KR
2
2
FH
0-1 Kristján Flóki Finnbogason '42
Óskar Örn Hauksson '48 1-1
1-2 Atli Guðnason '67
Arnór Sveinn Aðalsteinsson '80 2-2
28.05.2017  -  20:00
Alvogenvöllurinn
Pepsi-deild karla 2017
Dómari: Gunnar Jarl Jónsson
Byrjunarlið:
13. Sindri Snær Jensson (m)
Pálmi Rafn Pálmason
2. Morten Beck
5. Arnór Sveinn Aðalsteinsson
7. Skúli Jón Friðgeirsson
8. Finnur Orri Margeirsson
11. Kennie Chopart (f)
11. Tobias Thomsen ('86)
16. Indriði Sigurðsson
20. Robert Sandnes ('76)
22. Óskar Örn Hauksson (f)

Varamenn:
12. Jakob Eggertsson (m)
3. Ástbjörn Þórðarson
4. Michael Præst ('86)
9. Garðar Jóhannsson ('76)
18. Aron Bjarki Jósepsson
23. Atli Sigurjónsson
23. Guðmundur Andri Tryggvason

Liðsstjórn:
Willum Þór Þórsson (Þ)
Arnar Gunnlaugsson
Magnús Máni Kjærnested
Valgeir Viðarsson
Jón Hafsteinn Hannesson
Henrik Bödker
Óðinn Svansson

Gul spjöld:
Kennie Chopart ('82)

Rauð spjöld:
Leik lokið!
Þessu er lokið hér á Alvogen-vellinum. Liðin skipta stigunum sín á milli. FH er í áttunda sæti með 6 stig en KR í fimmta sæti með 7 stig. Viðtöl og skýrslan koma innan skamms.
88. mín
Inn:Atli Viðar Björnsson (FH) Út:Steven Lennon (FH)
86. mín
Inn:Michael Præst (KR) Út:Tobias Thomsen (KR)
83. mín
Inn:Þórarinn Ingi Valdimarsson (FH) Út:Atli Guðnason (FH)
82. mín Gult spjald: Kennie Chopart (KR)
80. mín MARK!
Arnór Sveinn Aðalsteinsson (KR)
Stoðsending: Garðar Jóhannsson
ARNÓR SVEINN JAFNAR METIN!!! Garðar Jóhannsson var nýkominn inn og átti sendingu sem fór af varnarmanni. Arnór skaut á markið en boltinn fór af Kassim og í vinstra hornið.
76. mín
Inn:Garðar Jóhannsson (KR) Út:Robert Sandnes (KR)
75. mín
MORTEN BECK MEÐ FÍNT SKOT!!! Krullaði hann þarna rétt fyrir utan vítateig en Gunnar enn og aftur að verja vel.
75. mín
FH-ingara hafa alls ekki verið betri en KR-ingar í þessum leik en eru að nýta sín færi vel. KR-ingar hafa verið meira skapandi en það eru mörkin sem telja.
74. mín
Inn:Emil Pálsson (FH) Út:Halldór Orri Björnsson (FH)
67. mín MARK!
Atli Guðnason (FH)
Stoðsending: Kassim Doumbia
ATLI GUÐNASON AÐ SKORA!!!! Kassim Doumbia hoppar hátt upp í loftið og nær að skalla boltann á Atla sem er í þröngu færi vinstra megin en nær skoti í fjærhornið. Þessir tveir búnir að vera öflugir í dag!
65. mín
Óskar Örn með skot sem Gunnar á í erfiðleikum með. Varði boltann og var síðan nálægt því að missa hann en náði þó að handsama hann á endanum.
64. mín Gult spjald: Kristján Flóki Finnbogason (FH)
63. mín
Arnór Sveinn með skot af löngu færi en Gunnar grípur þennan bolta.
62. mín
VÁ ÞETTA VAR HÆTTULEGT!!! Chopart nær einhvern vegin að pota í boltann og koma honum inn fyrir á Thomsen. Hann er einn gegn Gunnari, sem byrjar á því að hlaupa út úr markinu en hættir við. Thomsen nær ekki að koma sér á nægilega mikla ferð og varnarmenn FH ná honum áður en hann kemst að marki.
58. mín
VÁ KENNIE CHOPART!!! Óskar með frábæra sendingu á Chopart sem reyndi að klippa boltann í netið en Gunnar varði vel frá honum. Þetta hefði verið svakalegt mark.
52. mín
Chopart kominn í gegn og nær skoti en dómarinn er þegar búinn að dæma rangstöðu.
49. mín
ATLI GUÐNA Í DAUÐAFÆRI!!! Kom fyrirgjöf frá vinstri og Atli var einn og óvaldaður en fær boltann einhvern vegin í sig og framhjá markinu. Það var erfitt að sjá þetta.
48. mín MARK!
Óskar Örn Hauksson (KR)
Stoðsending: Finnur Orri Margeirsson
ÓSKAR MEÐ LAGLEGT MARK!!! Finnur Orri með skemmtilega sendingu inn í teiginn og þar var Óskar fljótur að átta sig og skoraði örugglega framhjá Gunnari í markinu.
46. mín
Síðari hálfleikur er hafinn.
45. mín
Hálfleikur
Það er búið að flauta til hálfleiks. FH-ingar leiða með einu marki. KR-ingar hafa verið töluvert öflugri í sóknarleiknum en þetta færi FH-inga var nóg til þess að leiða.
42. mín MARK!
Kristján Flóki Finnbogason (FH)
Stoðsending: Atli Guðnason
KRISTJÁN FLÓKI AÐ SKORA!!! Atli Guðnason fær boltann vinstra megin í teignum eftir góða fyrirgjöf frá hægri. Atli reyndi skot á markið en það fór af varnarmanni og fyrir Flóka sem henti sér í flugskalla og skoraði.
41. mín
Indriði Sigurðsson með skot fyrir utan teig en það fer yfir markið.
40. mín
Tobias komst í kjörið tækifæri þarna til að koma KR yfir. Það kom fyrirgjöf frá hægri vængnum en hann nær ekki að afgreiða þetta nægilega vel. KR-ingar fá þó hornspyrna sem verður ekkert úr.
38. mín
Crawford með skot vel yfir markið. Hann var í litlu jafnvægi þegar hann var að munda skotfótinn.
35. mín
Óskar Örn liggur á vellinum eftir skallaeinvígi við Kristján FLóka. Mér sýndist þetta nú vera óviljaverk hjá Flóka en Óskar virðist ekki sáttur. Menn að kalla eftir gulu spjaldi.
33. mín
Tobias Thomsen með fínustu tilraun. Lék sér aðeins með boltann hægra megin við teiginn áður en hann skaut með vinstri. Gunnar þó á vaktinni og handsamaði boltann.

