Selfyssingar byrja með knöttinn

Liðin ganga nú inn á Leiknisvöllinn. Allt til reiður hér. Aðstæður til knattspyrnuiðkunar verða vart betri svo það er eftir engu að bíða. Flottur fótboltaleikur hér í vændum!

Gestirnir í Selfoss stilla upp nákvæmlega sama liði og í 1-0 sigurleiknum gegn HK í síðustu umferð. "Þú breytir ekki sigurliði" sagði einhver mætur maður einu sinni og Gunni Borg virðist treysta á það sama í dag og skilaði honum sigri síðast.

Annars minni ég á Twitter @fotboltinet @saevarol ef menn vilja tjá sig um daginn, veginn eða jafnvel knattspyrnu og þá sérstaklega þennan tiltekna leik.

Leiknisliðið gerir nokkrar breytingar frá því í síðasta leik gegn Fylki.

Inn koma
Aron Fuego Daníelsson
Daði Bærings Halldórsson
Brynjar Hlöðversson

Út detta
Kolbeinn Kárason - meiddur
Kristján Páll Jónsson
Skúli E. Kristjánsson Sigurz

Hálftími til leiks. Liðin bæði komin út á völl að hita. Völlurinn hér í Breiðholti skartar svo sannarlega sínu fegursta.

Leiknisliðinu fór í misheppnaða lautarferð í Árbæinn í síðustu umferð. Heimamenn í Fylki stóðu uppi sem sigurvegar í þeim leik sem var sanngjörn niðurstaða í annars daufum fótboltaleik þar sem Leiknisliðið var langt frá sínu besta. Lokatölur 2-0 fyrir þá appelsínugulu.

Selfyssingar mættu HK á heimavelli í síðasta leik þar sem Alfie Conteh Lasalle skoraði eina mark leiksins og tryggði stigin þrjú.

Leiknisliðið hefur farið rólega afstað í Inkasso deildinni í sumar og sitja sem stendur í 10.sæti deildarinnar með 5 stig af þeim 15 sem þeir hafa keppt um.

Leiknisliðið hefur hinsvegar gert gott mót í Borgunarbikarnum þar sem næstu mótherjar eru ÍA í 8-liða úrslitum.

Fyrir tímabilið var Leiknisliðinu spáð 6.sæti

Kristófer Sigurgeirsson þjálfari Leiknis tók við liðinu á haustmánuðum eftir að ljóst var að Kristján Guðmundsson myndi ekki halda áfram með liðið. Nokkrar mannabreytingar hafa orðið í Breiðholtinu þar sem sterkir póstar hafa horfið á braut og ný og fersk andlit hafa gengið í raðir liðsins.

Leiknisliðið getur á góðum keppt við flest ef ekki öll lið deildarinnar en liðið leitar að stöðugleika þar sem frammistöður hafa verið æði misjafnar það sem af er sumri.

Á síðasta tímabili var markaskorun vandamál hjá liðinu þar sem liðið skoraði einvörðungu 21 mark í 22 leikjum.

Liðið hefur í ár skorað 7 mörk en á móti fengið á sig 8 mörk. Föst leikatriði verða að teljast styrkleiki hjá Leiknisliðinu með spyrnumann eins og Ragnar Leósson og góða hæð í teignum. Varnarlega hefur liðið hinsvegar ekki varist föstum leikatriðum vel sem hefur reynst liðinu dýrkeypt.

Lykilleikmenn Leiknisliðsins verða að teljast miðvörðurinn Halldór Kristinn Halldórsson og miðjumennirnir Brynjar Hlöðversson og Ragnar Leósson.

Selfoss liðinu hefur vegnað vel það sem af er tímabili og sitja sem stendur í 4.sæti Inkassó deildarinnar með 10 stig af 15.

Fyrir tímabil var Selfyssingum spáð 5.sæti

Gunnar Borgþórsson þjálfari liðsins tók við liðinu á miðju tímabili 2015 og er því á sínu öðru heila tímabili með liðið. Selfyssingar eru skipulagðir og eru þéttir varnarlega. Í fyrra fékk liðið aðeins á sig 25 mörk og það sem af er tímabili hefur liðið aðeins fengið á sig 4 mörk.

Markaskorun var ákveðið vandamál í fyrra en liðið virðist vera beittara fram á við í ár en á sama tíma í fyrra enda náði liðið að halda vel í sinn kjarna í vetur og byggja ofan á þann góða grunn sem lagður var á síðasta tímabili

Lykilleikmenn liðsins eru hinn 36 ára gamli Andy Pew - James Mack og svo hefur sóknarmaðurinn Alfie Conteh Lacalle verið sprækur. Annars eru fáir veikir hlekkir í Selfossliðinu.

Heilir og sælir landsmenn góðir

Verið velkomin í þessa lifandi textalýsingu héðan úr Efra-Breiðholtinu þar sem heimamenn úr Leikni R taka á móti Selfyssingum í sannkölluðum slag.