Hjörvar Hafliðason er á bekknum hjá HK ásamt Pétri. Þetta er ekki amalegt teymi sem Jói Kalli hefur á bak við sig!

Liðin ganga hér inn á völlinn...

Leikurinn er líka sýndur beint á HaukarTV.

Nánar hérna: https://www.youtube.com/watch?v=UOKjNffzC5c

Það eru einnig leikir í Pepsi-deild karla, 1. deild kvenna og 4. deild karla, auk þess sem það eru aðrir leikir í Inkasso-ástríðunni.

Þór er að vinna Gróttu 1-0, en þar var seinni hálfleikur að hefjast og þá er leikur Fylkis og Fram að hefjast og sama tíma og þessi.

Fylgstu með textalýsingum Fótbolta.net!

Nú er verulega farið að styttast í þetta, kommon skellið ykkur á Gaman Ferða völlinn!

Það er búið að stytta upp, að mestu, hvað er betra en fótbolti á fimmtudagskvöldi?

Ég hvet alla til þess að tísta um leikinn og nota kassamerkið #fotboltinet.

Virkjum smá umræðu!

Athyglisvert er að Björgvin Stefánsson er á bekknum... hann er klárlega mesti markaskorarinn í þessu Haukaliði, hann hefur allavega verið það.

Þetta er athyglisvert, sérstaklega í ljósi þess að Fufura er ekki með, eins og ég bjóst við.

Pétur Pétursson, reynslubolti mikill, stýrir HK af hliðarlínunni í þessum leik, en hann er aðstoðarmaður Jóa Kalla. Gott að hafa einn þannig á kantninum.

Jóhannes Karl, þjálfari HK, byrjar eins og áður segir leikinn, en þetta er annar leikurinn sem hann spilar í sumar. Hinn leikurinn sem hann spilaði í sumar var gegn Fram í fyrstu umferð, en þar kom hann inn á sem varamaður í hálfleik.

Í viðtali fyrir mót sagði Jói þetta:

,,Ég á ennþá góða adidas takkaskó sem ég get notað. Þeir eru ekki komnir upp á hillu. Það verður að koma í ljós hversu mikið ég verð með."

Það styttist í leikinn og ég hvet fólk til þess að mæta hér á Gaman Ferða völlinn!

Leikurinn hefst 19:15.

Byrjunarliðin eru komin inn og þau má sjá efst á síðunni á hliðunum.

Haukar gera tvær breytingar á sínu liði frá 3-0 tapinu gegn Keflavík. Björgvin Stefánsson og Davíð Sigurðsson detta út úr liðinu og inn í þeirra stað koma Baldvin Sturluson og Alexander Helgason. Ég hélt að Davíð væri í banni, en svo er víst ekki.

HK gerir þrjár breytingar frá 1-0 tapi gegn Þrótti í síðasta leik. Þjálfarinn Jóhannes Karl Guðjónsson byrjar leikinn og sömuleiðis Ásgeir Marteinsson og Árni Arnason.

Á flautunni í dag er Aðalbjörn Heiðar Þorsteinsson, og honum til aðstoðar eru Bjarki Óskarsson og Ragnar Þór Bender.

Elton Renato Livramento Barros, gjarnan kallaður Fufura, er meiddur og spilar líklega ekki í kvöld. Við fáum staðfestingu á því hér seinna.

Óttast er að hann verði ekki meira með á tímabilinu.

Það yrði áfall fyrir Hauka, en Fufura er gríðarlega mikilvægur í sóknarleiknum.

Bæði lið eru með leikmenn í banni í dag.

Davíð Sigurðsson, varnarmaður Haukar, hefur fengið fjögur gul spjöld í fyrstu leikjunum og verður ekki með sínu liði í þessum mikilvæga leik. HK vantar lykilmann í sitt lið - Birkir Valur Jónsson fékk rautt í síðasta leik og er ekki með í kvöld.

Bæði lið hafa verið í veseni að undanförnu og ekki náð að vinna marga leiki.

Nær annað hvort liðið að komast á sigurbraut, eða sjáum við jafntefli?

Gestirnir úr Kópavogi, HK, hafa tapað þremur leikjum í röð eftir að hafa unnið tvö þar áður.

Þeir eru eins og áður segir með sex stig, líkt og Haukarnir.

Haukar hafa ekki unnið leik síðan í 1. umferð þegar þeir höfðu betur gegn Þrótti á útivelli.

Þeir töpuðu 3-0 gegn Keflavík í síðasta leik, en eru enn taplausir í deildinni á heimavelli.

Hvað gera þeir í dag?

Þetta verður án efa hörkuleikur!

Liðin eru með jöfn mörg stig, sex stig að sex leikjum loknum.

Halló halló!

Hér munum við fylgjast með leik Hauka og HK í Inkasso-deildinni.

Ég mun fara yfir allt það helsta sem gerist í leiknum og vonandi verður þetta fjör!