Aftur er Fall að ógna. Hann hljóp í gegnum vörn Leiknis eins og að drekka vatn en náði ekki að koma boltanum frá sér, hvort sem var fyrir markið eða á það.

Nú rölta liðin inn á völl og spennan er rafmögnuð. Vallarþulurinn við hliðina á mér er á tauginni!

Nú eru liðin haldin til búningsherbergja og rúmar fimm mínútur í leik. Vonum að liðin komi vel gíruð til leiks!

Núna er sléttur hálftími í leik og liðin á fullu í upphitun. Það er ekki að búast við öðru en hörkuleik.

Eins og Halldór Kristinn og Addó sögðu í viðtali við Fótbolti.net fyrr í dag einkennast leikir þessara liða gjarnan frekar af mikilli baráttu fremur en fallegri knattspyrnu.

Það er því von á að það reyni mikið á Sigurð Óla, dómara, og aðstoðarmenn hans í dag.

ÍR-Leiknir að hefjast, vonandi í næst síðasta sinn sem þessi félög mætast. #fcb

— Þórður Einarsson (@doddi_111) June 29, 2017

Daði Bærings Halldórsson heldur sæti sínu í liði Leiknis og hefur verið fínn í sumar. Það verður gaman að sjá hvort hann sópi upp á miðjunni líkt og Leiknismenn veðjuðu á í tístinu sem birt var hér að neðan.

Leiknismenn hafa ekki enn unnið leik í júnímánuði. Þeir unnu síðast gegn Leikni Fáskrúðsfirði þann 29. maí sl. Síðan þá hafa þeir tapað gegn Fylki og gert jafntefli við Þrótt og Hauka.

ÍR-ingar koma inn í þennan leik með tvö töp á bakinu. Í upphafi mánaðar unnu þeir sterka sigra á Þór og Gróttu sem er jafnframt einu sigrar þeirra í sumar.

Í kjölfarið fylgdu svo töp gegn Keflavík og nú síðast HK fyrir sléttri viku síðan.

Þá liggja byrjunarliðin fyrir. Bæði lið gera tvær breytingar á liði sínu.

ÍR-ingar taka þá Jóhann Arnar Sigurþórsson og Jón Arnar Barðdal út úr liðinu og inn í þeirra stað koma Björn Anton Guðmundsson og Modou Fall.

Hjá Leikni detta Halldór Kristinn Halldórsson og Aron Fuego Daníelsson út úr liðinu og inn koma Kolbeinn Kárason og Bjarki Aðalsteinsson.

Nú er rúmur klukkutími og korter til stefnu og það styttist í að byrjunarliðin liggi fyrir. Þau koma hér inn um klukkustund áður en leikur hefst.

,,Til hamingju Breiðholt"
Mikil spenna ríkir fyrir þessum fyrsta nágrannaslag liðanna í deild í fimm ár. Halldór Kristinn og Addó eru spenntir fyrir leiknum.

,,Ég er búinn að sakna þess að spila Derby leikina. Þeir hafa ekki alltaf einkennst af glæsilegum fótbolta heldur dugnaði og vilja," segir Halldór Kristinn.

,,Jú ekki spurning þetta er leikurinn sem við höfum saknað mest síðustu ár í Íslandsmóti. Við drógumst gegn þeim í bikarnum 2014 og það var mjög skemmtilegur leikur. Ég segi bara til hamingju Breiðholt með að fá þennan leik," segir Addó.

Bæði lið óánægð með stigasöfnun
Arnar Þór Valsson, þjálfari ÍR-inga og Halldór Kristinn Halldórsson, spilandi aðstoðarþjálfari Leiknis, voru teknir tali fyrir leik og segja þeir báðir að sín lið ættu að vera ofar miðað við væntingar fyrir mót.

Leiknir er í sjötta sæti Inkasso-deildarinnar með 10 stig, þremur stigum á undan ÍR sem er í tíunda sæti.

,,Við erum hundfúlir með niðurstöður nokkurra leikja, en verðum að horfast i augu við það að við erum að fóta okkur í þessari deild og það tekur smá tíma,"

,,En við erum alveg meðvitaðir um það að við fáum ekki mikinn tíma. Auðvitað hefðum við viljað vera með fleiri stig en við breytum ekki því sem er búið, heldur lærum af því. Við höfum verið inni í öllum leikjum og það finnst mér gott og mikilvægt fyrir okkur, það sýnir okkur að við eigum erindi í þessa deild. Þrátt fyrir að leikir hafi farið upp og niður hjá okkur þá höfum við náð að halda klefanum ferskum og okkur þykir alltaf jafn gaman að mæta á æfingu og í leiki, enda einstakur hópur af leikmönnum sem við höfum hjá okkur í ÍR." segir Arnar Þór, eða Addó þjálfari ÍR.

Halldór Kristinn talar á sömu nótum og segir:

,,10 stig eftir 8 leiki er ekki ákjósanlegt en spilamennskan hefur farið mikið batnandi. Það eru aðeins 3 stig í fallsæti og 6 stig í 2. sætið svo deildin hefur ekki enn tekið á sig mynd. Við erum að fara í krefjandi viku og ég vona að við verðum ánægðir með stöðu okkar í deildinni í lok næstu viku."

Gott kvöld og velkomin í textalýsingu frá Breiðholtsslag ÍR og Leiknis R. í 9. umferð Inkasso-deildarinnar.

Þetta er í fyrsta skipti sem að liðin mætast í deildarleik frá árinu 2012 en síðan þá hafa ÍR-ingar verið í 2. deild og Leiknismenn í 1. deild og Pepsi-deild.

Liðin mættust þó í bikarleik árið 2014 þar sem ÍR-ingar unnu frækinn 1-3 sigur á Leiknisvelli.