Grindavík
1
2
Víkingur R.
0-1 Vladimir Tufegdzic '69
0-2 Ívar Örn Jónsson '82 , víti
Andri Rúnar Bjarnason '90 1-2
31.07.2017  -  19:15
Grindavíkurvöllur
Pepsi-deild karla 2017
Dómari: Pétur Guðmundsson
Áhorfendur: 664
Maður leiksins: Ívar Örn Jónsson
Byrjunarlið:
12. Kristijan Jajalo (m)
3. Edu Cruz
6. Sam Hewson
7. Will Daniels ('75)
8. Gunnar Þorsteinsson (f)
9. Matthías Örn Friðriksson
16. Milos Zeravica
18. Jón Ingason
19. Simon Smidt ('86)
25. Aron Freyr Róbertsson ('75)
80. Alexander Veigar Þórarinsson
99. Andri Rúnar Bjarnason

Varamenn:
5. Nemanja Latinovic
11. Juanma Ortiz ('75)
17. Magnús Björgvinsson ('86)
23. Brynjar Ásgeir Guðmundsson
24. Björn Berg Bryde

Liðsstjórn:
Óli Stefán Flóventsson (Þ)
Benóný Þórhallsson
Marinó Axel Helgason
Milan Stefán Jankovic
Arnar Már Ólafsson
Guðmundur Ingi Guðmundsson
Þorsteinn Magnússon
Einar Haraldsson

Gul spjöld:
Milos Zeravica ('69)
Gunnar Þorsteinsson ('78)
Sam Hewson ('88)

