Þróttarar sækja þungt hér á síðsutu mínútunum. Gróttumenn að verjast vel þó.

Vilhjálmur sleppur í gegn en setur boltann beint á Stefán Ara.

Heiðar Geir í dauðafæri. Föst fyrirgjöf með jörðinni sem náði á fjær og beint í lappirnar á Heiðari sem tókst að klúðra þessu. Þriðja dauðafærið í leiknum sem klúðrast á markteig. Synd.

Hreinn Ingi með geggjaðan skall eftir horn en boltinn dúndraðist í þverslána.

Sveinbjörn með góða aukaspyrnu. Þéttings fast en Stefán náði að slá hann út.

Ágætis sókn hjá Gróttu. Sækja hratt upp hægri vænginn og Agnar með lélegt skot.

Leikurinn rólegur síðustu mínútur.

Enn og aftur nær Viktor skallabolta í teig Gróttu. Setti hann þó vel framhjá í þetta sinn.

Viktor enn og aftur í ágætis færi. Fékk boltann á fjær eftir fyrirgjöf frá vinstri en átti skot á lofti í varnarmann og útaf.

Tóti Dan virðist eitthvað hafa tuskað sína menn til því þeir eru allt aðrir hér í byrjun seinni. Sóttu rétt í þessu hratt fram í skyndisókn sem Þróttarar rétt náðu að verjast. Ef þeir ná marki fljótlega mun þessi leikur gjörbreytast í tempói og spilun.

Létt umfjöllun um fyrri hálfleikinn.

Þróttur:
Virðast vera að spila í 4-4-2 sem virkar ágætlega fyrir þá.

Arnar Darri
Hreinn - Karl Brynjar - Grétar Sigfinnur - Hlynur
Víðir - Oddur - Heiðar - Vilhjálmur
Sveinbjörn - Viktor

Þétta vel varnarlega og mæta hart í öll einvígi. Pressan þeirra er miðlungs há.
Reyna að koma boltanum hratt fram þegar þeir ná honum. Annað hvort upp kantana eða reyna að setja hann í gegn á framherjana. Halda honum þó vel inn á milli. Viktor er búinn að vera mjög sprækur í leiknum og skapa nokkur færi.

Grótta:

Spila að mér sýnist í 4-3-3 með tvo djúpa og einn framliggjandi miðjumann.
Stefán Ari
Andri Már - Arnar Þór - Bjarni - Kristófer
Alexander - Sigurvin
Enok
Ásgrímur - Viktor - Pétur Steinn

Þeir eru í smá basli með hröðu sóknirnar en ráða almennt ágætlega við sókn Þróttar. Voru komnir og lágt í pressu í markinu sem bjó til flott pláss fyrir inní sendingu. Þróttarar hafa náð aðeins of mörgum skallaboltum í teignum samt.
Helsta vandamál Gróttu í fyrri hálfleik er mikið vesen í uppspili. Þeim gengur illa að halda honum og koma honum fram á við. Enda alltof oft í háum boltum upp völlinn sem virka illa á Grétar Sigfinn og Karl Brynjar. Þeir eru þó búnir að klúðra skelfilega illa í tvígang upp við mark Þróttara. Virka mjög bitlausir fyrir framan markið.

DAUÐAFÆRI! Sigurvin fær boltann rétt fyrir framan markteig en á skelfilegt skot sem lekur beint á Arnar Darra í markinu. Annað dauðafærið sem Grótta klúðrar í fyrri hálfleik.

Pétur Steinn fær boltann í lappirnar og skýtur af góðu færi. Boltinn fór í varnarmann og útaf. Skotið efnilegt þó.

Ásgrímur Gunnars með gott skot fyrir framan vítateig en skrúfar boltann framhjá. Ágætis tilraun.

Grótta fá aukaspyrnu á hægri kantinum. Laglegur bolti fyrir þar sem Arnar Þór fellur í teignum en ekkert dæmt. Réttur dómur frá mínu sjónarhorni.

Loic Ondo er ekki með Gróttu í dag eftir skiptin í lok glugga. Mér finnst líklegast að einhver meiðsli séu að plaga hann en við reynum að komast til botns í þessu máli.

Viktor í dauðafæri! Hlynur með frábæra hornspyrnu og Viktor fær frían skalla en setur hann rétt framhjá. Búinn að vera stórhættulegur hér í fyrri hluta leiks.

Þróttur í góður færi! Þjóta upp hægri kantinn í skyndisókn og koma boltanum á Viktor inni í teig sem nær góðu skoti en varnarmaður nær að komast fyrir á ögurstundu.

Boltinn kom inn í teig af hægri kantinum hjá Gróttu á Enok sem tók snertingu á markteig þar sem hann þurfti bara að rúlla boltanum inn. Þróttarar náðu fyrir og hreinsuðu. Skelfilegt klúður og merki um bitleysi hjá Gróttu.

Ásgrímur með frábæra fyrirgjöf á fjær þar sem Pétur Steinn var en áttaði sig of seint á að boltinn kæmi til hans. Hefði getað skorað.

Léleg hreinsun hjá Gróttu sem endaði á miðjum vallarhelmingu í löppunum á Heiðari Geir sem kom boltanum strax fram á Sveinbjörn en skot hans rétt yfir.

Þróttarar náðu hraðri sókn sem endaði með lélegu skoti Sveinbjarnar.

Ég er í smá net-vandræðum, leikurinn fer kröftuglega af stað og mikill eldmóður í báðum liðum.