Haukar
1
1
ÍR
0-0 Jón Gísli Ström '10 , misnotað víti
0-1 Jón Gísli Ström '10
Baldvin Sturluson '67
Elton Renato Livramento Barros '92 1-1
21.05.2017  -  16:00
Gaman Ferða völlurinn
Inkasso deildin 1. deild karla 2017
Aðstæður: Sólin skín og eins mikið logn og það gerist, alla vega á Blásvöllum
Dómari: Halldór Breiðfjörð Jóhannsson
Áhorfendur: Um 300 manns
Maður leiksins: Jordan Farahani
Byrjunarlið:
30. Trausti Sigurbjörnsson (m)
3. Sindri Scheving
6. Gunnar Gunnarsson (f)
7. Haukur Ásberg Hilmarsson
7. Davíð Sigurðsson ('79)
9. Elton Renato Livramento Barros
11. Arnar Aðalgeirsson ('60)
17. Daníel Snorri Guðlaugsson
19. Baldvin Sturluson
22. Aron Jóhannsson (f)
22. Alexander Freyr Sindrason (f)

Varamenn:
8. Þórhallur Kári Knútsson ('60)
16. Birgir Magnús Birgisson
17. Gylfi Steinn Guðmundsson
21. Alexander Helgason
28. Haukur Björnsson
33. Harrison Hanley ('79)

Liðsstjórn:
Stefán Gíslason (Þ)
Árni Ásbjarnarson
Elís Fannar Hafsteinsson
Andri Fannar Helgason
Þórður Magnússon

Gul spjöld:
Baldvin Sturluson ('44)
Elton Renato Livramento Barros ('62)

Rauð spjöld:
Baldvin Sturluson ('67)
Leik lokið!
Halldór Breiðfjörð flautar hér af þennan bráðfjörugan leik hér á Gaman Ferða vellinum. Haukar líklega sáttari en Breiðhyltingar sem geta nagað sig allhressilega í handabökin að hafa ekki verið búnir að drepa leikinn, marki yfir og manni fleiri.

Umfjöllun og viðtöl koma inn innan skamms.
93. mín
Bæði lið ætla að sækja sigurinn, sóknir á báða bóga
92. mín MARK!
Elton Renato Livramento Barros (Haukar)
Stoðsending: Harrison Hanley
MAAAAAAARK!!!

Heimamenn hafa jafnað leikinn. Harrison Hanley með frábæra fyrirgjöf á Elton Renato Livramento Barros sem leggur boltann í fjærhornið.
91. mín
Góð aukaspyrna í markmannshornið en Trausti ver boltann í horn.
90. mín
Við erum dottin hérna í uppbótartíma hér á Gaman Ferða vellinum. Breiðhyltingar með aukaspyrnu á stórhættulegum stað og Viktor Örn stendur yfir boltanum.
87. mín
Viktor Örn með aukaspyrnu utan af kanti sem Trausti boxar í horn. Alltaf hætta þegar Viktor spyrnir í boltann.
85. mín
Sindri Scheving með lausa aukaspyrnu beint í fangið á Steinari. Haukar að renna út á tíma með að ná inn jöfnunarmarkinu.
80. mín Gult spjald: Axel Kári Vignisson (ÍR)
Gunnar Gunnarsson með ein breska sólatæklingu sem Halldór sér ekkert að. Axel var ekki sáttur með þetta allt og rauk í átt að Gunnari og stjakaði við honum og tryggði sér gult spjald
79. mín
Inn:Harrison Hanley (Haukar) Út:Davíð Sigurðsson (Haukar)
Haukar fara í þriggja manna vörn. Harrison fer upp á topp með Elton Barros.
78. mín
DAUÐAFÆRI!!!

Jón Gísli Ström kemst einn gegn Trausta en fyrrum Þróttarinn sér við honum og ver boltann með löppinni í horn.
76. mín
Inn:Már Viðarsson (ÍR) Út:Jóhann Arnar Sigurþórsson (ÍR)
Síðasta skipting Breiðhyltinga.
74. mín
Heimamenn áfram líklegri þrátt fyrir að vera manni færri. Engin teljandi færi þó skapast.
72. mín Gult spjald: Viktor Örn Guðmundsson (ÍR)
Brot út á miðjum velli. Halldór farinn að veifa frekar ódýrum spjöldum núna.
67. mín Rautt spjald: Baldvin Sturluson (Haukar)
RAUTT SPJALD!!!