Rauð spjöld:
Leik lokið!
Pétur flautar til leiksloka! Víkingur tekur þrjú stig hérna í Grindavík. Þriðji tapleikur Grindavíkur staðreynd. Viðtöl og skýrsla koma innan skamms
90. mín
Komnar fimm mínútur í uppbótartíma. Þetta er að renna út
90. mín
Sá ekki hversu miklu var bætt við, gætu verið 1-2 mínútur eftir. Víkingur að næla sér í hornspyrnu og eru ekkert að flýta sér
90. mín MARK!
Andri Rúnar Bjarnason (Grindavík)
NÚ JÆJA! Kannski er tími fyrir Grindavík! Andri Rúnar skorar eftir að hafa verið einn og óvaldaður inn í teig. Fékk smá heppni með sér þar sem boltinn átti viðkomu í varnarmanni. Er nægur tími fyrir Grindavík til þess að ná stigi í þessum leik?
90. mín
Andri Rúnar með flottan sprett og vinnur hornspyrnu. Það er held ég ekki nægur tími eftir fyrir Grindavík. Víkingur að sigla þremur stigum í hús
90. mín
Þetta var nú meiri klaufaskapurinn hjá Grindavík. Jajalo og Matthías áttu í einhverjum samskiptaörðuleikum og ALex Freyr nálægt því að stela boltanum og skora.
89. mín
Magnús hefur ekki átt góða innkomu hérna. Átt tvær feilsendingar á sínum eigin vallarhelming
88. mín Gult spjald: Sam Hewson (Grindavík)
Hewson að næla sér í spjald
87. mín
Gunnar Þorsteinsson með skemmtileg tilþrif hérna á miðjunni. Ekki oft sem maður sér þetta hjá honum. Tíminn er hins vegar að fjara undan frá Grindvíkingum
86. mín
Inn:Magnús Björgvinsson (Grindavík) Út:Simon Smidt (Grindavík)
Og við fáum síðustu skiptingu leiksins. Magnús Björgvinsson að koma inn á í fyrsta sinn í langan tíma. Hefur verið meiddur
84. mín
Inn:Dofri Snorrason (Víkingur R.) Út:Erlingur Agnarsson (Víkingur R.)
Síðasta skipting gestanna
82. mín Mark úr víti!
Ívar Örn Jónsson (Víkingur R.)
Ívar Örn Jónsson skorar örugglega úr vítaspyrnunni! Jajalo fór í rétt horn en náði ekki í fasta spyrnu Ívars
81. mín
VÍTASPYRNA TIL VÍKINGS! Jajalo brýtur á Erlingi. Hárréttur dómur!
80. mín
Inn:Viktor Bjarki Arnarsson (Víkingur R.) Út:Arnþór Ingi Kristinsson (Víkingur R.)
Arnþór getur ekki haldið áfram eftir meiðslin og Viktor Bjarki kemur inn á
78. mín Gult spjald: Gunnar Þorsteinsson (Grindavík)
Fyrirliði Grindvíkinga fær gult spjald. Verð að viðurkenna að ég missti af þessu. Braut á Arnþóri Inga sem liggur eftir á vellinum. Stuðningsmenn Víkings vildu fá rautt. Ég ætla að sleppa því að henda fram sleggjudómum
77. mín
Inn:Nikolaj Hansen (Víkingur R.) Út:Geoffrey Castillion (Víkingur R.)
Nikolaj Hansen kemur inn á í stað Castillion
76. mín
Myndast strax hætta í kringum Juan. Vann boltann á vallarhelmingi Víkings og reyndi fyrirgjöf en Andri náði ekki til boltans
75. mín
Inn:Juanma Ortiz (Grindavík) Út:Will Daniels (Grindavík)
Tvöföld breyting hjá Grindavík
75. mín
Inn:Marinó Axel Helgason (Grindavík) Út:Aron Freyr Róbertsson (Grindavík)
74. mín
Grindavík orðnir ansi fyrirsjáanlegir núna. Reyna mikið af löngum boltum á Andra Rúnar en ekki hefur það heppnast
72. mín
Eftir sprækan fyrri hálfleik er einhver deyfð yfir heimamönnum í seinni hálfleik
69. mín MARK!
Vladimir Tufegdzic (Víkingur R.)
Stoðsending: Ívar Örn Jónsson
ÞARNA KOM MARKIÐ Í LEIKINN! Aukaspyrnu-Ívar sýndi snilli sína í aukaspyrnum og átti frábæra fyrirgjöf inn í teiginn. Markið skrifast hins vegar algjörlega á klaufaskap Grindvíkinga. Áttu kjörið tækifæri til þess að hreinsa en það tókst ekki og datt boltinn fyrir Tufa sem kláraði vel!
69. mín Gult spjald: Milos Zeravica (Grindavík)
Zeravica kominn með spjald. Fyrsta spjald Grindvíkinga. Alltof seinn í tæklinguna og fer beint í nafna sinn Ozegovic. Fannst þetta vera réttur dómur
68. mín
Milos Zeravica með skot langt utan af velli. Hefði frekar viljað sjá boltann inn í teig þarna. Skotið ekki fast og örugglega framhjá
66. mín
Simon með fyrirgjöf en aftur nær hann ekki nægilega góðri sendingu fyrir markið
65. mín
Ég væri að ljúga ef ég segði að það væri allt morandi í færum. Hef þó fulla trú á að það komi mark í þennan leik
60. mín
Edu með skelfilega hreinsun úr vörn Grindavíkur og Tufa átti skot í varnarmann en boltinn í horn. Ekkert verður úr spyrnunni en Jajalo liggur eftir. Hann og Ozegovic lentu í árekstri sýndist mér
59. mín
Flott samspil hjá Simon og Daniels en þeir eru báðir ansi snöggir. Fyrirgjöf Simons var hins vegar ekki nægilega góð
57. mín
Halldór Smári með geggjaða tæklingu! Kom flott fyrirgjöf frá Andra og átti hann frábæra móttöku og virtist vera að komast í flott færi en þá kom Halldór fljúgandi, beint í boltann og vann markspyrnu að auki
56. mín
Heimamenn tóku stutta hornspyrnu en það rættist ekkert úr henni
55. mín
Simon með flotta fyrirgjöf sem Víkingar skalla í horn
53. mín
Grindavík nær að hreinsa hornspyrnuna í burtu
53. mín
Víkingur fær hornspyrnu og Matthías ekki sáttu. Skil hann, boltinn fór af Castillion og útaf.

