Lárus Orri geri tvær breytingar á byrjunarliðinu frá tapinu gegn Selfossi. Jakob Snær og Orri Freyr Hjaltalín koma inn fyrir Svein Elías og Sigurð Marinó sem eru báðir utan hóps.

Lárus Orri Sigurðsson, þjálfari Þórs, mun krefjast þess að fá svar frá leikmönnum sínum í dag eftir andlausa frammistöðu síðastliðinn laugardag og má því búast við að Þórsarar mæti dýrvitlausir í þennan bikarleik.

Dómari í dag er Egill Arnar Sigþórsson. Honum til aðstoðar á sitthvorum kantinum eru þeir Bjarni Hrannar Héðinsson og Viðar Valdimarsson. Fjórði dómari er Bragi Bergmann.

Ægir hefur á leið sinni að 32-liða úrslitum sigrað bæði Ými og Álftanes. Þeirra býður hins vegar sín stærsta prófraun til þessa í dag er þeir mæta særðu Þórsliði sem fyrir sumarið var spáð 4. sæti í Inkasso-deildinni af þjálfurum og fyrirliðum deildarinnar.

Gestirnir frá Þorlákshöfn töpuðu fyrsta deildarleik sínum í sumar á mjög svo svekkjandi hátt gegn KFG þar sem að sigurmark leiksins kom í uppbótartíma.

Þórsarar hafa alls ekki byrjað tímabilið nógu vel og hafa tapað fyrstu tveimur deildarleikjum sínum heldur illa. Fyrst gegn Fylki og síðan gegn Selfossi síðastliðinn laugardag og eru því í leit að fyrsta sigri sumarsins.

Góðan dag og verið velkomin í beina textalýsingu frá Þórsvelli á Akureyri þar sem 1.deildarlið Þórs tekur á móti 3.deildarliði Ægis í 32-liða úrslitum Borgunarbikars karla.