjá Grindavík. Beggi vallarstjóri kom og bjargaði málunum. Öllum til mikillar gleði!

Spánverjinn Juan Manuel Ortiz Jimenez er kominn á varamannabekk Grindavíkur en hann hefur verið frá vegna meiðsla. Hins vegar bólar ekkert á Rodrigo, hinum spænska leikmanni Grindavíkur og er hann enn á meiðslalistanum

Liðin komin inn í klefa, 5 mínútur í leik!

Lognið fer töluvert hratt yfir hérna í Grindavík. Lítill fugl sagði að það væri suð-austan átt. Það getur vel verið, ég þekki það ekki. Vindurinn er allavega á ská yfir völlinn, á markið nær Þorbirni

Pape Mamadou Faye er hér að mæta sínum gömlu félögum. Hann lék með Grindavík síðast þegar liðið var í Pepsi-deildinni, árið 2012 en þá féll Grindavík með stæl.

Liðin eru að leggja lokahönd á upphitun, það styttist heldur betur í að það verði flautað til leiks!

Byrjunarliðin eru komin inn
Kwakwa er ekki í hóp hjá Ólsurum í dag en sóknarmiðjumaðurinn Kwame Quee frá Sierra Leone byrjar. Alfreð Már Hjaltalín fer á bekkinn.

Grindavík gerir tvær breytingar á sínu liði frá sigrinum gegn Víkingi R. Matthías Örn Friðriksson er ekki með og William Daniels fer á bekkinn. Jón Ingason, sem er nýkominn í Grindavík frá ÍBV, byrjar leikinn og einnig kemur Aron Freyr Róbertsson inn.

Síðasti sigur Grindvíkinga á Víkingi Ó. kom árið 2014 í 1. deildinni. Þá vann Grindavík 2-0 í Ólafsvík. Tomislav Misura og Björn Berg Bryde skoruðu mörkin en Björn verður að öllum líkindum í byrjunarliði Grindvíkinga í kvöld

Liðin mættust síðast í deildarkeppni árið 2015, en þá voru liðin í 1. deildinni. Víkingur Ó. vann báða leiki liðanna þetta sumar. Leikurinn sem fram fór í Grindavík sumarið 2015 var ótrúlegur þar sem Víkingur leiddu heimamenn til slátrunar á sínum eigin heimavelli, með 7-2 sigri. Víkingur sigraði 1. deildina nokkuð örugglega þetta sumar.

Það var mikil dramatík hjá báðum liðum í síðustu umferð. Víkingur Ó. tapaði gegn KR á heimavelli en gestirnir skoruðu á síðustu sekúndu leiksins. Hjá Grindavík var þetta allt öðruvísi. Grindvíkingar lentu undir gegn Víkingi Reykjavík og komu til baka og kom sigurmarkið á síðustu mínútu leiksins. Væri gaman að fá dramatík í kvöld líka!

Gengið hefur verið misjafnt á liðunum í fyrstu tveimur umferðunum. Nýliðar Grindavíkur hafa farið vel af stað og eru með fjögur stig. Víkingur Ó. er hins vegar enn án stiga og situr á botninum ásamt Breiðablik og ÍA.

Komið þið sæl og blessuð og verið velkomin í textalýsinguna frá Grindavík! Í dag eigast við Grindavík og Víkingur Ólafsvík en báðum liðum er spáð falli úr Pepsi-deildinni af fótbolta.net

Hér verður bein textalýsing frá leik nýliða Grindavíkur og botnliðs Víkings Ólafsvík í þriðju umferð Pepsi-deildarinnar. Grindavík hefur farið vel af stað og er með fjögur stig en Ólsarar eru án stiga. Liðinu var spáð neðsta sæti fyrir mót.

Ólsarar fengu tvo nýja Afríkumenn til sín í síðustu viku. Ganverjinn Eric Kwakwa, djúpur miðjumaður, og sóknarmiðjumaðurinn Kwame Quee frá Sierra Leone.

Ejub Purisevic, þjálfari Ólsara:
Maður leitar á ýmsa staði til að fá leikmenn sem vilja koma. Það á eftir að koma í ljós hvort að þeir séu með gæðin sem við leitum eftir. Það er erfitt að dæma leikmenn eftir æfingar eins og í gær þar sem var hávaða rok og kuldi. Það er langbest að láta nokkrar vikur líða áður en maður hefur stór orð um þá

Þó að margir haldi annað, sem er eðlilegt, þá hef ég trú á að við getum gefið öllum leik. Ef þú ert að gefa einhverjum leik og ert inni í leiknum þá áttu möguleika á að vinna. Ég hef fulla trú á að við getum fengið eitthvað á móti Grindavík eins og öllum öðrum liðum.

Höfum sjö sinnum áður spilað deildaleiki á útivelli í Grindavík; 3 sigrar, 2 tafntefli, 2 töp og markatalan: 8-13. #sagan #vikingurol pic.twitter.com/4AkOXCabVj

— Víkingur Ólafsvík (@Vikingurol) May 14, 2017