Skömmu síðar fær Víkingur aðra hornspyrnu. Eru að byrja mun betur hérna í síðari hálfleik
51. mín
Matthías verið flottur í vörninni hjá Grindavík í kvöld
48. mín
Víkingur byrjr af meiri krafti en heimamenn í seinni hálfleik. Vinna hornspyrnu en Grindvíkingar ná að hreinsa
46. mín
Leikur hafinn
Jæja þetta er byrjað aftur! Grindavík byrjar með boltann og er með smá golu í bakið
45. mín
Hálfleikur
Gunnar mætti á völlinn löngu á undan öllum öðrum leikmönnum til þess að skokka. Það er spurning hvort hann sé eitthvað tæpur
45. mín
Hálfleikur
Kíkti út í blíðuna hérna í Grindavík. Held svei mér þá að ég hafi sólbrunnið smá
45. mín
Hálfleikur
Pétur flautar til hálfleiks. Þrátt fyrir markaleysið hefur leikurinn bara verið nokkuð fjörugur. Grindavík betri að mínu mati lengst af í fyrri hálfleik. Tók smá tíma fyrir Víking að komast inn í leikinn en hafa verið ágætir eftir það. Vonandi fáum við mörk í leikinn í seinni hálfleik!
45. mín
Frábær varnaleikur hjá Matthíasi. Stöðvar Erling sem var nálægt því að komast einn á móti Jajalo
42. mín
Tufa liggur eftir eina hressilega tæklingu frá Daniels. Daniels fór þó í boltann og var þetta líklega réttur dómur hjá Pétri. Tufa er kominn aftur inná
41. mín
Víkingur með tvær arfaslakar hreinsanir beint upp í loftið. Sem betur fer fyrir þá skapaðist ekki hætta
40. mín
Hornspyrna til Grindavíkur. Aron Freyr með fyrirgjöf sem varnarmenn Víkings hreinsa í horn
37. mín Gult spjald: Milos Ozegovic (Víkingur R.)
Fyrsta spjaldið komið. Brýtur á Milosi sem var á hraðferð upp völlinn. Ozegovic var svo ekki sáttur með liðsfélaga sína í framlínunni í kjölfarið
36. mín
Víkingur vill fá vítið eftir að boltinn fór í Simon. Vildu fá hendi dæmda en mér sýndist þetta nú bara fara í stellið á Simon. Hefur án efa verið sárt enda lá hann þjáður eftir í grasinu
33. mín
Kemur ekkert úr hornspyrnunni nema það að Víkingar urðu aftur pirraðir. Nú vegna þess að Gunnar braut á Róberti en ekkert dæmt. Skil pirringinn þarna, fannst þetta vera brot
33. mín
Hewson vinnur hornspyrnu og Víkingar brjálaðir! Vildu meina að boltinn hefði farið aftur í Hewson
31. mín
Alex Freyr skallar Gunnar í hnakkann eftir einvígi og aukaspyrna dæmd. Alex fór svo að kvarta yfir þessu. Lítið hægt að kvarta yfir þessu
30. mín
Jajalo með sína aðra lélegu sendingu á nokkrum mínútum. Annað innkastið sem hann hreinlega gefur Víkingi
29. mín
Menn að láta vaða í þessum leik. Nú var það Gunnar Þorsteinsson. Ágætis skot en það fór framhjá. Gaman að sjá menn skjóta á mörkin. Skorar ekki nema að skjóta
26. mín
Alex Freyr nálægt því að skora gegn sínum gömlu félögum! Fékk að rekja boltann upp völlinn og enginn mætti honum og hann lét að sjálfsögðu vaða. Skotið rétt framhjá.

Hewson komst svo í gott skotfæri eftir undirbúning Andra Rúnars hinu megin
22. mín
Sýndist það vera Tufa sem var einn og óvaldaður inn í teig Grindavíkur en hann snéri bakinu í boltann og skallinn var eftir því. Náði ekkert að stýra boltanum
21. mín
Edu brýtur á Castillion og Víkingur fær aukaspyrnu. Fannst Edu eiga skilið gult spjald þarna en Pétur sleppir honum
19. mín
Simon með flotta hornspyrnu hægra megin en Daniels hitti ekki boltann!
18. mín
Hewson með flotta aukaspyrnu sem Arnþór þarf að skalla í horn
16. mín
Aron Freyr nálægt því að komast í dauðafæri! Daniels með flotta stungusendingu á Aron en hann var óheppinn og steig á boltann. Hefði verið kominn einn á móti markmanni. Daniels að byrja leikinn virkilega vel.

