Fyrirliðarnir heilsast. Pálmi Rafn Pálmason er tekinn við fyrirliðahlutverkinu eftir að Indriði neyddist til að leggja skóna á hilluna. Guðmundur Steinn Hafsteinsson er með bandið hjá Ólsurum.

Carnival de Paris er inngöngulag KR-inga í dag. Ég fagna því. Hér í Vesturbænunum er óeining um hvaða inngöngulag eigi að nota en karnivalstemningin fær mitt atkvæði.

Bóasinn, stuðningsmaður KR, sveiflar hér KR-fánanum grimmt og galið. Sló fánanum í höfuð eins vallargests sem var ekki sáttur. Allir skildu þó sem vinir að lokum. Verið er að spila KR-lagið með Bubba Morthens.

Byrjunarliðin eru komin inn:
KR vann Fjölni 2-0 í síðasta leik og Willum Þór Þórsson heldur sig við sama byrjunarlið og í þeim leik.

Ejub Purisevic teflir fram bræðrunum frá Litháen sem komu á dögunum í byrjunarliðinu. Eivinas Zagurskas og Gabrielius Zagurskas.

Eivinas er 27 ára miðjumaður. Hann lék síðast í norsku C-deildinni með Egersunds en þjálfari þar er Ólafur Örn Bjarnason.

Gabrielius er 25 ára vinstri bakvörður en hann hefur aðallega leikið í Litháen eftir að hafa áður verið í unglingaliði Köge í Danmörku.

Fallegt veður í henni Reykjavík.

pic.twitter.com/SsmnGlQY0T

— KR Reykjavik FC (@KRreykjavik) July 31, 2017

Einar Örn Jónsson spáir sigri KR:
Úff, sem uppalinn Valsari er erfitt að spá KR sigri en ég held þeir vinni samt. Enginn glans en þrjú stig vestur yfir læk.

Á föstudaginn var tilkynnt að varnarmaðurinn Indriði Sigurðsson, fyrirliði KR, væri búinn að leggja skóna á hilluna vegna meiðsla. Indriði verður þjálfarateymi KR innan handar út tímabilið. Ég mun taka viðtal við Indriða á eftir og það mun birtast hér á síðunni í kvöld.

KR er í fimmta sæti Pepsi-deildarinnar eftir tvo sigurleiki í röð. Liðið vonast til þess að krækja sér í Evrópusæti líkt og í fyrra.

Víkingur Ólafsvík hefur náð að vinna þrjá af fimm síðustu leikjum sínum í deildinni en liðið tapaði 1-2 gegn toppliði Vals í síðustu umferð. Ólsarar eru einu stigi fyrir ofan fallsæti.

Fasteignasalinn Guðmundur Ársæll Guðmundsson er mættur með flautuna hingað í Vesturbæinn. Gylfi Tryggvason og Þórður Arnar Árnason verða með fána og Egill Arnar Sigurþórsson með skilti.

Mun Víkingur Ólafsvík loks ná að leggja KR? Liðin hafa mæst fimm sinnum á Íslandsmótinu. KR hefur unnið fjóra leiki og einn hefur endað með jafntefli.

KR vann 2-1 sigur þegar liðin léku í Ólafsvík í maí. Dramatíkin var þar allsráðandi þar sem Pálmi Rafn Pálmason skoraði sigurmarkið í uppbótartíma.

Okkur reiknast til að @KRreykjavik sé eina liðið í Pepsídeild sem við höfum aldrei unnið. Aldrei! Komið að því? #leikdagur #vikingurol pic.twitter.com/fptqGnOLAs

— Víkingur Ólafsvík (@Vikingurol) July 31, 2017

Gott og gleðilegt kvöld! Velkomin með mér á KR-völlinn þar sem heimamenn eru að fara að mæta Ejub Purisevic og hans vösku sveit í Víkingi Ólafsvík. Ég verð að viðurkenna að ég er drulluspenntur fyrir þessum leik.