Andri Rúnar með ágætis skot eftir langa sendingu frá Jajalo en boltinn í hliðarnetið. Þetta er að fjara út. Tvær mínútur í uppbótartíma.

Óttar Bjarni með laflausan skalla beint á Jajalo. Ágætis tilraun hjá honum samt sem áður. Stjörnumenn enn graðir í fleiri mörk!

ALEX ÞÓR MEÐ HÖRKUSKOT!! Vann boltann í teignum og náði að munda skotfótinn en Jajalo með geggjaða vörslu. Besta sem sést hefur frá markverði Grindavíkur í dag.

HEIÐAR Í DAUÐAFÆRI!! Hörður Árna með flotta fyrirgjöf sem fer af varnarmanni og á Heiðar en hann skýtur framhjá.

Hilmar Árni í góðu færi en skot hans fer framhjá. Stjörnumenn eru ekki hættir

GUÐJÓN BALDVINSSON Í DAUÐAFÆRI!!! Eyjólfur var með geggjaða skiptingu yfir á Jóhann Laxdal. Hann kom svo með frábæran bolta fyrir markið og Guðjón komst í hann en boltinn rétt framhjá.

VÍTASPYRNA!!! Jósef er felldur innan teigs. Guðjón á punktinn.

Andri Rúnar fellur í teignum en ekkert dæmt. Þetta hefði verið ódýrt víti!

Hilmar Árni átti skot sem Jajalo varði. Stjörnumenn ætla sér að keyra yfir Grindvíkinga núna.

Vilhjálmur Alvar að taka mikilvægar ákvarðanir. Dæmdi fyrst á Grindvíkinga sem voru komnir í opið færi í teignum og svo fellur Hilmar Árni við hinum megin en ekkert dæmt. Bæði atvik sem mætti skoða betur.

Síðari hálfleikur er hafinn.

STJARNAN Í DAUÐAFÆRI!!! Varnarmaður Grindavíkur virtist skjóta í Hólmbert og aftur fyrir endamörk. Afar hættulegt!

HÓLMBERT Í DAUÐAFÆRI!!! Það kom frábær sending inn í teiginn frá hægri vængnum. Hólmbert var kominn í geggjað færi en reynir að skora með hælnum. Það var líklega ekki margt annað í stöðunni en þarna á hann að gera betur.

Andri Rúnar fellur í teignum eftir viðskipti sín við Daníel, ekkert dæmt og hárréttur dómur. Vel lesið.

Hólmbert klifrar hátt upp til að skalla boltann en hann náði þó ekki að stýra honum og boltinn yfir markið.

Milos með afleitt skot framhjá markinu. Það mátti þó reyna.

ENN OG AFTUR HÓLMBERT!! Frábært spil hjá heimamönnum. Það kom langur bolti yfir á Jóhann, sem færði hann upp á Hólmbert. Hann keyrði inn vinstra megin í teiginn og lét vaða en boltinn rétt framhjá markinu. Hólmbert orðinn mun sýnilegri!

Hólmbert Aron með skot rétt framhjá markinu. Ágætis tilraun hjá honum. Hefur annars lítið sést fyrsta hálftímann.

Andri Rúnar, vá. Keyrði í gegn vinstra megin, þrátt fyrir að hafa fengið tæklingu frá Jóa Laxdal í sig þá hélt hann áfram og spólaði sig í gegn áður en hann lét vaða á markið en sýndist Haraldur blaka hann í burtu. Gunnar Þorsteins fékk svo boltann við vítateiginn en Haraldur greip skotið frá honum.

Það flæðir hornspyrnum Stjörnumegin. Þessi hornspyrna rataði á Eyjólf Héðinsson sem skaut boltanum vel yfir markið hins vegar, það er annað mark í loftinu. Hef það sterklega á tilfinningunni.

Sjaldséð sjón hjá Danna Laxdal. Hitti ekki boltann eftir fyrirgjöf frá Gunnari Þorsteins en Haraldur var þó vel vakandi og var fljótur að átta sig til að handsama þetta.

Hilmar tók aukaspyrnuna og Jajalo varði þetta aftur fyrir og Stjarnan fær hornspyrnu.

Stjarnan fær aukaspyrnu. Brotið á Hilmari vinstra megin við vítateiginn.

HVAÐ ER ÉG AÐ SEGJA??? Hilmar Árni með þrumuskot meðfram jörðinni og Jajalo þarf að hafa sig allan í að verja boltann aftur fyrir endamörk. Frábært spil hjá Stjörnunni þarna.

Það eru Grindvíkingar sem eru að ógna meira síðustu mínútur, aðeins dregist úr krafti Stjörnunnar.

Enn og aftur er skot Andra vel yfir markið. Hann er ekki alveg að finna skotskóna hér í byrjun leiks.

Grindvíkingar fá aðra aukaspyrnu á hættulegum stað, rétt fyrir utan vítateiginn.

Uppstilling Grindavíkur 5-4-1:
Jajalo
Eduardo - Matthías - Brynjar
Aron - Gunnar - Sam - Marinó
Alexander - Milos
Andri Rúnar

Andri Rúnar skýtur boltanum vel yfir markið við mikinn fögnuð heimamanna.

Dæmt hendi og það er Andri Rúnar sem stendur við boltann og er tilbúinn að láta reyna á markið.

Grindvíkingar fá aukaspyrnu á stórhættulegum stað.

Mikið rætt og ritað um þetta mark sem Baldur skoraði. Virtist fara með sólann í Jajalo áður en hann skoraði. Klár aukaspyrna segja sérfræðingarnir!

GUÐJÓN BALDVINS MEÐ HÖRKUSKOT Í HLIÐARNETIÐ!!! Hilmar Árni ætlaði að reyna sendingu á Hólmbert en boltinn fór af varnarmanni og úr því varð þessi frábæra stungusending á Guðjón en fast skot hans fór í hliðarnetið.

Eduardo Cruz með skalla rétt framhjá markinu eftir aukaspyrnu. Ágætis tilraun þarna.

Uppstilling Stjörnunnar 4-2-3-1:
Haraldur
Jóhann - Óttar - Daníel - Jósef
Alex - Eyjólfur
Hólmbert - Baldur - Hilmar
Guðjón

Jajalo liggur eftir á vellinum eftir þessi viðskipti við Baldur, enda eins og að fá steyptan vegg í andlitið.