26. mín
Óskar vill fá vítaspyrnu. Böðvar virtist fella hann innan teigs þarna en sýndist þetta þó vera smá leikþáttur hjá Óskari. Ég er samt viss um að það hafi verið smá snerting þarna.
25. mín
ÓSKAR ÖRN MEÐ HÖRKUSKOT!!! Var með boltann rétt fyrir utan vítateig, setti hann á hægri fótinn og lét vaða. Gunnar varði ótrúlega. Boltinn virtist á leið inn en Gunnar bjargaði þeim frábærlega þarna.
24. mín
Thomsen!!! Fékk boltann hægra megin í teignum en færið var þröngt. Gunnar varði vel. KR á hornspyrnu. KR-ingar mun sprækari í sínum sóknaraðgerðum.
21. mín
KASSSIM!!! Böðvar með góða aukaspyrnu inn í teig og þar var Kassim mættur en hann náði ekki að stýra honum á markið. Það er stórhættulegt að skilja hann eftir í föstum leikatriðum, KR-ingar vita það!
18. mín
Vandræðagangur í teig FH-inga sem endar með því að Óskar Örn nær skoti á markið en það er beint á Gunnar. Þarna skall hurð nærri hælum. FH-ingar í basli.
14. mín
Brotið á Morten Beck. Bóas, einn helsti stuðningsmaður KR, veifar rauða spjaldinu úr stúkunni og stuðningsmenn biðja dómarann að hlusta á Bóas!
11. mín
Uppstillingin er nákvæmlega eins og kom fram í líklegu uppstillingunni, þannig það þarf ekkert að laga það neitt frekar. Þannig eru liðin!
11. mín
Kristján Flóki með skot úr teignum en yfir markið. Ágætis tilraun hjá honum. KR-ingar hafa þó verið örlítið betri í byrjun leiks.
11. mín
Vefurinn var aðeins að stríða okkur fyrstu mínúturnar en ætti að vera komið í lag. Lítið markvert búið að gerast.
1. mín
Leikur hafinn
Leikurinn er byrjaður.
Fyrir leik
Það er NBA stemmari á Alvogen-vellinum. Það er verið að skjóta KR-bolum upp í stúku. Vonandi verður eitthvað magnað hálfleiks-show.
Fyrir leik
Líkleg uppstilling KR 3-4-3:

Sindri Snær
Arnór Sveinn - Indriði - Skúli
Morten Beck - Pálmi - Finnur - Sandnes
Óskar - Thomsen - Chopart
Fyrir leik
Líkleg uppstilling FH 4-4-2:

Gunnar Nielsen
Hendrickx - Bergsveinn - Kassim - Böðvar
Halldór - Davíð - Crawford - Atli
Flóki - Lennon

Það má búast við þessu svona eða 4-3-3:

