Blikar unnu uppkastið og velja að byrja á móti golunni í átt að Garðabræ frá Sporthúsinu.

Þá mæta menn...vel gíraðir sýnist mér.

Hefðbundnir litir á öllum og dómarinn í svörtu...það finnst mér alltaf flottast.

Liðin láta heldur betur bíða eftir sér hér...myndatökumenn Stöðvar tvö búnir að standa klárir í góðar tíu mínútur.

Ef menn vilja kíkja á byrjunarliðsfréttina okkar þá er að smella hér á:

http://www.fotbolti.net/news/03-07-2017/byrjunarlid-breidabliks-og-fh-doumbia-byrjar-oliver-i-hop

Stóru fréttirnar eru auðvitað þær að Doumbia byrjar hjá FH og Oliver fer á bekkinn hjá Blikum.

Menn að detta í stúkuna hérna. Andrés Pétursson var að skutla sér í Blikatreyjuna, þá er þetta að fara að gerast.

Ákveðin eftirvænting er fyrir því hvort #JRJ16 fær mínútur.

Svona til að spá í hvort að menn breytast eitthvað við það að gifta sig en mr. Jón Ragnar gekk í það heilaga nú nýverið.

Hvað veit maður um hvað það er sem hefur áhrif!!!

Fyrrum leikmaður leynist í leikmannahópum dagsins.

Hetjan Gunnleifur Gunnleifsson lék með FH 2010 - 2012 en fór þá yfir til Blika þar sem að FH vildu ekki gefa honum lengri samning en eitt ár.

Gulli er þó á sínu fjórða ári með Blikum...

FH liðið ætti að vera á líkum nótum og verið hefur.

Enn er Bjarni Þór meiddur og auðvitað búið að selja Hendrickx en allir klárir sem voru í hóp síðast.

Engin agabönn framundan hjá þessum liðum.

Dómarateymið er afbragð.

Gunnar Jarl Jónsson flautar og á flöggunum eru þeir Birkir Sigurðarson og Jóhann Gunnar Guðmundsson.

Fjórði dómarinn er Þorvaldur Árnason og um eftirlitið sér Björn Guðbjörnsson. Þetta getur ekki klikkað!

Fréttir herma að Óliver Sigurjónsson verði í leikmannahóp Blika í kvöld eftir að hafa verið fjarverandi allt frá 1.umferð og því möguleiki að hann spili sínar fyrstu mínútur undir stjórn Milosar þjálfara.

Það styrkir lið Blika auðvitað að fá þennan öfluga miðjumann til baka!

FH vann leik þessara liða á Kópavogsvelli í fyrra 1-0 með marki frá Emil Pálssyni.

Seinni leikur liðanna 2016 fór fram í Kaplakrika og þar endaði 1-1 og þar skoraði Árni Vilhjálmsson fyrir Blika en Kristján Flóki Finnbogason fyrir FH.

Talandi um að sitja neðar í deildinni en væntingar segja til um.

Blikar sitja í áttunda sæti fyrir leik dagsins með 11 stig. Þeir hafa unnið jafnmarga leiki í deildinni og FH, þrjá talsins en fjögur töp í níu leikjum hafa fest þá í neðri hluta deildarinnar.

Það munar þremur stigum á liðunum og 5-0 sigur heimamanna myndi þýða sætaskipti þeirra.

Blikar gerðu 0-0 jafntefli í síðasta leik sínum, gegn Grindavík og hafa ekki unnið heimaleik í mótinu síðan 28.maí þegar þeir lögðu Víkinga frá Ólafsvík 2-1.

Fyrir leik dagsins sitja FH-ingar í fjórða sæti deildarinnar og sex stigum frá toppliði Vals. Þeir hafa einungis tapað einum leik í mótinu nú þegar en 5 jafntefli telja lítið í mótinu og því eru þeir neðar en þeir klárlega ætluðu sér á þessum tímapunkti.

Þeir unnu þó síðasta leik sinn í deildinni, 1-0 úti í Eyjum og tryggðu sér sæti í undanúrslitum Borgunarbikarsins í sínum síðasta keppnileik fyrir þennan með því að leggja Fylki með sömu markatölu í Árbænum.

Leikurinn er liður í 11.umferð PEPSI-deildar en er færður til vegna þátttöku FH-inga í Meistaradeild Evrópu. Aðrir leikir þessarar umferðar verða leiknir 16. og 17.júlí næstkomandi.

Góðan og blessaðan daginn og velkomin í beina textalýsingu frá Kópavogsvelli þar sem Blikar taka á móti ríkjandi Íslandsmeisturum FH.