Liðin ganga inná völlin í fylgd ungra knattspyrnuiðkenda ÍA. Allt hefðbundið í búningamálum, Skaginn í gulu og svörtu og Víkingur í svart/rauð röndóttu og svörtu.

Styttist í að þessi veisla byrji hjá okkur, tæpar tíu mínútur í leik og liðin farin uppí klefa í loka pepp. Vonandi fáum við fjör og fullt af mörkum.

Rétt um hálftími í leik hjá okkur á Skaganum. Bæði lið og dómaratríóið mætt út á völl að hita upp í sólinni.

Byrjunarliðin eru dottin í hús hjá okkur en þau má sjá hér til hliðar. Garðar Gunnlaugs er meiddur hjá Skaganum en Arnþór Ingi er í banni hjá Víkingi R.

Nú fer að styttast í byrjunarliðin hjá okkur en þau ættu að birtast um klukkutíma fyrir leik. Samkvæmt minni bestu vitneskju er enginn leikmaður þessara liða í banni, þannig að það er bara spurning hvort einhverjir séu meiddir.

Fjórum leikjum er lokið í 10.umferðinni. Umferðin hófst á föstudaginn þegar FH tapaði óvænt á heimvelli fyrir Víking Ó 0-2. Í gær fóru svo fram fjórir leikir. ÍBV og Breiðablik gerðu þá 1-1 jafntefnli í Vestmannaeyjum, Grindavík vann nýliðaslaginn við KA í Grindavík 2-1 og á Hlíðarenda gerðu Valur og Stjarnan 1-1 jafntefli í stórleik umferðarinnar. Leik KR og Fjölnis sem átti að fara fram í kvöld hefur verið frestað til 27.júlí vegna þátttöku KR í Evrópukepninni.

Kjartan Atli Kjartansson er spámaður umferðarinnar á Fótbolta.net

ÍA 2 - 1 Víkingur R.
Logi Ólafsson tapar á gamla heimavellinum. ÞÞÞ skorar bæði mörk ÍA í þessum leik, verið flottur í sumar. Skagamenn mæta grimmir til leiks.

Það eru geggjaðar aðstæður til að spila fótbolta á Skaganum í dag. Glampandi sól og smá gola.

Dómari leiksins í dag er Erlendur Eiríksson og honum til aðstoðar eru Gunnar Helgason og Smári Stefánsson. Varadómari er Gunnþór Steinar Jónsson og eftirlitsmaður KSÍ er Jóhann Gunnarsson.

Liðin hafa mæst 73 sinnum í keppnum á vegum KSÍ samkvæmt heimasíðu Knattspyrnusambandsins. Þar hafa Skagamenn vinninginn. Þeir hafa unnið 43 leiki á meðan Víkingur hefur unnið 14. 16 sinnum hafa liðin gert jafntefli og markatalan er 151-76 Skagamönnum í vil.

Bæði lið töpuðu síðasta leik en það var í bikarnaum. Þar tapaði ÍA fyrir Leiknir R í Breiðholtinu 2-1 á meðan Víkingur tapaði fyrir ÍVB í Fossvoginum 1-2. Síðustu leikir liðanna í deildinni fóru betur fyrir liðin en þá vann Víkingur nafnas sína úr Ólafsvík 2-0 á meðan ÍA gerði 2-2 jafntefli við Stjörnuna.

Leikurinn er mikilvægur fyrir bæði lið. Víkingur getur komið sér í toppbaráttu með sigri í leiknum á meðan Skagamenn hreinlega verða að vinna en eins og staðan er fyrir leik eru þeir í neðsta sæti deildarinnar. Með sigri þá lyfta þeir upp úr fallsæti hins vegar.

Góða kvöldið og velkomin í beina textalýsingur frá Norðurálsvellinum á Akranesi. Við ætlum að fylgjast með leik ÍA og Víkings R í 10.umferð Pepsideild karla.