Castillion komst svo í ágætt skotfæri hinu megin
14. mín
Grindavík náði ekki að hreinsa nægilega vel og Víkingur hélt boltanum. Tufa náði skoti en það var beint á Jajalo
13. mín
Víkingur að sækja í sig veðrið. Eiga núna hornspyrnu
9. mín
Það er vert að nefna að nýjasti leikmaður Grindavíkur, færeyski landsliðsmaðurinn Rene Joensen fær ekki leikheimild með liðinu fyrr en á morgun og má hann því ekki spila í kvöld. Hann verður tilbúinn í næsta leik
8. mín
Byrjar nokkuð fjörlega þessi leikur. Víkingur að komast inn í leikinn en Grindvíkingarnir hafa verið flottir hér í upphafi. Aron Freyr með góðan sprett upp hægri kantinn en fyrirgjöfin hans ekki eins sterk
6. mín
Víkingur vill fá víti! Arnþór Ingi féll inn í teignum. Þetta var afskaplega lítið og hefði verið harður dómur að dæma vítaspyrnu. Jón Ingason hífði hann bara upp
5. mín
Alex Freyr með skalla en hann fór yfir markið.
3. mín
SKOTT Í SAMMANN! Þarna var Hewson nálægt því að skora! Fær sendingu utan af vinstri kantinum og lætur vaða fyrir utan teig og boltinn fór bókstaflega í samskeytinn! Þarna skall hurð nærri hælum
3. mín
Grindavík að byrja af krafti hérna fyrstu þrjár mínútur leiksins, annað en í síðustu tveimur leikjum liðsins
2. mín
HÆTTA Í VÍTATEIG VÍKINGS! Sam Hewson með flotta hornspyrnu og Edu stekkur manna hæst og stangar hann að marki Víkings en Róbert var vel á verðinum og varði hann út í teiginn aftur þar sem Víkingur náði að hreinsa í burtu
1. mín
Leikur hafinn
Castillion byrjar með boltann fyrir Víking. Þetta er byrjað í blíðskaparveðrinu hér í Grindavík
Fyrir leik
Liðin ganga inn á völlinn undir fögrum tónum Game of Thrones. Gunnar Þorsteinsson valdi þetta lag sérstaklega í byrjun sumars
Fyrir leik
Það hafa orðið breytingar á byrjunarliði Grindavíkur svona rétt fyrir leik. Alexander Veigar dettur úr liðinu. Ekkert vitað hvest vegna það er en líklega er um meiðsli að ræða. Aron Freyr kemur inn í liðið í hans stað
Fyrir leik
Ég myndi ekkert hata það að vera bara úti í sólinni að skrifa um leikinn. En aftur á móti er það held ég bara betra að ég haldi mig innandyra. Undirritaður er nefnilega rauðhærður og með viðkvæma húð. Ég brenn mjög auðveldlega sjáið til.
Fyrir leik
Það verður að viðurkennast að ég er farinn að sakna Begga vallarstjóra. Orðinn fulllangur tími síðan ég sá manninn. Síðast þegar ég vissi var hann í sumarfríi að njóta. Fáir sem eiga slíkt frí jafn skilið og Beggi vallarstjóri. Þrátt fyrir fjarveru hans lítur völlurinn fáránlega vel út. Viktor Bergmann, vinstri hönd Begga vallarstjóra fær þann heiður
Fyrir leik
Alex Freyr Hilmarsson, einn besti leikmaður Víkings í sumar er að spila gegn sínum gömlu félögum en hann lék í fjögur ár með þeim gulklæddu áður en hann gekk til liðs við Víking
Fyrir leik
Jón Ingason er að spila sinn síðasta leik fyrir Grindavík í sumar. Hann mun halda vestur um haf og fara í skóla í Bandaríkjunum á næstu dögum
Fyrir leik
Benóný Þórhallsson, myndatökumaður Fótbolta.net hér í Grindavík verður ekki að taka myndir í kvöld, sem er ekki gott, því myndirnar hans eru ákaflega góðar. Hann hefur þó góða og gilda ástæðu fyrir fjarveru sinni. Hann er nefnilega varamarkvörður Grindavíkur í kvöld
Fyrir leik
Það verður að segjast að veðrið hérna í Grindavík er með miklum ágætum. Í raun er bara geggjað veður hérna.
Fyrir leik
Grindavík gerir þrjá breytingar frá 5-0 tapinu gegn Stjörnunni í síðustu umferð. Grindvíkingar ætla að gera betur í kvöld.

