Liðin eru mætt út á völl og það er örstutt í þetta. Hvet fólk til að drífa sig á völlinn og taka þátt í fjörinu.

Byrjunarliðin eru klár og það er lítið um breytingar. Valsarar stilla upp sama liði og sigraði Fylki á laugardag en Grindvíkingar gera tvær breytingar. Emma Higgins kemur í markið og Berglind Ósk Kristjánsdóttir kemur inn í liðið fyrir Helgu Guðrúnu Kristinsdóttur sem fer á bekkinn. Á bekknum er einnig títtrædd Thaisa De Moraes Rosa Moreno og virðist því vera að jafna sig af meiðslum.

Byrjunarliðin munu birtast hér til hliðar kl.18:15, klukkustund fyrir leik. Það verður fróðlegt að sjá hvernig liðin verða skipuð.

Þjálfarar Vals hafa verið að rótera leikmönnum svolítið í síðustu leikjum og spurning hvort þau haldi sig við sigurformúlu síðasta leiks. Katrín Gylfadóttir var þá á meðal varamanna en hún er nýkomin heim frá Bandaríkjunum þar sem hún er í námi. Ef hún er í leikformi hlýtur að vera stutt í að við sjáum hana spreyta sig.

Hjá Grindavík hefur stórstjarnan Thaisa De Moraes Rosa Moreno verið frá vegna meiðsla í tveimur síðustu leikjum og munar um minna. Orðið á götunni er að ólíklegt sé að hún geti tekið þátt í kvöld og spurning hvaða leiðir Róbert Haraldsson fer til að hrista upp í sínu liði eftir tvo tapleiki í röð.

Fótbolti.net fékk Önnu Garðarsdóttur til að spá fyrir um úrslit í 6. umferð og hún spáir stórsigri sinna gömlu félaga í Val.

Valur 4 - 0 Grindavík
Margrét Lára minnir á hver drottningin er og skorar a.m.k. 3. Svo finnst mér ekki ólíklegt að Kletturinn Pála Marie læði inn einu eftir hornspyrnu en ég veit það ekki.

Heimakonur unnu langþráðan sigur gegn Fylki í nýafstaðinni umferð og eru því komnar á sigurbraut eftir erfiða byrjun á Íslandsmótinu. Grindavík hefur hinsvegar tapað með þriggja marka mun í síðustu tveimur leikjum.

Liðið sem vinnur í kvöld gæti klifrað upp töfluna og komist í 5. sæti ef FH tapar gegn Stjörnunni og markahlutfall verður hagstætt.

Heil og sæl!

Verið velkomin í beina textalýsingu frá leik Vals og Grindavíkur í Pepsi-deild kvenna. Um er að ræða leik í sjöttu umferð en eftir fimm leiki eru bæði lið með 6 stig. Valur í 6.sæti deildarinnar en Grindavík í því sjöunda með sex mörk í mínus og lakara markahlutfall en Valsarar sem eru á núlli.