Hér var verið að veita Davíð Ólafssyni viðurkenningu fyrir að hafa leikið 100 leiki fyrir Breiðablik.

Vel gert hjá 22ja ára leikmanni!

Fólk að tínast í stúkuna.

Eins og áður skora ég á fólk að renna á völlinn, boltinn er búinnn að vera skemmtilegur hingað til og ég er viss um að gleðin heldur áfram í kvöld.

Gleðst yfir músíkvalinu.

Modern love með Bowie er flott fyrir mann langt genginn í fimmtugt!

Bæði lið á leið í klefann fyrir lokahnykkinn. Stuðningsmenn beggja liða eru býsna bjartsýnir að heyra.

Grindjánar eru mættir í nokkuð stórum hópi hér í kvöld, Stinningskaldinn virkar í ágætum gír...enda væri annað skrýtið eins og staðan er.

Blikar eru óbreyttir frá jafnteflinu við KR.

Grindvíkingar færa til, Hákon og Matthías koma inn í stað Brynjars Ásgeirs og Zaravica.

Enginn leikmaður í núverandi leikmannahóp hefur leikið fyrir hitt liðið einhvern tíma á ferlinum.

Þeir eiga þó nokkuð þekktan sameiginlegan fyrrverandi félaga, en það er landsliðsframherjinn Alfreð Finnbogason.

Þessi lið voru síðast saman í deild sumarið 2012 en þá féllu Grindvíkingar og hafa verið utan PEPSI-deildarinnar síðan.

Breiðablik vann báða leiki þessara liða það ár. Heimaleikinn 2-0 og útileikinn 2-4.

Engir agaúrskurðir eiga við liðin tvö og við leit á meiðslalistanum var ekki margt að finna.

Svo að við ættum að sjá fullskipuð lið í kvöld!

Fimmmenningarnir sem starfa fyrir KSÍ eru nú engir aukvisar!

Ívar Orri flautar, honum til aðstoðar eru Frosti Viðar Gunnarsson og Bjarki Óskarsson. Fjórði dómarinn og til vara er hann Einar Ingi Jóhannsson og til eftirlits er Sigurður Hannesson.

Grindvíkingar eru í feiknaformi þessa stundina, ósigraðir í síðustu 5 leikjum og hafa fengið í þeim 13 stig.

Blikar hafa hins vegar ekki náð að vinna í síðustu tveimur leikjum þar sem uppbótartíminn hefur leikið þá grátt!

KR jafnaði i uppbótinni síðast og í umferðinni þar á undan unnu Valsarar í uppbótartíma á Kópavogsvelli.

Segja má að hér sé framundan fróðleg viðureign.

Grindvíkingar eru klárlega spútniklið mótsins hingað til. Sigur í kvöld með þremur mörkum eða meira mun verða til þess að nýliðarnir sitja á toppi deildarinnar og hvert stig mun tryggja þeim a.m.k. 2.sætið áfram.

Blikar sitja í 8.sæti deildarinnar eftir vonbrigðabyrjun á tímabilinu sem varð til brottvísunar Arnars Grétarssonar og ráðningar Milos frá Víkingum. Sigur í dag mundi þó skila liðinu upp í efri helming deildarinnar þar sem þeir ætla sér klárlega að vera. 5.sætið yrði hlutskiptið með þremur stigum.

Góða kvöldið og hjartanlega velkomin í beina textalýsingu á leik Breiðabliks og Grindavíkur sem er jú lokaleikur 9.umferðar PEPSI-deildar karla.