Nielsen
Hendrickx - Bergsveinn - Kassim - Böðvar
Halldór - Davíð - Crawford
Atli - Flóki - Lennon
Fyrir leik
KR-ingar gera tvær breytingar. Robert Sandnes og Sindri Snær Jensson koma inn fyrir Aron Bjarka Jósepsson og Stefán Loga Magnússon.
Fyrir leik
Steven Lennon og Kristján Flóki myndu þá mynda sóknarteymi með Davíð Þór Viðarsson og Robbie Crawford á miðjunni. Atli Guðna og Halldór Orri á köntunum. Þeir gætu hinsvegar líka spilað 4-3-3 en það kemur allt í ljós bráðlega.
Fyrir leik
Það virðist vera sem svo að FH-ingar fari í 4-4-2 í dag. Við munum væntanlega sjá Bergsvein Ólafsson og Kassim Doumbia í miðvörðunum með þá Böðvar og Jonathan Hendrickx í bakvörðunum.
Fyrir leik
Davíð Þór Viðarsson, fyrirliði FH:
Hvorugt liðið er á þeim stað sem það vill vera á. Við höfum ekki verið að spila nógu vel og við getum ekkert verið að væla yfir því að við séum á ósanngjörnun stað í töflunni. Við þurfum að bæta okkar leik og við höfum verið að vinna í því.

Við erum í þeirri stöðu núna að vera ekki búnir að vinna í þremur leikjum í röð í deildinni. Við ætlum að sýna úr hverju við erum gerðir. Ég veit að við munum mæta klárir í slaginn. Vonandi náum við að bæta það sem hefur vantað í síðustu þremur leikjum.
Elvar Geir Magnússon
Fyrir leik
KR-ingar voru með tök á FH-ingum síðasta sumar en liðið vann báðar viðureignir í deildinni, 1-0.
Fyrir leik
Liðin mættust síðast í undanúrslitum Lengjubikarsins þar sem KR hafði betur, 2-1. KR-ingar unnu svo Grindavík í úrslitum, nokkuð örugglega.
Fyrir leik
KR-ingar því búnir að tapa tveimur og vinna tvo. Aðeins eitt stig skilur liðin að en þetta verður þó alger sex stiga leikur í kvöld, enda þessi lið yfirleitt í baráttu í efsta hluta deildarinnar.
Fyrir leik
KR-ingar áttu svolítið öðruvísi byrjun. Liðið fékk skell í fyrstu umferð. Tobias Thomsen kom liðinu yfir gegn Víking R. en gestirnir breyttu til í hálfleik og sáu þeir Geoffrey Castillion og Dofri Snorrason um að ná í þrjú stig þar. KR náði í sigur gegn Ólafsvíkingum í næstu umferð þar á eftir, 2-1. KR vann svo annan 2-1 sigur, að þessu sinni á ÍA en liðið tapaði svo fyrir Val, 2-1 í síðustu umferð.
Fyrir leik
FH-ingar fengu KA í annarri umferð og gerðu 2-2 jafntefli þar sem gestirnir í KA jöfnuðu á lokamínútu leiksins með ótrúlegu flautumarki. Ásgeir Sigurgeirsson gerði það mark.FH gerði þá 1-1 jafntefli við VAl í þriðju umferð og tapaði liðið svo fyrir Fjölni 2-1 í síðustu umferð.
Fyrir leik
Íslandsmeistararnir í FH hafa átt skringilega byrjun í deildinni til þessa. Steven LEnnon skoraði þrennu í góðum 4-2 sigri á ÍA í fyrstu umferð en liðið hefur ekki síðan þá.
Fyrir leik
Já, komið þið sæl og blessuð og verið hjartanlega velkomin í beina textalýsingu frá leik KR og FH í 5. umferð Pepsi-deildar karla í knattspyrnu.
Byrjunarlið:
1. Gunnar Nielsen (m)
Davíð Þór Viðarsson
5. Bergsveinn Ólafsson
6. Robbie Crawford
7. Steven Lennon ('88)
11. Atli Guðnason ('83)
18. Kristján Flóki Finnbogason
20. Kassim Doumbia
21. Böðvar Böðvarsson
22. Halldór Orri Björnsson ('74)
26. Jonathan Hendrickx

Varamenn:
12. Vignir Jóhannesson (m)
8. Emil Pálsson ('74)
16. Jón Ragnar Jónsson
17. Atli Viðar Björnsson ('88)
23. Þórarinn Ingi Valdimarsson ('83)
23. Veigar Páll Gunnarsson
29. Guðmundur Karl Guðmundsson

Liðsstjórn:
Heimir Guðjónsson (Þ)
Ólafur Páll Snorrason
Eiríkur K Þorvarðsson
Guðjón Örn Ingólfsson
Ólafur H Guðmundsson
Róbert Magnússon

Gul spjöld:
Kristján Flóki Finnbogason ('64)

Rauð spjöld: