Mark dæmt af! Rakel Hönnudóttir skallar boltann úr höndunum á Hrafhildi og inn. Réttilega dæmt af.

DAUÐAFÆRI! Heiðdís Sigurjóns er millímeter frá því að ná að skalla fyrirgjöf frá Sólveigu Larsen en nær ekki að teygja sig nóg.

Breiðablik búið að vera að koma sér uppa kanntana síðustu mínútur og hafa náð fyrirgjöfum en þær hafa ekki dottið á samherja. Ákafinn aðeins minnkað í leiknum myndi ekki útiloka annað mark.

Ingunn komin aftur inn en Blikar eiga horn

Núna er það Ingunn Haraldsóttir sem KR þarf að taka útaf og tékka á. Fékk högg á höfuðið. KR á engar skiptingar. Sýnist hún vera að gera sig klára til að koma aftur inná.

Rétt fyrir skiptinguna átti Fanndís Friðriks hörku skot sem Hrafnhildur varði vel. Hólmfríður byrjar á að komast upp kantinn og leika á tvo varnarmenn Blika áður en þær náðu að hreinsa. Hinum megin á Berglind skalla af stuttu færi sem er varinn. Nóg líf í þessum leik.

ÚFFFFF!!! Fanndís á frábært skot fyrir utan sem syngur í samskeytunum. Henni dauðlangar að klára þessa þrennu.

Breiðablik fær aukaspyrnu rétt fyrir utan teig, hægra megin.

Löng sókn Blika. Þær ná einhverjum fimm sendingum sín á milli í teignum en engin tekur skotið og boltinn endar í horni. KR hreinsar en sókn Blika heldur áfram.

Breiðablik með algjöra yfirburði, Svava og Fanndís hafa farið framhjá bakvörðum KR að vild og skapað urmul að færum.

Svava annaðhvort með misheppnaða fyrirgjöf eða metnaðarfyllsta skot sumarsins af hægri kantinum, en það lekur framhjá fjærstönginni.

Breiðablik með aukaspyrnu á hættulegum stað, svona þrem metrum frá hornfánanum vinstra megin. Boltinn skopar manna á milli þangað til hann berst til Fanndísar sem er góðri vörslu Hrafnhildar frá því að klára þrennu.

Fanndís sendir boltann á Berglind á markteigslínunni en annar hafsenta KR er vel vakandi og nær að hreinsa hann útaf.

Fanndís aftur! Núna hægra meginn í teignum, á flott skot á fjærstöngina en boltinn lekur framhjá. Þetta gæti endað mjög, mjög illa fyrir KR.

Ásdís Karen vinnur Heiðdísi í kapphlaupi upp hægri kantinum og reynir fyrir gjöf sem Sonný Lára grípur örruglega. Blikar bruna í sókna og Fanndís vinnur horn.

Ásdís Karen finnur smá pláss í teig Blika og á skot í stöngina úr ákaflega þröngu færi, að ég held fyrsta skot KR.

Svava Rós með hornspyrnu fyrir Breiðablik sem endar í hliðarnetinu. Spurning hvort hún hafi verið að reyna að sitja hann inn í vinkilinn.

Svava Rós brunar framhjá Hugrúnu á hægri kantinum og gefur boltann inn á teiginn, en sóknarmenn KR eru alli nokkrum metrum fyrir framan sendinguna. Breiðablik með algjört tak á leiknum.

Smá pása meðan hlúð er að Hugrúnu Lilju Ólafsdóttir. Edda Garðarsdóttir notar tækifærir til að kalla leikmenn til sín og messa aðeins yfir þeim. Hugrún kemur aftur inná.

Dauðafæri! Berglind Björg fær boltann í teignum, leikur á varnarmann KR og skýtir á markið en rétt framhjá.

Aftur þarf Hrafnhildur Agnardóttir að koma út og grípa langan bolta yfir vörnina.

KR gengur illa að halda boltanum innan liðsins.

Sara Lissy kemst í gegn hinum megin en Heiðdís tæklar hana í teignum og nær boltanum. Einhverjir í stúkunni hrópa á víti.

Berglind Björg kemst framhjá Ingunni Haraldsdóttir með boltann og er ein á móti markmanni en Hrafnhildur Agnarsdóttir kemur langt út og hreinsar hann frá.

Þetta var fjórða mark Fanndísar í sumar.

Það fyrsta sem KR gerir er að missa boltann og Breiðablik á fína sókn.

Víti! Andrea Rán skaut á vítateigslínu og varnarmaður KR varði með hendi.