Jónsi að syngja áfram Fjölnir í græjunum.

Þetta er að detta á.

Styttist í leikinn....það eru hreinlega sorglega fáir á vellinum hér í kvöld.

Mikið vildi ég nú að einhver hundruð eigi eftir að mæta á næstu mínútum.

Eins og áður fylgjum við hér tístslóðum yfir leiknum...þeir sem vilja koma með innlegg endilega henda inn myllumerkinu #fotboltinet og hvur veit nema það birtist í þessari mögnuðu lýsingu okkar hér!

Eilitlar aukaútskýringar á leikmannafæð Víkinga.

Alonso Gonzales veiktist í dag og Kvame Quee er ekki kominn til baka eftir að hafa tekið þátt í landsliðsverkefni með Sierra Leone.

Auk meiðsla i hópnum auðvitað...en þessar tvær fjarverur komu óvænt upp.

Byrjunarliðin eru komin...

Bæði lið gera þrjár breytingar frá síðasta leik.

Fjölnismenn gera þrjár breytingar á liðinu sem tapaði fyrir Víkingum, Tadejevic, Dszolan og Birnir Snær koma í liðið í stað Bojan, Gunnars Más og Torfa Tímóteusar.

Hjá Víkingum koma Alfreð Már, Pape og Gunnlaugur Hlynur inn fyrir Hörð, Alonso Gonzalez og Kwame Quee.

Athygli vekur að einungis fimm leikmenn verma varamannabekk gestanna í dag, enda meiðsli að hrjá liðið!

Sólarljósið verður væntanlega ekki að trufla og hæfilega hefur rignt.

Erum við ekki bara að fara að horfa á dúndrandi skemmtun út í gegn...eins og þegar kusum er hleypt út á vorin!!!

Fyrir leikinn í kvöld sitja Víkingar á botni deildarinnar með 3 stig úr 6 leikjum en Fjölnismenn eru í níunda sætinu með 7 stig. Það má kannski lýsa þessu sem fallbaráttuslag...en þó er að muna það að einungis um 30% eru liðin af mótinu og fullt af stigum í pottinum!

Skemmst er frá því að segja að í hvorugu þessara liða er leikmaður sem er að kljást við fyrrum liðsfélaga.

Vantar alltaf pínu krydd finnst mér þear svoleiðis er ekki uppi á teningi!

Gunnar Jarl Jónsson er flautuleikari kvöldsins, á flöggunum honum til aðstoðar eru þeir Birkir Sigurðsson og Smári Stefánsson. Fjórði dómarinn er Tómas Orri Hreinsson.

Það er nú eins gott að menn misstígi sig ekki í störfum kvöldsins þar sem að við eftirlit er maður kenndur við Árneshrepp á Ströndum og alla þá fjölkynngi sem þar finnst. Viðar Helgason rýnir í dómarastörf kvöldsins sem eftirlitsmaður KSÍ!

Víkingar voru í miklum meiðslavandræðum fyrir landsleikjahlé en ekkert hefur enn spurst til þess hvernig staðan er á nokkrum leikmönnum þeirra fyrir kvöldið. Það ríkir því töluverður spenningur á þeim bænum fyrir liðsvalinu.

Fjölnismenn hafa líka saknað lykilmanna en upplýsingar eru um það að betur horfi hjá þeim.

Fjölnismenn hafa nokkuð grimmt tak á Víkingum í Grafarvoginum. Í þessum leik í fyrra urðu þeir fyrsta liðið til að sigra Víkinga í deildinni þegar þeir skelltu gestunum 5-1.

Leikinn þar á undan unnu svo Víkingar, það var árið 2012 sem var jú árið þar sem þeir fóru upp í Pepsi-deild í fyrsta sinn.

Fjölnismenn koma úr fríinu eftir tvo tapleiki í röð í deildinni, gegn Stjörnunni og Víkingi.

Mótherjarnir að vestan töpuðu síðustu þrem leikjum fyrir landsleikjahléð...svo að ljóst má vera að bæði lið koma til leiks í kvöld hungruð í sigur.

Liðin snúa nú aftur til leiks í Pepsi-deildinni eftir 10 daga hlé í tengslum við landsleik Íslands og Króatíu.

Góðan og blessaðan daginn og hjartanlega velkominn í beina textalýsingu úr Grafarvoginum þar sem að heimamenn í Fjölni taka á móti Víkingum úr Ólafsvík.