Liðin eru að ganga inn á völlinn. Heimamenn í sínum hvítu klæðum á meðan gestirnir eru rauðklæddir.

Leikurinn átti að hefjast 18:00 en mér skilst að markverðir KH hafi ekki verið mættir á svæðið á réttum tíma og leiknum því seinkað.

Þeir eru 2 enn úti á velli að hita þegar örstutt er í leik.

Liðin eru að ljúka upphitun og ganga til búningsherbergja.

Lið KH spilar í D riðli 4.deildar í sumar á meðan Eyjamenn eru með 4 stig eftir 3 leiki í Pepsi deildinni.

Ef þið hafið eitthvað skemmtilegt um þennan leik að segja ætla ég að henda fram hashtagginu #PepsiVsPassion.

Líf og fjör.

Flestir myndu spá því að þetta verði labb í garðinum fyrir ÍBV en það vita allir að það getur allt gerst í þessum blessuðu bikarleikjum.

Óska eftir góðri þýðingu á orðinu "cupset". Skellið tvíti á mig á @einarkarason.

Í byrjunarliði Eyjamanna stillir Kristján upp reynslu í bland við unga og minna reynda leikmenn. Hafsteinn Gísli og Óskar Zoega hafa verið í láni hjá KFS, Njarðvík og BÍ/Bolungavík undanfarin ár en eiga að baki leiki með félaginu. Þeir eru nú mættir aftur og gaman verður að fylgjast með þeim.

Frans Sigurðsson, Viktor Adebahr og Renato Punyed fá í fyrsta skipti að láta ljós sitt skína á Hásteinsvelli.

Spennandi.

Komiði blessuð og sæl og verið velkomin í beina textalýsingu frá leik ÎBV og KH í Borgunarbikar karla.