Marinó Axel Helgason, Brynjar Ásgeir Guðmundsson og Aron Freyr Róbertsson detta út og inn í þeirra stað koma Will Daniels, Jón Ingason og Simon Smidt, sem kom frá Fram á dögunum.

Rene Joensen, Færeyingurinn sem Grindavík fékk í dag er ekki kominn með leikheimild.

Logi Ólafsson gerir einnig þrjár breytingar á sínu liði. Víkingar töpuðu síðasta leik sínum 3-0 gegn KR.

Milos Ozegovic, Alan Lowing og Vladimir Tufegdzic koma inn í byrjunarliðið fyrir Viktor Bjarka Arnarsson, Dofra Snorrason og Gunnlaug Fannar Guðmundsson.
Guðmundur Aðalsteinn Ásgeirsson
Fyrir leik
Byrjunarliðin eru klár!
Guðmundur Aðalsteinn Ásgeirsson
Fyrir leik
Flautuspilari kvöldsins er Pétur Guðmundsson. Honum til aðstoðar verða Gylfi Már Sigurðsson og Gunnar Helgason. Varadómari er Jóhann Ingi Jónsson en Guðmundur Stefán Maríasson er eftirlitsdómari
Fyrir leik
Liðin mættust í fyrsta sinn á Íslandsmóti árið 1994, en þá léku liðin í næst efstu deild. Grindavík vann fyrsta leik liðanna en Víkingur svaraði svo fyrir sig í seinni leik liðanna þetta sumarið.

Leikurinn í kvöld er 22. leikur liðanna. Víkingur hafa unnið átta leiki en Grindavík fimm. Átta sinnum hafa liðin gert jafntefli
Fyrir leik
Liðin mættust í 2. umferð Pepsi-deildarinnar í sumar og þá vann Grindavík eftir mikla dramatík.

Geoffrey Castillion kom Víkingi yfir í fyrri hálfleik en Alexander Veigar Þórarinsson jafnaði leikinn um miðbik seinni hálfleiks. Það var svo markahæsti leikmaður deildarinnar, Andri Rúnar Bjarnason sem tryggði Grindavík sigurinn með marki í uppbótartíma. Andri lék einmitt með Víkingi og fór hann þaðan á láni til Grindavíkur síðasta sumar. Andri gekk svo endanlega til liðs við Grindavík í vetur.
Fyrir leik
Þetta er mikilvægur leikur, því báðum liðum hefur gengið illa í síðustu umferðum. Grindvíkingar hafa tapað tveimur síðustu leikjum sínum, og það stórt.

Þá hefur Víkingur einnig tapað síðustu tveimur leikjum sínum, gegn Reykjavíkurliðunum, KR og Val.
Fyrir leik
Komið þið sæl og blessuð og verið velkomin á leik Grindavíkur og Víkings Reykjavíkur hérna á Grindavíkurvelli.
Byrjunarlið:
1. Róbert Örn Óskarsson (m)
3. Ívar Örn Jónsson
5. Milos Ozegovic
7. Erlingur Agnarsson ('84)
7. Alex Freyr Hilmarsson
12. Halldór Smári Sigurðsson
21. Arnþór Ingi Kristinsson ('80)
22. Alan Lowing
24. Davíð Örn Atlason
25. Vladimir Tufegdzic
27. Geoffrey Castillion ('77)

Varamenn:
8. Viktor Bjarki Arnarsson ('80)
10. Veigar Páll Gunnarsson
11. Dofri Snorrason ('84)
12. Kristófer Karl Jensson
17. Gunnlaugur Fannar Guðmundsson
18. Örvar Eggertsson
23. Nikolaj Hansen ('77)

Liðsstjórn:
Logi Ólafsson (Þ)
Bjarni Eggerts Guðjónsson (Þ)
Þórir Ingvarsson
Hajrudin Cardaklija
Halldór Svavar Sigurðsson

Gul spjöld:
Milos Ozegovic ('37)

Rauð spjöld: