Bjarki Þór Viðarsson er kominn aftur í liðið hjá KA eftir að hafa tekið út leikbann í síðustu umferð.
Bjarki, Ásgeir og Ívar Örn voru allir að spila með U-21 árs landsliðinu gegn Englandi á Laugardaginn og komu allir við sögu í leiknum.
Sömu sögu má segja um Skagamennina Tryggva Hrafn Haraldsson og Albert Hafsteinsson.

Bjarni Jó var að mæta á völlinn. Mætir ásamt Gunna Nella fyrrum Stjórnarformanni KA. Bjarni þjálfaði KA 2013-2015 og er núna mættur á völlinn með KA trefil um hálsinn!

Garðar Gunnlaugs er mættur aftur í hóp hjá ÍA eftir lungnabólgu. Það er mjög sterkt fyrir ÍA ef hann kemur inn af krafti og vonum að hann sé búinn að jafna sig á þessum veikindum.

Steinþór Freyr dettur úr hópnum hjá KA í dag, meiðslin aftaní læri sem hafa verið að hrjá hann tóku sig aftur upp á æfingu. Það er ljóst að KA mátti ekki við þessum meiðslum og vonum að þetta sé ekki alvarlegt hjá Steinþóri.
Meiðslalistinn hjá KA verður lengri og lengri en nú þegar eru: Archange Nkumu, Davið Rúnar Bjarnason, Halldór Hermann Jónsson og Guðmann Þórisson allir frá vegna meiðsla

Liðin eru komin inn.

KA teflir fram óbreyttu byrjunarliði frá 4-1 útisigrinum gegn Víkingi Ólafsvík í síðustu umferð. Skagamenn töpuðu 2-3 fyrir Blikum og gera eina breytingu. Stefán Teitur Þórðarson kemur inn.

Varnarmaðurinn Robert Menzel fer á varamannabekkinn en hann hefur fengið mikla gagnrýni fyrir slaka frammistöðu í byrjun móts.

Þóroddur Hjaltalín dæmir leikinn í dag. Honum til aðstoðar eru Frosti Viðar Gunnarsson og Eðvarð Eðvarðsson. Grétar Guðmundsson er eftirlitsdómari í dag og Sigurður Hjörtur Þrastarson er varadómari.

Þess má til gamans geta að Gunnlaugur Jónsson þjálfaði KA liðið árin 2011 og 2012 og var í baráttu um að komast upp seinna árið sitt.
Arnar Már Guðjónsson leikmaður ÍA spilaði einnig með KA árin 2008 og 2009 og var fyrirliði liðsins seinna árið eftir að Almarr Ormarsson, sem er í KA liðinu í dag fór í Fram.
Arnar fór sínar eigin leiðir og spilaði í treyju nr. 1 sem útileikmaður!

ÍA eru komnir í 8 liða úrslitin í Borgunarbikarnum eftir 2-1 sigur á Gróttu og mæta Leikni Reykjavík þar.
KA datt hinsvegar býsna óvænt útúr bikarnum í 32 liða úrslitum gegn ÍR í framlengdum leik.

KA vann sterkan 4-1 sigur í Ólafsvík í síðustu umferð eftir að hafa tapað dýrmætum stigum í uppbótartíma gegn bæði Víkingi Reykjavík og Stjörnunni í umferðunum þar á undan.
ÍA tapaði 3-2 á Skaganum gegn Blikum í síðustu umferð þar sem liðið lenti 3-0 undir. Þeir fengu sín einu stig í umferðinni á undan með öflugum 4-1 sigri í Eyjum.

KA og ÍA léku síðast í sömu deild árið 2014 í 1.deild. KA vann fyrri leikinn á Skaganum 2-4 og seinni leiknum lauk með 2-2 jafntefli á þessum velli sem liðin spila á í kvöld.
Hallgrímur Mar skoraði 3 mörk gegn ÍA þetta sumar og hann er í KA liðinu í kvöld, gaman að sjá hvort hann haldi uppteknum hætti gegn Skagamönnum.

Fyrir þennan leik situr KA í fjórða sætinu með 11 stig en ÍA eru í 11.sæti með aðeins 3 stig og þurfa þeir nauðsynlega að fara safna stigum ef þeir ætla að forðast falldrauginn í sumar.

Góða kvöldið og verið velkomin í beina textalýsingu frá Akureyrarvelli þar sem KA fær ÍA í heimsókn í 7. Umferð Pepsí-deildar karla.