Liðin ganga inn á völlinn. Ég býst við hörkuleik!

Nýjar fréttir af Begga vallarstjóra: Hann kemur ekki á leikinn, heldur ætlar hann að horfa á leikinn í sjónvarpinu. Ótrúleg vondbrigði en hinir bestu menn eiga það til að veikjast. Persónulega finnst mér að það eigi ekki að vera spilaður fótboltaleikur hér í Grindavík nema Beggi vallarstjóri sé viðstaddur.

Byrjunarliðin eru að týnast inn í búningsklefa. Þetta styttist!

Andri Rúnar var að smella einum af þrjátíu metrunum framhjá Jajalo. Erum við að fara að sjá eitthvað svipað í kvöld?

Það er mikið áfall fyrir Grindvíkinga í dag. Beggi vallarstjóri var veikur og mætti því ekki í vinnuna. Spurning hvort hann mæti á völlinn. Ég verð á vaktinni

Byrjunarliðin eru komin í hús en þau má sjá hér til hliðar! Aðeins ein breyting er á liðunum og á Grindavík þá breytingu. Alexander Veigar kemur inn í byrjunarliðið fyrir Björn Berg Bryde sem er ekki í hóp í kvöld.

FH-ingar stilla upp sama liði og í 3-0 sigrinum á Stjörnunni

Í kvöld verður einvígi markahæstu leikmanna Pepsi-deildarinnar. Andri Rúnar Bjarnason hjá Grindavík og Steven Lennon hjá FH hafa báðir verið heitir á tímabilinu og eru komnir með 6 mörk, eða eitt mark í leik að meðaltali. Ekki amalegt!

Þá er Kristján Flóki einnig búinn að vera iðinn við kolann hjá FH en hann er kominn með fjögur mörk.

Grindavík og FH hafa alls 43 sinnum og hafa FH-ingar haft mikla yfirburði í viðureignum liðanna.

Fyrst mættust liðin í bikarkeppninni árið 1975 þar sem FH vann örugglega, 3-0. Tuttugu árum síðar voru liðin saman í deild í fyrsta skipti þar sem liðin skiptust á sigrum.

Alls hafa FH-ingar unnið 28 leiki af þessum 43 en Grindvíkingar hafa aðeins unnið 9 leiki. Markatalan í viðureignum liðanna er 103-51, FH í vil.

Það eru komin fimm ár síðan liðin mættust síðast í Pepsi-deildinni. Liðin gerðu 1-1 jafntefli í Kaplakrikanum árið 2012 en í síðari leiknum vann FH 1-0 í Grindavík.

FH varð Íslandsmeistari þetta sumar en Grindavík endaði í botnsætinu og féll því niður í Inkasso-deildina.

Liðin mættust hins vegar í Borgunarbikarnum árið 2015 þar sem FH vann 2-1 í hörkuleik.

Bæði lið koma á sigurbraut inn í þennann leik en Grindavík vann frækinn sigur á KR í Vesturbænum í síðustu umferð, 1-0 og var það Andri Rúnar Bjarnason sem skoraði markið úr vítaspyrnu.

FH sýndi meistaratakta í síðustu umferð þegar þeir rifu eitthvað heitasta lið landsins, Stjörnuna niður á jörðuna með 3-0 sigri. Mörkin skoruðu Steve Lennon, Kristján Flóki Finnbogason og Þórarinn Ingi Valdimarsson

Ef einhver hefði spáð því fyrir mót að eftir sex leiki væri Grindavík fyrir ofan FH, þá hefði sá hinn sami líklega verið litinn hornauga!

En raunin er hins vegar sú að Grindavík situr í toppsætinu með þrettán stig ásamt Val og Stjörnunni.

FH situr hins vegar í fimmta sæti Pepsi-deildarinnar, fjórum stigum á eftir toppliðunum þremur

Komið sæl og verið velkomin á leik Grindavíkur og Íslandsmeistara FH í sjöundu umferð Pepsi-deildar karla!