Víkingar byrja á móti sól og á móti smá golu. Varla til að tala um.

Liðin ganga inn á völlinn! Það er færra í stúkunni en ætti að vera m.v. aðstæður.

Enn er Víkingur án Castillion. Hann lofaði virkilega góðu í upphafi móts en varð frá að hverfa vegna meiðsla.

Bekkurinn hjá FH er virkilega sterkur: Emil Páls, Þórarinn Ingi, Atli Viðar, Halldór Orri, Veigar Páll, Robbie Crawford og Vignir Jó, markmaður.

Það fer nú heldur betur að styttast í þetta!

Helmings líkur eru á því að FH mæti Víkingi frá Götu í Færeyjum í Evrópukeppninni síðar í júlí. Í Götu er árlega haldin tónlistarhátíðin G-Festival en í ár er hún 13. - 15. júlí og gæti það e.t.v. hentað sem frábær ferð, fótbolti og músík - og Færeyjar!

Ef einhver er að gera það upp við sig hvort hann eigi að fara á völlinn er svarið, já! Frábært sumarveður í Krikanum og hafa afar fáir leikir í sumar verið slakir. Líf og fjör!

Bjarni Guðjóns er ekki á skýrslu hjá Víkingum í dag þar sem hann var sendur upp í stúku í sigurleik Víkings gegn Stjörnunni. Fyrir þau sem ekki vita að þá er Bjarni aðstoðarþjálfari Loga Ólafs.

Færlsan hér á undan er áhugaverð fyrir þær sakir að lið FH kom seint inn á skýrsluna á ksi.is. En það getur vel verið að ástæðan fyrir því sé óspennandi.

Myndir með Skítamóral ómar um Krikann. Þvílík negla það lag.

Markahæsti leikmaðurinn fyrir þennan leik er Steven Lennon en hann hefur skorað 6 mörk, marki meira en Kristján Flóki. Enginn leikmanna Víkinga hefur skorað 3 mörk eða meira.

Lið Víkinga er óbreytt og verður forvitnilegt að sjá hvort Alex Freyr ætli sér að eiga enn einn stórleikinn.

Pétur Viðars kemur inn í lið FH og verður forvitnilegt að sjá hvort hann komi inn á miðjuna eða hvort FH ætli sér aftur í 3-4-3.

Það er ansi langt síðan Víkingar náðu síðast að vinna í Kaplakrika í efstu deild.

Það var árið 1991, árið sem Víkingur varð Íslandsmeistari undir stjórn Loga Ólafssonar, en Guðmundur Steinsson skoraði þá tvö mörk í 4-2 útisigri í Kaplakrika. Hörður Magnússon, nú stjórnandi Pepsi-markanna, skoraði fyrra mark FH.

Eins og lesendur vita er Logi nú tekinn við Víkingum á ný og hefur farið frábærlega af stað í starfinu. Víkingar hafa landað sjö stigum í fyrstu þremur leikjum undir stjórn hans.

Síðan umræddur leikur fór fram hafa liðin mæst 36 sinnum í leikjum á vegum KSÍ. FH hefur unnið 20, Víkingar 5 og 11 hafa endað með jafntefli.

Í fyrra gerðu FH og Víkingur 2-2 jafntefli í Kaplakrika. Kristján Flóki Finnbogason og Atli Viðar Björnsson skoruðu fyrir FH en Gary Martin og Óttar Magnús Karlsson fyrir Víkinga. Víkingur vann 1-0 sigur á FH í Víkinni þar sem Alex Freyr Hilmarsson skoraði.

Gunnar Jarl mun flauta leikinn í dag og gæti hann fengið krefjandi verkefni. Til gamans má geta að Gunnar Jarl er lærður kennari og fékk 10 fyrir lokaverkefni sitt í Kennó.

Liðin eru jöfn að stigum og með góðum kafla gætu þau komið sér í toppbaráttu. 10 stig eftir 7 leiki þykir ansi rýr uppskera hjá heimamönnum og er eflaust minna en gestirnir höfðu vonað eftir að hafa unnið KR í fyrstu umferð.

FH var í pottinum þegar dregið var í Evrópukeppninni í dag. FH mun mæta sigurvegaranum úr viðureign Víkings frá Færeyjum og Trepça '89 frá Kosóvó. Það mun þó ekki ráðast fyrr en í júlí hvoru liðinu FH mun mæta. Persónulega væri ég til í að sjá Gunnar Nielsen mæta til heimalandsins.

Heimir Guðjóns hefur gagnrýnt lið sitt í viðtölum í sumar og sagði í viðtali við Elvar Geir í dag að liðið færi að dragast aftur úr ef það fengi ekki þrjú stig hér í dag.

Logi Ólafs sagði byrjun sína með Víkinga vera sólid 9. Logi þjálfaði FH á sínum tíma með góðum árangri.

Góðan daginn góðir hálsar. Hér mun leik FH og Víkings verða textalýst og getur þú tekið þátt með því að nota myllumerkið #fotboltinet á Twitter. Endilega ef þið eruð að taka myndir eða sjáið eitthvað áhugavert að negla því inn.