Leikmenn ganga inn á völlinn. Þetta fer að hefjast. Var sagt við mig áðan að þetta væri tólf stiga leikur. Held að það sé ágæt lýsing á mikilvægi þessa leiks!

Völlurinn lítur afskaplega vel út hérna í Grindavík að vanda.

Beggi vallarstjóri er mættur! Ég held að hann sé í verðskulduðu fríi í kvöld. Hann er bara áhorfandi.

Steini Magg markmannsþjálfari er búinn að fara vel yfir hlutina með Telmu. Allt byrjunarlið Grindavíkur komið inn í klefa nema hún. Telma mun staldra stutt við í Grindavík. Fer að öllum líkindum aftur til Breiðabliks þegar félagaskiptaglugginn opnar aftur. Þetta verður án efa stórgóð reynsla fyrir þennan unga og efnilega markvörð

Fyrir þá sem eru að bíða eftir Begga vallarstjóra þá er ég ekki enn búinn að sjá hann. Lítill fugl sagði mér að hann væri á leiknum en hann er enn ófundinn. Bíð spenntur yfir því að hitta á manninn. Alltaf gaman að hitta Begga vallarstjóra

Það er ljómandi gott veður hérna í Grindavík. Það er hægur vindur og fínn hiti. Man ekki eftir að kvennaliðið hafi fengið svona veður í sumar hingað til. Karlalið fékk einn lognleik. Annars hefur verið hávaðarok í öllum leikjum meistaraflokka Grindavíkur

Grindavík gerir fjórar breytingar á sínu byrjunarliði frá 5-0 tapinu gegn Breiðablik. Linda Eshun og Bentína koma inn í liðið eftir meiðsli og þá byrjar Elena Brynjarsdóttir frammi.

Telma Ívarsdóttir leikur sinn fyrsta Pepsi-deildar leik í kvöld en hún mun standa á milli stanganna hjá Grindavík í kvöld. Telma er ungur og efnilegur markvörður sem hefur verið í U19 ára landsliðinu. Hún er uppalin í Fjarðabyggð en færði sig um set til Breiðabliks þar sem hún hefur verið á varamannabekknum. En félagaskipti Telmu gengu í garð í dag og má hún því spila leikinn.

Fylkir gerir eina breytingu á byrjunarliði sínu í kvöld frá því í 1-0 tapinu gegn Íslandsmeisturum Stjörnunnar. Sigrún Salka Hermannsdóttir kemur inn í liðið, í stað Tinnu Björk Birgisdóttur

Alls hafa liðin mæst tólf sinnum og hefur Fylkir haft yfirhöndina í viðureignum liðanna með átta sigra. Grindavík hefur tvisvar sinnum unnið Fylki en tvisvar hefur orðið jafntefli. Síðasti sigurleikur Grindavíkur gegn Fylki kom árið 2011

Grindavík er í 8. sæti Pepsi-deildarinnar með sex stig en Fylkir er sæti neðar, í fallsæti með fjögur stig. KR er svo einnig með sex stig en er sæti ofar en Grindavík vegna betri markatölu. Það er því gríðarleg spenna í botnbaráttunni.

Liðin mættust í fyrstu umferð sumarsins en þá vann Fylkir 1-0 sigur. Það er eini sigur Fylkis í sumar.

Leikurinn í kvöld er síðasti leikur tíundu umferðar Pepsi-deildar kvenna en óhætt er að tala um þennan leik sem algjöran sex stiga leikur. Að mínu mati er þetta mikilvægasti leikur beggja liða í sumar.

Komið sæl og blessuð og verið velkomin hingað til Grindavíkur þar sem heimakonur munu mæta Fylki í miklum botnslag í Pepsi-deild kvenna