Það er 20 stiga hiti og sólríkt að mestu í Maribor.

Allt klárt hér hjá okkur mönnum í NK Maribor. Styttist í kick off #ViðerumFH #fotboltinet #ChampionsLeague pic.twitter.com/iucFwdvQz5

— Birgir Jóhannsson (@biggijo) July 26, 2017

Meira frá Heimi:

Möguleikarnir eru ágætir en við þurfum að spila góðan leik. Við þurfum að vera sterkir varnarlega. Þeir eru með öfluga menn inni á miðjunni og frammi. Þeir eru fljótir og góðir sendingarmenn. Við þurfum að vera vel skipulagðir varnarlega.

Við þurfum líka að geta haldið boltanum innan liðsins. Það er ekki hægt að spila leik og hlaupa bara í 90 mínútur plús. Við þurfum að geta haldið boltanum innan liðsins og spilað sóknarleik.

Heimir Guðjónsson, þjálfari FH:

Við erum búnir að horfa á báða leikina sem þeir spiluðu í forkeppni Meistaradeildarinnar og leiki í deildina. Það eru bara tvær umferðir búnar í deildinni núna en þetta er lið sem kláraði titilinn mjög þægilega í fyrra. Þetta er besta lið Slóveníu og þetta er verðugt verkefni.

Heimir Guðjónsson, þjálfari FH, gerir tvær breytingar á liði sínu frá leiknum gegn ÍA í Pepsi-deild karla á laugardaginn.

Robbie Crawford og Guðmundur Karl Guðmundsson setjast á bekkinn, en inn í þeirra stað koma Emil Pálsson og Pétur Viðarsson.

FH spilar í 4-4-2 samkvæmt heimasíðu Uefa.

Byrjunarlið Maribor:
33. Jasmin Handanovic (m)
4. Marko Suler
5. Blaz Vrhovec
7. Valon Ahmedi
8. Marwan Kabha
9. Marcos Tavares
20. Gregor Bajde
26. Aleksander Rajcevic
27. Jasmin Mesanovic
28. Mitja Viler
29. Matej Palcic

Byrjunarlið FH:
1. Gunnar Nielsen (m)
4. Pétur Viðarsson
5. Bergsveinn Ólafsson
7. Steven Lennon
8. Emil Pálsson
9. Þórarinn Ingi Valdimarsson
10. Davíð Þór Viðarsson (f)
11. Atli Guðnason
18. Kristján Flóki Finnbogason
20. Kassim Doumbia
21. Böðvar Böðvarsson

Byrjunarliðin eru klár!

Það er mikill áhugi fyrir þessum leik.

Á vellinum eru 57 blaðamenn og 20 ljósmyndarar!

Fyrirliði Maribor heitir Marcos Tavares og kemur frá Brasilíu.

Hann hefur spilað með liðinu frá 2008, spilað 309 leiki og skorað 124 mörk. Reynslubolti.

Þetta er taka tvö hjá íslensku liði í Slóveníu þetta tímabilið.

Valur spilaði hér á dögunum gegn Domzale í Evrópudeildinni. Frammistaða Vals var frábær, en leikurinn í Slóveníu endaði 3-2 fyrir Domzale. Valur leiddi samt 2-1 í hálfleik.

Domzale vann einvígið samanlagt 5-3, en þess má geta að Domzale endaði í fjórða sæti slóvensku deildarinnar á síðasta tímabili. Maribor vann deildina auðveldlega.

FH spilaði síðast í Pepsi-deild karla og laugardag og vann þar sannfærandi sigur á ÍA. Lokatölur urðu 2-0, en segja má að sigurinn hafi aldrei verið í hættu.

Flautuleikari í dag er Andris Treimani frá Lettlandi.

Vonum að hann eigi góðan leik.

Sigurvegarinn úr þessu einvígi fer í umspil um sæti í riðlakeppni Meistaradeildarinnar, en tapliðið fer yfir í 4. umferð í Evrópudeildinni.

Hvernig spáir þú þessum leik?

Segðu okkur frá því á Twitter og notaðu kassamerkið #fotboltinet

Í kvöld mætir FH afar sterku liði Maribor.

Maribor varð slóvenskur meistari með yfirburðum á síðasta tímabili, en í síðustu umferð Meistaradeildarinnar hafði liðið betur gegn Zrinjski frá Bosníu.

Athyglisvert atvik varð undir lok seinni leiks FH og Víkings Götu.

FH þurfti að skora mark í leiknum til að komast áfram og ísinn var brotinn á 78. mínútu þegar Steven Lennon skoraði úr vítaspyrnu. Andreas Olsen hafði þá brotið á Kristjáni Flóka Finnbogasyni en hann fékk rauða spjaldið í kjölfarið.

Færeyingarnir voru ósáttir við dóminn og virkuðu mjög pirraðir eftir að Ville Nevalainen, dómari frá Finnlandi, benti á punktinn.

Færeyingarnir ýttu nokkrum sinnum við FH-ingum og frá vítaspyrnudómnum og fram að miðjunni duttu FH-ingar þrívegis til jarðar.

Smelltu hér til að lesa nánar um það og sjá myndband.

FH lenti í miklu basli í síðustu umferð með Víking Götu frá Færeyjum.

FH-ingar gerðu 1-1 jafntefli á Kaplakrikavelli og í Færeyjum stefndi lengi vel í 0-0 jafntefli. Alveg þangað til Hafnfirðingarnir fengu vítaspyrnu, en úr henni skoraði Steven Lennon. FH vann leikinn að lokum 2-0 og einvígið samanlagt 3-1.

Halló halló!

Í þessari textalýsingu munum við fylgjast með leik Íslandsmeistara FH og Maribor í 3. umferð í forkeppni Meistaradeildar Evrópu.

Leikurinn fer fram á Stadion Ljudski vrt í Maribor í Slóveníu.