Baldvin brýtur af sér úti við hliðarlínu og ekkert bendir til þess að Halldór ætli að gefa honum seinna gula spjaldið en svo eftir mínútu umhugsunarfrest ákveður hann að gera það. Mjög skrítið allt saman. Heimamenn orðnir manni færri.
65. mín
Inn:Sergine Fall (ÍR) Út:Jón Arnar Barðdal (ÍR)
Önnur skipting gestanna. Hinn eldfljóti Sergine Fall kemur inn fyrir Jón Arnar Barðdal sem sást lítið í dag.
62. mín Gult spjald: Elton Renato Livramento Barros (Haukar)
Sparkar á eftir Jordan Farahani þegar boltinn er farinn. Addó þjálfari ÍR-inga vill fá rautt en gult spjald líklega réttur dómur.
60. mín
Inn:Þórhallur Kári Knútsson (Haukar) Út:Arnar Aðalgeirsson (Haukar)
Fyrsta skipting heimamanna. Arnar verið lítið í boltanum í dag og víkur fyrir Þórhall Kára.
57. mín
Haukarnir enn og aftur í færi. Mistök hjá Andra Jónassyni, Haukur Ásberg kemst í gegn og rennir boltanum fyrir markið en þar er enginn. Þarna vantaði bara greddu í leikmenn Hauka.
56. mín
Haukur Ásberg með góðan sprett upp vinstri kantinn, sker svo inn á völlinn og á skot sem fer af varnarmanni og rétt framhjá. Steinar stóð frosinn á línunni og hefði ekki getað gert neitt. Liggur mark í loftinu hér hjá heimamönnum.
54. mín
Góð skyndisókn hjá ÍR-ingum. Jón Gísli með boltann fyrir á Hilmar Þór en Trausti kemst á undan í boltann og í kjölfarið er dæmd rangstaða á Jón Gísla.
50. mín
Heimamenn hafa komið af miklum krafti hér inn í seinni hálfleikinn á Gaman Ferða vellinum. Haukur Ásberg reynir að henda í einn screamer af 30 metrunum en þrumar boltanum langt yfir.
48. mín
Eftir hornspyrnuna dettur boltinn fyrir Arnar Aðalgeirsson á vítateigslínunni sem þrumar boltanum framhjá. Pressa á gestunum.
47. mín
Dauðafæri hjá heimamönnum! Fyrirgjöf frá Sindra Scheving frá vinstri, Elton Barros tók boltann niður lagði hann út á Daníel Snorra sem á gott skot sem Steinar ver í horn. Besta sókn Hauka í leiknum.
46. mín
Seinni hálfleikurinn er hafinn hér á Gaman Ferða vellinum. Vonum að það verði gaman hér í seinni hálfleiknum.
45. mín
Hálfleikur
Halldór Breiðfjörð flautar hér til hálfleiks á Gaman Ferða vellinum. Gestirnir leiða eftir mark frá Strömvélinni en það verður að segjast að markið kom upp úr heldur ódýrri vítaspyrnu. ÍR-ingum er alveg sama um það og ganga sáttir til búningsherbergja.
44. mín Gult spjald: Baldvin Sturluson (Haukar)
Uppsafnað. Búinn að fá tiltal og brjóta af sér eftir það. Óumflýjanlegt gult spjald.
39. mín
Inn:Hilmar Þór Kárason (ÍR) Út:Stefán Þór Pálsson (ÍR)
Stefán Þór neyðist til að yfirgefa völlinn meiddur. Var byrjaður að haltra fyrir þó nokkru síðan og gat bara ekki meir.
38. mín
Breiðhyltingar verið skeinahættir hér síðustu mínútur. Leyfa Haukum að vera með boltann, sem vita rosalega lítið hvað þeir ætla að gera við hann og sækja svo hratt á þá. Uppskrift sem hefur gengið vel hingað til.
34. mín
Stungusending inn fyrir vörn Hauka sem reyna að spila Jón Gísla rangstæðan. Jón Gísli missir boltann aðeins frá sér og fellur svo við í baráttunni við Gunnar Gunnarsson en nú dæmir Halldór ekkert.
30. mín
Stórhætta upp við mark Hauka eftir hornspyrnu. Boltinn fer af Gunnari Gunnarssyni og Trausti bregst vel við og ver boltann. Haukar hreinsa boltann beint á Viktor Örn Guðmundsson sem ætlar að snúa honum í fjær en boltinn fer rétt framhjá.
27. mín
ÍR-ingar í skyndisókn, komnir 4 á 2 eftir að Haukar töpuðu boltanum eftir horn en Strömvélin fer illa með þetta og Daníel Snorri kemur boltanum í horn.
24. mín
Jafnvægi í leiknum eins og er. Liðin skiptast á að sækja en skapa sér lítið sem ekkert.
16. mín
Gestirnir í færi. Flott þríhyrningaspil á vinstri kantinum hjá þeim, Jóhann Arnar fann Jón Arnar Barðdal á vítateigslínu og hann á skot sem Trausti ver. Góð sókn hjá Breiðhyltingum.
13. mín
Heimamenn verið töluvert meira með boltann hérna á upphafsmínútunum en ÍR-ingar hættulegir í skyndisóknum.
10. mín MARK!
Jón Gísli Ström (ÍR)
MAAAAARK!!

