Þjálfarateymi Norður-Írlands er mætt hingað á Grindavíkurvöll. Þykir líklegt að þeir séu að skoða Lauren Brennan í Grindavíkurliðinu en hún hefur verið í landsliðshópi Norður-Írlands

Grindavík er ekki með fullan leikmannahóp í kvöld. Skýringin á því er einföld. Þrjár stúlkur í leikmannahópnum eru staddar erlendis eftir að hafa fengið frí í EM-fríinu. Svo var þessi leikur settur á og þær ennþá staddar erlendis

Bæði lið eru að leggja lokahönd á undirbúning sinn fyrir leikinn. Stjarnan líklegra liðið í kvöld til þess að taka þrjú stig en það að þessi leikur fari fram í dag gæti kveikt í Grindvíkingum og gætum við því alveg eins átt von á óvæntum úrslitum. VIð sjáum til!

Það er ágætis veður hérna í Grindavík. Smá vindur og þurrt. Ekkert alltof hlýtt en svosem ágætt

BEGGI VALLARSTJÓRI ER MÆTTUR! ÞVÍLÍK GLEÐI HÉR Í GRINDAVÍK! Eftir að hafa verið í verðskulduðu sumarfríi er Beggi vallarstjóri mættur aftur! Og mátti það ekki tæpara standa, völlurinn hér í Grindavík er aðeins farinn að gulna, og þá kemur Beggi auðvitað og bjargar málunum!

Byrjunarliðin eru komin í hús. Íslandsmeistararnir gera eina breytingu á sínu liði frá síðasta leik liðsins. Bryndís Björnsdóttir dettur úr liðinu og Lorina White kemur inn. Lorina gekk til liðs við Stjörnuna nú á dögunum og er því að leika sinn fyrsta leik fyrir félagið.

Grindavík gerir þrjár breytingar á sínu liði. Engin Sara Hrund er í leikmannahópi Grindavíkur í kvöld og þá dettur Elena úr byrjunarliðinu. Markvörðurinn Telma Ívarsdóttir er farin aftur Breiðabliks eftir að hafa verið á láni hjá Grindavík í tvo leiki.

Viviane Holzel Domingues stendur í marki Grindavíkur í kvöld en hún kom til félagsins í félagaskiptaglugganum og er því að leika sinn fyrsta leik fyrir félagið. Berglind Ósk kemur einnig í byrjunarliðið sem og Helga Guðrún.

Þá er Thaisa komin aftur á bekkinn hjá Grindavík eftir að hafa verið meidd frá því í þriðju umferð. Óvíst er hins vegar með þátttöku hennar í kvöld. Carolina Mendes er einnig á bekknum en hún kom til Íslands í nótt eftir að hafa verið á Evrópumótinu með Portúgal. Þar skoraði hún tvö mörk fyrir þjóð sína, og þar á meðal fyrsta markið sem Portúgal hefur skorað á stórmóti

Pepsi-deild kvenna átti ekki að byrja fyrr en eftir viku, þann 10. ágúst vegna Evrópumótsins. Hins vegar var flýtt þessum leik vegna þátttöku Stjörnunnar í Meistaradeild Evrópu. Grindvíkingar eru sérstaklega óánægðir með að leikurinn sé spilaður í kvöld en KSÍ setti leikinn í kvöld þrátt fyrir að Grindavík hafi ekki viljað það

Bryngeir Valdimarsson heldur um flautuna í kvöld og honum til aðstoðar verða þeir Sigursteinn Árni Brynjólfsson og Sigurður Schram. Eftirlitsmaður KSÍ er Eiríkur Helgason.

Stjarnan vann öruggan sigur á Grindavík í fyrri leik liðanna í sumar, 4-1. Ana Victoria Cate skoraði tvö mörk fyrir Stjörnuna, og Anna María Baldursdóttir og Katrín Ásbjörnsdóttir bættu við sitt hvoru markinu. Linda Eshun skoraði mark Grindavíkur

Reyndar er Evrópumótið ekki búið því undanúrslitaleikirnir á mótinu fara fram núna, en hvað um það. Í kvöld er það leikur nýliðanna og Íslandsmeistaranna sem skiptir máli

Heil og sæl! Verið velkomin á leik Grindavíkur og Stjörnunnar í Pepsi-deild kvenna en þetta er fyrsti leikur deildarinnar eftir Evrópumótið.