Trausti ver vítið en hann ver það beint út í teiginn og Jón Gísli skorar úr frákastinu. Haukamenn sofandi þarna og Jón Gísli mokar upp eftir sig.
10. mín Misnotað víti!
Jón Gísli Ström (ÍR)
8. mín
VÍTI!!!!!

Jón Gísli Ström fær hér boltann á vinstri kantinum og keyrir upp að endalínu með Davíð Sigurðsson og fellur við og Halldór Breiðfjörð bendir á punktinn. Mjög soft!
5. mín
Fyrsta færi leiksins er heimamanna. Eftir innkast dettur boltinn dauður inn í teig fyrir fætur Hauk Ásberg sem skýtur rétt framhjá markinu.
1. mín
Leikur hafinn
Hin stórskemmtilegi Halldór Breiðfjörð flautar hér til leiks. Vonum að við þurfum ekkert að tala mikið um hann hér í dag.
Fyrir leik
Liðin ganga hér út á völl og styttist í að flautað verði til leiks.
Fyrir leik
Upphitun klár og liðin ganga til búningsherbergja. Fyrir áhugasama þá er leikurinn sýndur á Haukar TV. Lýsing leiksins mun vera í höndum Kristjáns Ómars Björnssonar, fyrrverandi leikmanns Hauka og ÍR og Björgvins Stefánssonar, núverandi leikmanns Hauka. Linkurinn er hérna að neðan og einnig efst á forsíðu .net

Haukar TV: https://www.youtube.com/watch?v=yTh1QK_dKH4
Fyrir leik
Byrjunarliðin eru komin inn. Hjá Haukum vantar ennþá Björgvin Stefánsson sem er meiddur. Elton Renato Livramento Barros kemur inn fyrir hann og er það eina breyting heimamanna frá síðasta deildarleik. Hjá gestunum eru fjórar breytingar frá síðasta deildarleik. Jón Arnar Barðdal, Óskar Jónsson, Jóhann Arnar Sigurþórsson og Jordan Farahani koma inn fyrir Sergine Modou Fall, Reyni Haraldsson, Má Viðarsson og Guðfinn Þóri Ómarsson.
Fyrir leik
Breiðhyltingar gerðu hins vegar góða ferð norður á Akureyri í miðri viku og slógu Pepsi deildar lið KA út úr Borgunarbikarnum eftir framlengdan leik. Á sama tíma féllu Haukar úr leik eftir tap á móti Víking Reykjavík einmitt hér á Gaman ferða vellinum.
Fyrir leik
Haukarnir byrjuðu sumrið á 2-1 sigri gegn Þrótti áður en þeir mættu svo á þjóðarleikvanginn og gerðu 2-2 jafntefli við Fram. ÍR fóru austur á Selfoss í fyrstu umferð og lágu þar fyrir heimamönnum 1-0 í hörkuleik. Í annarri umferð fengu þeir Þróttara í heimsókn og töpuðu þar 1-2.
Fyrir leik
Haukar hafa farið ágætlega af stað í deildinni og eru með 4 stig eftir fyrstu tvær umferðirnar. Það sama verður ekki sagt um ÍR-inga en þeir eru stigalausir eftir þessa fyrstu tvo leiki.
Fyrir leik
Komiði sæl og verið velkomin í beina textalýsingu héðan frá Gaman Ferða vellinum í Hafnarfirði, eða Ásvöllum eins og almúgurinn kýs oftast að kalla hann. Það eru ÍR-ingar sem mæta hingað í heimsókn í fyrsta heimaleik Hauka í sumar.
Byrjunarlið:
1. Steinar Örn Gunnarsson (m)
Björn Anton Guðmundsson
7. Jón Gísli Ström
10. Jóhann Arnar Sigurþórsson ('76)
10. Viktor Örn Guðmundsson
13. Andri Jónasson
14. Óskar Jónsson
18. Jón Arnar Barðdal ('65)
21. Jordan Farahani
22. Axel Kári Vignisson
29. Stefán Þór Pálsson ('39)

Varamenn:
3. Reynir Haraldsson
4. Már Viðarsson ('76)
7. Jónatan Hróbjartsson
19. Eyþór Örn Þorvaldsson
27. Sergine Fall ('65)

Liðsstjórn:
Arnar Þór Valsson (Þ)
Ásgeir Aron Ásgeirsson (Þ)
Helgi Freyr Þorsteinsson
Hilmar Þór Kárason
Magnús Þór Jónsson
Sævar Ómarsson
Eyjólfur Þórður Þórðarson

Gul spjöld:
Viktor Örn Guðmundsson ('72)
Axel Kári Vignisson ('80)

Rauð spjöld: